PRAMEYA

Prameya News Portal, Prameya Daily, Odisha Latest News, Odisha Current Headlines, Odisha News Online

ପ୍ରମୁଖ ଖବର
  • କେସିଙ୍ଗା : କେସିଙ୍ଗାରେ ବୃଦ୍ଧି ପାଇବାରେ ଲାଗିଛି ସଟ୍ଟା ଖେଳ ସହିତ ବେଆଇନ ମଦ ବିକ୍ରି, ୩ ଗିରଫ
  • ||
  • କଣ୍ଟାବାଞ୍ଜି : ରାଜ୍ୟ ବାହାରେ ଓଡ଼ିଆ ପରିବାରକୁ ନିର୍ମମ ହତ୍ୟା, ସ୍ଵାମୀ-ସ୍ତ୍ରୀ ସମେତ ଦୁଇ ଛୁଆ ମୃତ
  • ||
  • କଟକ : ବଢିବ ହାଇସିକ୍ୟୁରିଟି ନମ୍ଵର ପ୍ଲେଟ ଅବଧି, ମାସେ ସମୟସୀମା ବୃଦ୍ଧିକଲେ ସରକାର
  • ||

ଚନ୍ଦ୍ରାଣୀ ମୁର୍ମୁଙ୍କ ମୋର୍ଫଡ୍ ସେକ୍ସ ଭିଡିଓ ଭାଇରାଲ ମାମଲାର ମାଷ୍ଟର ମାଇଣ୍ଡ ଗିରଫ

ଘଟଗାଁ ୧୦/୪: ଗିରଫ ହେଲା ଚନ୍ଦ୍ରାଣୀ ମୁର୍ମୁଙ୍କ ମୋର୍ଫଡ୍ ସେକ୍ସ ଭିଡିଓ ଭାଇରାଲ ମାମଲାର ମାଷ୍ଟର ମାଇଣ୍ଡ । ଗତକାଲି ରାତିରେ ଢେଙ୍କିକୋଟ ବଜାରରୁ ଜିଲ୍ଲା ପୋଲିସର ସ୍ପେଶାଲ ସ୍କ୍ବାର୍ଡ  ଗିରଫ କରିଛି । ଗିରଫ ଅଭିଯୁକ୍ତ ହେଲେ କେନ୍ଦୁଝର ଜିଲ୍ଲା ବିଜେପି ସୋସିଆଲ୍ ମିଡ଼ିଆ ସେଲ୍‌ର କୋଡିନେଟର ଜୟଦେବ ଗିରି । ଜୟଦେବଙ୍କ ଘର ଘଟଗାଁ ଥାନା ଅନ୍ତର୍ଗତ ନଙ୍ଗଳକଂଟି ଗ୍ରାମରେ । ଜୟଦେବଙ୍କ ସହଯୋଗୀ ବିଷ୍ଣୁଦତ୍ତ ବାରିକ୍‌ଙ୍କୁ ମଧ୍ୟ ଗିରଫ କରିଛି ପୋଲିସ ।

କିଛି ଦିନ ତଳେ କେନ୍ଦୁଝର ଲୋକସଭା ଆସନ ପ୍ରାର୍ଥୀନି ଚନ୍ଦ୍ରାଣୀ ମୁର୍ମୁଙ୍କ ଏକ ସେକ୍ସ ଭିଡିଓ ସାମାଜିକ ଗଣମାଧ୍ୟମରେ ଭାଇରାଲ ହୋଇଥିଲା । ଭିଡିଓଟି ତାଙ୍କର ନୁହେଁ ବୋଲି ଚନ୍ଦ୍ରାଣୀ ମୁର୍ମୁ ଗଣମାଧ୍ୟମକୁ କହିବା ସହ ପୋଲିସର ସହାୟତା ମଧ୍ୟ ନେଇଥିଲେ । ଏ ନେଇ ଗତକାଲି(ମଙ୍ଗଳବାର) ସୌଭାଗ୍ୟ ସୋରେନ ଜୟଦେବ ଗିରି, ବିଷ୍ଣୁଦତ୍ତ ବାରିକ ଏବଂ ବିଜେପିର ଅନ୍ୟ କିଛି ସମର୍ଥକଙ୍କ ବିରୋଧରେ ଅଭିଯୋଗ କରିଥିଲେ । ଅଭିଯୋଗ ପରେ କେନ୍ଦୁଝର ପୋଲିସ ତନାଘନା ଚଳାଇଥିଲା । ତଦନ୍ତ କରି ଗତକାଲି ରାତିରେ କେନ୍ଦୁଝର ଜିଲ୍ଲା ଘଟଗାଁ ଥାନା ଅନ୍ତର୍ଗତ ଢେଙ୍କିକୋଟ୍ ରୁ ଏହି ଦୁଇ ଜଣଙ୍କୁ ଗିରଫ କରିଛି ପୋଲିସ ।  

ସେମାନେ କେନ୍ଦୁଝର ଲୋକସଭା ପ୍ରାର୍ଥୀନିଙ୍କର ମର୍ଫଡ ସେକ୍ସ ଭିଡିଓ ସାମାଜିକ ଗଣମାଧ୍ୟମରେ ଭାଇରାଲ୍ କରୁଥିବା ଅଭିଯୋଗ ହୋଇଥିଲା । ତେବେ ଅଭିଯୋଗ ପରେ କେନ୍ଦୁଝର ପୋଲିସର ଘଟଣା ତଦନ୍ତ କରି ଗତକାଲି ରାତିରେ କେନ୍ଦୁଝର ଜିଲ୍ଲା ଘଟଗାଁ ଥାନା ଅନ୍ତର୍ଗତ ଢେଙ୍କିକୋଟ୍ ରୁ ଏହି ଦୁଇ ଜଣଙ୍କୁ ଗିରଫ କରିଥିବା ସୂଚନା ମିଳିଛି ।

କହିରଖୁଛୁ କେନ୍ଦୁଝର ଲୋକସଭା ସାଂସଦ ସକୁନ୍ତଳା ଲାଗୁରୀଙ୍କ ଟିକେଟ୍ କାଟି ସେଠାରେ ବିଜେଡି ଚନ୍ଦ୍ରାଣୀ ମୁର୍ମୁଙ୍କୁ ପ୍ରାର୍ଥୀ କରିଛି ଦଳ । ପ୍ରାର୍ଥୀ ଘୋଷଣା କରିବା ଗୋଟିଏ ଦିନ ପୂର୍ବରୁ ଚନ୍ଦ୍ରାଣୀ ବିଜେଡିରେ ଯୋଗଦେଇଥିଲେ । ଚନ୍ଦ୍ରାଣୀ କିଏ ଏବଂ ସେ କେମିତି ଟିକେଟ୍ ପାଇଲେ ତାକୁ ନେଇ ବିଭିନ୍ନ ମହଲରେ ଚର୍ଚ୍ଚା ଆରମ୍ଭ ହୋଇଥିଲା । ଏହି ପରିସ୍ଥିତିର ସୁଯୋଗ ନେଇ ତାଙ୍କ ବିରୋଧରେ ଏଭଳି କାଣ୍ଡ ଭିଆଇଥିଲେ ବିରୋଧୀ ।