ପ୍ରମୂଖ ଖବର
  • ସମ୍ବଲପୁର: ଟେଲର ଦୋକାନରେ ପଶି ମା’ ଝିଅଙ୍କୁ ହାଣିଲେ ଦୁର୍ବୃତ୍ତ
  • ||
  • ହଟିବ ବ୍ରିଟିଶ ଆଇନ୍ , ଲାଗୁ ହେବ ଭାରତୀୟ ନିୟମ, ଜୁଲାଇରୁ ଲାଗୁ ହେବ ନୂଆ ପୁଲିସ ଆଇନ
  • ||
  • ଟି-ଟ୍ୱେଣ୍ଟି ବିଶ୍ୱକପ୍‌ ୨୦୨୪: ଫ୍ଲୋରିଡାରେ ବନ୍ୟା, ୟୁଏସ୍‌ଏ-ଆୟର୍ଲାଣ୍ଡ୍‌ ମ୍ୟାଚ୍‌ ବାତିଲ ଆଶଙ୍କା
  • ||
  • ମଙ୍ଗଳବାର ଖୋଲିବ ସ୍କୁଲ: ପ୍ରଥମରୁ ଦିଆଯିବ ମଧ୍ୟାହ୍ନଭୋଜନ, ରୋଷେଇ ପୂର୍ବରୁ ସାମଗ୍ରୀ ଯାଞ୍ଚ କରିବାକୁ ନିର୍ଦ୍ଦେଶ
  • ||
  • ରଥଖଳା ହାଲ୍‌ଚାଲ୍‌...ପାଞ୍ଚ ଦେବ ଦମ୍ପତିଙ୍କୁ ଏକତ୍ର ପନ୍ତି ଅର୍ପଣ ସମ୍ପନ୍ନ, ଦଣ୍ଡାରେ ଲାଗିଲା ଆଗ-ପଛ ମୁହାଁଟ
  • ||
  • କୋଣାର୍କ ରାସ୍ତାରେ ଓଲଟିଲା ପିକଅପ୍ ଭ୍ୟାନ୍, ୨ ମୃତ ୧୦ରୁ ଉର୍ଦ୍ଧ୍ଵ ଆହତ
  • ||
  • ରଣେନ୍ଦ୍ର ପ୍ରତାପ ସ୍ୱାଇଁ ଅସ୍ଥାୟୀ ବାଚସ୍ପତି: ୧୮ ଓ ୧୯ରେ ବିଧାୟକଙ୍କ ଶପଥ ଉତ୍ସବ, ୨୦ରେ ବାଚସ୍ପତି ନିର୍ବାଚନ
  • ||
  • ଶୁକ୍ରବାର ଶ୍ରୀମନ୍ଦିର ନୀତି ସବ୍‌କମିଟି ଓ ଛତିଶା ନିଯୋଗ ବୈଠକ, ସ୍ନାନଯାତ୍ରା ନୀତି ନିର୍ଘଣ୍ଟକୁ ମିଳିବ ଅନୁମୋଦନ
  • ||
  • ରଜ ମଉଜକୁ ଫିକା କରିଦେବ ଗୁଳୁଗୁଳି, ଆସନ୍ତା ୨ ଦିନ ଯାଏ ତାତିରୁ ନାହିଁ ନିସ୍ତାର
  • ||

UPSC ଫଳାଫଳ: ଶୀର୍ଷ ୫ ମଧ୍ୟରେ ଏକମାତ୍ର ପୁଅ ମୟୂର ହଜାରିକା, ଜାଣନ୍ତୁ ଆସାମର ଏହି ଚର୍ଚ୍ଚିତ ଡାକ୍ତରଙ୍କ ବିଷୟରେ…

ନୂଆଦିଲ୍ଲୀ ୨୩/ ୦୫: ପ୍ରଶାସନିକ ସେବା ପରୀକ୍ଷା ଫଳରେ ଚଳିତ ଥର ଦେ‌ଖିବାକୁ ମିଳିଛି ଝିଅଙ୍କ ଦବଦବା । ମଙ୍ଗଳବାର ୨୦୨୨ର ପ୍ରଶାସନିକ ସେବା ପରୀକ୍ଷା ଫଳ ପ୍ରକାଶିତ ହୋଇଥିବା ବେଳେ ଶୀର୍ଷ ୫ ଜଣଙ୍କ ମଧ୍ୟରେ ରହିଛନ୍ତି ୪ ଜଣ ଝିଅ । ଇଶିତା କିଶୋର ଆଇଏଏସ୍‌ ଟପ୍ପର ହୋଇଥିବା ବେଳେ ଆସାମର ମୟୂର ହଜାରିକା ଶୀର୍ଷ ୫ ଜଣଙ୍କ ମଧ୍ୟରେ ଏକ ମାତ୍ର ପୁଅ ରହିଛନ୍ତି ।

ଇଶିତା କିଶୋର ୟୁପିଏସ୍‌ସି ପ୍ରଶାସନିକ ସେବା ପରୀକ୍ଷାରେ ଟପ୍ପର ହୋଇଥିବା ବେଳେ ଗରିମା ଲୋହିଆ ୨ୟ, ଉମା ହାରାତୀ ୩ୟ ସ୍ଥାନ ଅଧିକାର କରିଛନ୍ତି । ସେହିଭଳି ମୟୂର ହଜାରିକା ୫ମ ସ୍ଥାନ ଅଧିକାର କରିଛନ୍ତି । ମୋଟ ୯୩୩ ଜଣ ପ୍ରଶାସନିକ ସେବା ପରୀକ୍ଷାରେ ଯୋଗ୍ୟତା ଅର୍ଜନ କରିଛନ୍ତି ।

ମୟୂର ହଜାରିକା ରାଙ୍କିଂରେ ୫ମ ସ୍ଥାନରେ ରହିଥିବା ଆସାମ ମୁଖ୍ୟମନ୍ତ୍ରୀ ହେମନ୍ତ ବିଶ୍ବ ଶର୍ମା ଟ୍ବିଟ୍‌ କରି ଶୁଭେଚ୍ଛା ଜଣାଇଛନ୍ତି । ଟ୍ବିଟ୍‌ କରି ବିଶ୍ବ ଶର୍ମା କହିଛନ୍ତି, 'ସର୍ବ ଭାରତୀୟ ସ୍ତରରେ ୫ମ ସ୍ଥାନ ଅଧିକାର କରି ଆପଣ ଆମକୁ ଗର୍ବିତ କରିଛନ୍ତି । ଆପଣଙ୍କ ସଫଳତା ଯୁବ ପିଢିଙ୍କୁ ଆଗକୁ ବଢିବାରେ ସହାୟକ ହେବ । ଅନେକ ଅନେକ ଶୁଭେଚ୍ଛା'।

wp:html /wp:html

ପେଶାରେ ଡାକ୍ତର ଭାବେ ଆସାମର ଜାତୀୟ ସ୍ବାସ୍ଥ୍ୟ ମିଶନରେ କାର୍ଯ୍ୟରତ ମୟୂର ହଜାରିକା ଜଣେ ମେଧାବୀ ଛାତ୍ର ଥିଲେ । ହାଇସ୍କଲ ସାର୍ଟିଫିକେଟ୍‌ ପରୀକ୍ଷାରେ ରାଙ୍କ ହୋଲ୍ଡର ଥିଲେ ମୟୂର । ଗୌହାଟୀ ମେଡିକାଲ କଲେଜରେ ଏମବିବିଏସ୍‌ ପାସ୍‌ କରିବା ପରେ ଡାକ୍ତର ଭାବେ କାର୍ଯ୍ୟରତ ଥିଲେ । ୟୁପିଏସସି ପରୀକ୍ଷାରେ ସର୍ବଭାରତୀୟ ସ୍ତରରେ ୫ମ ସ୍ଥାନ ଅଧିକାର କରିଥିବା ମୟୂର ହଜାରିକା କହିଛନ୍ତି, 'ସର୍ବଭାରତୀୟ ସ୍ତରରେ ୫ମ ସ୍ଥାନ ଅଧିକାର କରିବି ବୋଲି କେବେ ଭାବି ନଥିଲି । ମୁଁ ଫଳାଫଳକୁ ନେଇ ସମ୍ପୂର୍ଣ୍ଣ ଭାବେ ସନ୍ତୁଷ୍ଟ ଅଛି । ଭାରତୀୟ ବୈଦେଶିକ ସେବାରେ କାର୍ଯ୍ୟ କରିବାକୁ ପ୍ରଥମ ପସନ୍ଦ ଭାବେ ନେବି'।

ସୂଚନା ଯେ, ପ୍ରଶାସନିକ ସେବା ପରୀକ୍ଷା ବାର୍ଷିକ ୩ଟି ପର୍ଯ୍ୟାୟରେ ଅନୁଷ୍ଠିତ ହୋଇଥାଏ । ୟୁପିଏସ୍‌ସି ପକ୍ଷରୁ ପ୍ରଥମେ ପ୍ରିଲିମିନାରୀ, ମେନ୍‌ ଓ ଇଣ୍ଟରଭ୍ୟୁ ଭଳି ମୋଟ ୩ଟି ପର୍ଯ୍ୟାୟରେ କରାଯାଇଥାଏ । ଭାରତୀୟ ପ୍ରଶାସନିକ ସେବା (IAS), ଭାରତୀୟ ବୈଦେଶିକ ସେବା (IFS), ଭାରତୀୟ ପୋଲିସ ସେବା (IPS) ଏବଂ ଅନ୍ୟାନ୍ୟ ପଦବୀ ପାଇଁ ଚୟନ କରାଯାଇଥାଏ ।

News7 Is Now On WhatsApp Join And Get Latest News Updates Delivered To You Via WhatsApp

Copyright © 2024 - Summa Real Media Private Limited. All Rights Reserved.