PRAMEYA

Prameya News Portal, Prameya Daily, Odisha Latest News, Odisha Current Headlines, Odisha News Online

ପ୍ରମୁଖ ଖବର
  • ଏଟିଏମରେ ଟଙ୍କା ଭରିବା ନେଇ ଗାଡିରେ ଯାଉଥିବା ବେଳେ ୫୭ ଲକ୍ଷ ଟଙ୍କା ଧରି ଡ୍ରାଇଭର ଫେରାର
  • ||
  • ମୃତ ବ୍ୟକ୍ତିଙ୍କ ନାଁରେ ଜମି ବିକ୍ରି ଘଟଣାରେ ତହସିଲଦାର ଓ ଅତିରିକ୍ତ ତହସିଲଦାର ନିଲମ୍ବିତ
  • ||
  • କେନ୍ଦ୍ର ମନ୍ତ୍ରୀ ମଣ୍ଡଳରୁ ଇସ୍ତଫା ଦେଲେ ମୁକ୍ତାର ଆବ୍ବାସ ନକଭି
  • ||
  • ଯାତ୍ରା ଅଭିନେତା ଦୈତାରୀ ପଣ୍ଡାଙ୍କ ନାଁରେ ରାଜଧାନୀ ମିଡ଼ିଆ ହାଉସ୍ ସିଇଓ ଥାନାରେ କଲେ ଅଭିଯୋଗ , ଯାତ୍ରା ରାଜିନାମା ଅଗ୍ରୀମ ଟଙ୍କା ଫେରସ୍ତ ନକରିବାରୁ ବାଲେଶ୍ୱର ଜିଲ୍ଲା ଔପଦା ଥାନାରେ ରୁଜୁ ହୋଇଛି ମାମଲା, ପାର୍ବତୀ ଗଣନାଟ୍ୟ ଠାରୁ ୧୫ ଲକ୍ଷ ଟଙ୍କା ନେଇଥିଲେ ଅଗ୍ରୀମ
  • ||
  • ନୂଆଦିଲ୍ଲୀ : ଆସାମ ବନ୍ୟା ପୀଡିତଙ୍କ ପାଇଁ ସାହାଯ୍ୟର ହାତ ବଢାଇଲେ ଫିଲ୍ମ ନିର୍ମାତା କରନ ଜୋହର, ରିଲିଫ ପାଣ୍ଠିକୁ ଦେଲେ ୧୧ଲକ୍ଷ
  • ||
  • ଭୁବନେଶ୍ବର : କଂଗ୍ରେସ ବିଧାୟକ ରାଜନ ଏକ୍କାଙ୍କୁ ଭେଟିଲେ ବିଜେଡି ଟିମ୍, ରାଷ୍ଟ୍ରପତି ପ୍ରାର୍ଥି ଦ୍ରୌପଦୀ ମୁର୍ମୁଙ୍କୁ ସମର୍ଥନ କରିବାକୁ କଲେ ନିବେଦନ
  • ||
  • କଟକ : ପ୍ରକାଶ ପାଇଲା ମାଟ୍ରିକ ପରୀକ୍ଷା ଫଳ, ଚଳିତ ବର୍ଷ ପାସ ହାର ୯୦.୫୫
  • ||
  • ନିଶ୍ଚିନ୍ତକୋଇଲି : କଟକ ଜିଲ୍ଲା ନିଶ୍ଚିନ୍ତକୋଇଲି ଥାନା ସୁକରପଡା ଗାଁରେ ପାରିବାରିକ କଳହରୁ ମା’କୁ ହତ୍ୟା କରିଛି ପୁଅ
  • ||
  • ଆନନ୍ଦପୁର : ଶାଳବଣୀ ଛକ ନିକଟରେ ଟାୟାର ଫାଟିଯିବାରୁ ପୋଲିସ ହାବୁଡରେ ଧରାପଡିଲା ବେଆଇନ ଗୋ-ଚାଲାଣ ଟ୍ରକ, ଜବତ କଲା ଆନନ୍ଦପୁର ପୋଲିସ
  • ||
  • ଭୁବନେଶ୍ୱର : ଅଭିନେତ୍ରୀ ରଶ୍ମିରେଖାଙ୍କ ମୃତ୍ୟୁ ଘଟଣା, ପ୍ରେମିକ ସନ୍ତୋଷ ପାତ୍ର ରାଉରକେଲା ବାସନ୍ତୀକଲୋନୀରେ ଆତ୍ମହତ୍ୟା କରିଛନ୍ତି
  • ||
  • ରାଉରକେଲା : ରାଉରକେଲାରେ ୩୧୧ କୋଟିର GST ଠକେଇ, ବନ୍ଧାହେଲେ ୫ ବ୍ୟବସାୟୀ
  • ||
  • ରାୟଗଡ଼ା : ଚାନ୍ଦିଲି ଥାନା ଅନ୍ତର୍ଗତ ୩୨୬ ନମ୍ବର ଜାତୀୟ ରାଜପଥର ହାତୀଖମ୍ବ ଗାଁ ନିକଟରେ ଏକ ଯାତ୍ରୀବାହୀ ବସ୍ ଓଲଟି ଜଣେ ମହିଳାଙ୍କ ମୃତ୍ୟୁ, ୩୦ ଆହତ
  • ||

ପୁରୀ: ବିପର୍ଯ୍ୟସ୍ତ ସ୍ୱାସ୍ଥ୍ୟସେବା, ମୁଖ୍ୟ ଚିକିତ୍ସାଳୟ ଆଇସିୟୁ ବନ୍ଦ

ପୁରୀ, ୨ ।୬(ବ୍ୟୁରୋ): ଜିଲ୍ଲାରେ ସ୍ୱାସ୍ଥ୍ୟସେବାକୁ ଫୋନି ବାତ୍ୟା ସଂପୂର୍ଣ୍ଣ ଉଜାଡ଼ି ଦେଇଛି । ଜିଲ୍ଲା ମୁଖ୍ୟ ଡାକ୍ତରଖାନା, ସଂକ୍ରମଣ ରୋଗ ନିରାକରଣ ଡାକ୍ତରଖାନା ବ୍ୟତୀତ ୪୪ଟି ପ୍ରାଥମିକ ସ୍ୱାସ୍ଥ୍ୟ କେନ୍ଦ୍ର ଏବଂ ୧୬ଟି କମ୍ୟୁନିଟି ସ୍ୱାସ୍ଥ୍ୟକେନ୍ଦ୍ର ବାତ୍ୟାରେ ଅଚଳ ହୋଇ ପଡିଥିଲା । ଏବେ ଜିଲ୍ଲା ଡାକ୍ତରଖାନା, ପୁରୀ ସଂକ୍ରମଣ ରୋଗ ନିରାକରଣ ଡାକ୍ତରଖାନାକୁ ସଂପୂର୍ଣ୍ଣ କାର୍ଯ୍ୟକ୍ଷମ କରାଯାଇଛି । ଏହି ଡାକ୍ତରଖାନାଗୁଡିକୁ ବିଜୁଳି ସଂଯୋଗ ହୋଇ ସାରିଛି । ଏହା ବ୍ୟତୀତ ସହର ତଳି ଅଞ୍ଚଳ ସ୍ଥିତ ୧୬ଟି କମ୍ୟୁନିଟି ସ୍ୱାସ୍ଥ୍ୟକେନ୍ଦ୍ରକୁ ବିଜୁଳି ସଂଯୋଗ ସରିଛି । ଚାରି ଗୋଟି ପ୍ରାଥମିକ ସ୍ୱାସ୍ଥ୍ୟ କେନ୍ଦ୍ରକୁ ବିଜୁଳି ସଂଯୋଗ ହୋଇଛି । ବାକି ୪୪ଟି ପ୍ରାଥମିକ ସ୍ୱାସ୍ଥ୍ୟ କେନ୍ଦ୍ରକୁ ବିଜୁଳି ସଂଯୋଗ ହୋଇ ପାରିନାହିଁ । ଡିଜେଲ ପମ୍ପ ସେଟ୍‌ ଜରିଆରେ ଡାକ୍ତରଖାନାରେ ରୋଗୀ ସେବା ଦିଆଯାଉଛି । ବାତ୍ୟା ଅଞ୍ଚଳରେ ଭ୍ରାମ୍ୟମାଣ ସ୍ୱାସ୍ଥ୍ୟସେବା ଜାରି ରହିଛି । କେବେ ଏହି ପ୍ରାଥମିକ ସ୍ୱାସ୍ଥ୍ୟ କେନ୍ଦ୍ରଗୁଡିକୁ ବିଜୁଳି ଆସିବ ତାହା କେହି କହି ପାରୁନାହାନ୍ତି ।

ବାତ୍ୟାରେ ସଦର ମୁଖ୍ୟ ଚିକିତ୍ସାଳୟର ବ୍ୟାପକ କ୍ଷୟକ୍ଷତି ଘଟିଛି । ଆସ୍ତେ ଆସ୍ତେ ସ୍ଥିତି ସୁଧୁରିଥିବାବେଳେ ଏକ ମାସ ଧରି ସୁଧୁରି ପାରିନି ଆଇସିୟୁ ବ୍ୟବସ୍ଥା । ଫଳରେ ଅଚଳ ହୋଇ ପଡିଛି ଏହି ୟୁନିଟ୍‌ । ଏଥିରେ ଥିବା ୬ଟି ସିଷ୍ଟମ୍‌ ନଷ୍ଟ ହୋଇଛି ।ଭେଣ୍ଟିଲେଟର୍‌ ଓ ମନିଟର୍‌ ଅଚଳ ହୋଇ ପଡିଥିବାବେଳେ ଏହା ଆଉ କାର୍ଯ୍ୟକ୍ଷମ ହେବ ନାହିଁ ବୋଲି ଜଣେ ଡାକ୍ତର କହିଛନ୍ତି । ଆଗକୁ ରଥଯାତ୍ରା ଆସୁଛି । ତେଣୁ ନୂଆ ସିଷ୍ଟମ୍‌ ଲଗାଯାଇ ତୁରନ୍ତ ଆଇସିୟୁ କାର୍ଯ୍ୟକ୍ଷମ କରାନଗଲେ ସମସ୍ୟା ଭୟଙ୍କର ମୋଡ଼ ନେବ ବୋଲି ଡାକ୍ତରଖାନା କର୍ମଚାରୀମାନେ କହିଛନ୍ତି ।

ଭୁଶୁଡ଼ିପଡ଼ିଛି ପାଣିଟାଙ୍କି
ଜିଲ୍ଲା ସଦର ମୁଖ୍ୟ ଚିକିତ୍ସାଳୟରେ ଥିବା ବଡ ପାଣିଟାଙ୍କି ଭୁଶୁଡି ପଡ଼ିଲା । ଏଥିଯୋଗୁଁ ସୃଷ୍ଟି ହୋଇଥିବା ସମସ୍ୟା ଏଯାଏଁ ସୁଧୁରିନି । ଡାକ୍ତରଙ୍କ ଚ୍ୟାମ୍ବରକୁ ପାଣି ଆସୁନାହିଁ । ଫଳରେ ଆଉଟ ଡୋର୍‌ରେ ଡାକ୍ତର ନାହିଁ ନଥିବା ହଇରାଣ ଭୋଗୁଛନ୍ତି । ଏହି ଟାଙ୍କି ନିର୍ମାଣରେ ବ୍ୟାପକ ଦୁର୍ନୀତି ଯୋଗୁଁ ତାହା ଭୁଶୁଡି ପଡିଥିବା ଅଭିଯୋଗ ହୋଇଛି । ଆବଶ୍ୟକ ପାଣି ମିଳୁନଥିବା ଯୋଗୁଁ ଏକ ମାସ ଧରି ରୋଗୀ ଓ କର୍ମଚାରୀଙ୍କ ସହ ଡାକ୍ତର କଲବଲ ହେଉଛନ୍ତି ।

ଏସି ଓ ଲିପ୍ଟ ଅଚଳ, ଯୋଡ଼ା ହୋଇନି ଭଙ୍ଗା ସିଲିଂ
ମୁଖ୍ୟ ଚିକିତ୍ସାଳୟରେ ଫୋନି ମାଡରେ ଝରକା କବାଟ ଭାଙ୍ଗି ନଷ୍ଟ ହୋଇଛି । ସେଥିପାଇଁ ଏସି କାମ କରୁନାହିଁ । ରୋଗୀମାନେ ଗରମରେ ରହିବାକୁ ବାଧ୍ୟ ହେଉଛନ୍ତି । ସିଲିଂଗୁଡିକ ଭାଙ୍ଗି ଖସି ପଡିଛି । ଏସବୁ ଏପର୍ଯ୍ୟନ୍ତ ମରାମତି ହୋଇ ପାରି ନାହିଁ । ଏମ୍‌ସିଏଚ୍‌ ବିଲ୍ଡିଂରେ ଦୁଇଟି ଲିପ୍ଟ ମଧ୍ୟରୁ ସମ୍ମୁଖ ଲିପ୍ଟ ଅଚଳ ହୋଇ ପଡି ରହିଛି । କର୍ତ୍ତୃପକ୍ଷ ଏସବୁ ମରାମତି କାମ କରିବାରେ ବିଫଳ ହୋଇଛନ୍ତି ।

ଆଇଡିଏଚ୍‌ରେ ବିଜୁଳି ଅଛି , ବୁଲୁନି ପଙ୍ଖା, ଛଟପଟ ହେଉଛନ୍ତି ରୋଗୀ
ଜିଲ୍ଲା ଯକ୍ଷ୍ମା ଓ ସଂକ୍ରମଣ ରୋଗ ଚିକିତ୍ସାଳୟ (ଆଇଡିଏଚ୍‌)ରେ ଫୋନି ପର ଠାରୁ ପଙ୍ଖା ଅଚଳ ହୋଇଛି । ବିଜୁଳି ଅଛି । କିନ୍ତୁ ବୁଲୁନି ପଙ୍ଖା । ୱାର୍ଡରେ ଥିବା ୨୪ଟି ପଙ୍ଖାରୁ ୧୭ଟି ଅଚଳ ହୋଇଛି । ୭ଟି ପଙ୍ଖା ଆସ୍ତେ ଆସ୍ତେ ବୁଲୁଥିବାବେଳେ ସମ୍ପୂର୍ଣ୍ଣ ୱାର୍ଡ ଗରମ ଗୁଳୁଗୁଳିରେ ରୋଗୀ କଲବଲ ହେଉଥିବା ଅଭିଯୋଗ ହୋଇଛି । ବାରମ୍ବାର ଅଭିଯୋଗ ହୋଇଛି । କିନ୍ତୁ ଏକ ମାସ ଧରି କର୍ତ୍ତୃପକ୍ଷ ଏ ଦିଗରେ ଦୃଷ୍ଟି ଦେଇ ନଥିବା ଅଭିଯୋଗ ହୋଇଛି ।