ଭୁବନେଶ୍ୱର ୯/୪: ସୁରକ୍ଷିତ ନିର୍ବାଚନ ଓ ଆଇନ ଶୃଙ୍ଖଳା ପାଇଁ ଡିଜିପିଙ୍କ କ୍ଯାମ୍ପ ଅଫିସରେ ବୈଠକ ଅନୁଷ୍ଠିତ ହୋଇଯାଇଛି । ବୈଠକରେ ଡିଜିପି ଇନଚାର୍ଜ ବି.କେ. ଶର୍ମାଙ୍କ ସହ ବରିଷ୍ଠ ଆଇପିଏସ୍ ଅଫିସରମାନେ ଆଲୋଚନା କରିଛନ୍ତି । ଗୁଇନ୍ଦା ବିଭାଗର ସ୍ପେଶାଲ ଡିଜି, ପୋଲିସ କମିଶନର ଏହି ବୈଠକରେ ସାମିଲ ହୋଇଛନ୍ତି । ସୁରକ୍ଷିତ ନିର୍ବାଚନ ଓ ଆଇନ ଶୃଙ୍ଖଳା ନେଇ ବୈଠକରେ ଆଲୋଚନା କରାଯାଇଛି ।
ପ୍ରଥମ ପର୍ଯ୍ୟାୟ ନିର୍ବାଚନ ଆସନ୍ତା ୧୧ ତାରିଖରେ ହେବାକୁ ଯାଉଛି । ଏହି ପର୍ଯ୍ୟାୟରେ ମତଦାନ ପାଇଁ ଥିବା ନିର୍ବାଚନମଣ୍ଡଳୀ ଗୁଡ଼ିକ ମୁଖ୍ୟତଃ ମାଓ ଉପଦ୍ରୁତ ଇଲାକାରେ ରହିଛି । ମାଓ ଉପଦ୍ରୁତ ଇଲାକାରେ ପୁଲିସ୍ କିପରି ନିରାପଦରେ ଶାନ୍ତିଶୃଙ୍ଖଳାର ସହ ମତଦାନ କରାଇବ ତାହା ଉପରେ ଫୋକସ୍ ରହିଛି । କହିରଖୁଛୁ ଡିଜିପି ଆର୍ ପି ଶର୍ମା ଛୁଟିରେ ଯାଇଥିବାରୁ ବରିଷ୍ଠ ଆଇପିଏସ୍ ଅଫିସର ବିଜୟ କୁମାର ଶର୍ମାଙ୍କୁ ଡିଜିପି ଦାୟିତ୍ବ ଦିଆଯାଇଛି ।