ୟୁଜର୍ସଙ୍କ ଡାଟା ସେୟାର ମାମଲା, ମେଟା ଉପରେ ଲାଗିଲା ୧୦,୭୦୦ କୋଟି ଟଙ୍କାର ଜୋରିମାନା
ନୂଆଦିଲ୍ଲୀ ୨୩/୫: ସୋସିଆଲ ମିଡିଆ ପ୍ଲାଟଫର୍ମ ଫେସବୁକ୍ ଏବଂ ହ୍ୱାଟ୍ସଆପର ସଞ୍ଚାଳନ କରୁଥିବା କମ୍ପାନୀ ମେଟା ଉପରେ ୟୁରୋପୀୟ ୟୁନିୟନ୍ ୟୁଜର୍ସଙ୍କ ସମ୍ପର୍କରେ ସୂଚନା ଆମେରିକାକୁ ପଠାଇବା ଉପରେ ସୋମବାର ରୋକ ଲଗାଇବା ସହିତ ୧.୩(ପ୍ରାୟ ୧୦,୭୦୦ କୋଟି ଟଙ୍କା) ଅରବ ଡଲାରର ଜୋରିମାନା ଲଗାଇଦେଇଛି । ପ୍ରାୟ ୫ ବର୍ଷ ପୂର୍ବେ ୟୁରୋପୀୟ ୟୁନିୟନ୍ ପ୍ରାଇଭେସି ଉଲ୍ଲଙ୍ଘନ ସମ୍ବନ୍ଧିତ କଡା ଆଇନ୍ ଲାଗୁ ହେବା ପରେ ଲଗାଯାଇଥିବା ଏହା ହେଉଛି ସବୁଠାରୁ ବଡ ଜୋରିମାନା । ଏହା ପୂର୍ବରୁ ୟୁରୋପୀୟ ସଂଘ ୨୦୨୧ରେ ଇ-କମର୍ସ କମ୍ପାନୀ ଆମାଜନ ଉପରେ ୭୪.୬ କୋଟି ୟୁରୋ ଜୋରିମାନା ଲଗାଇଥିଲା ।
ମେଟା ପ୍ରାୟ ଏକ ଦଶକ ପୁରୁଣା ଏହି ମାମଲାରେ ପୂର୍ବରୁ ୟୁରୋପ ୟୁଜର୍ସଙ୍କ ସେବା ବନ୍ଦ କରିବା ନେଇ ଚେତାବନୀ ଦେଇଥିଲା । କିନ୍ତୁ ୟୁରୋପୀୟ ୟୁନିୟନର କଡା ଆଦେଶ ଆସିବା ପରେ ସେ ଉପରିସ୍ଥ ଅଦାଲତରେ ଅପିଲ୍ କରିବା କଥା କହିଥିଲା ଯେଉଁଥିରେ ନିଷ୍ପତ୍ତି ଉପରେ ରୋକ ଲଗାଯିବାର ଆବଦନ କରାଯାଇଥିଲା । ମେଟାର ଗ୍ଲୋବାଲ ଇସ୍ୟୁର ହେଡ୍ ନିକ କ୍ଲେଗ୍ ଏବଂ ଚିଫ୍ ଲ ଅଫିସର ଜେନିଫର ନ୍ୟୁଷ୍ଟିଡ୍ କହିଥିଲେ କି ଏହି ନିଷ୍ପତ୍ତି ତ୍ରୁଟିପୂର୍ଣ୍ଣ ଏବଂ ଅନ୍ୟାୟପୂର୍ଣ୍ଣ ।
ଆୟରିଶ ଡାଟା ପ୍ରୋଟେକ୍ସନ କମିଶନ ମେଟା ୟୁଜର୍ସଙ୍କ ପର୍ସନାଲ ଡାଟା ଆମେରିକା ପଠାଇବାକୁ ରୋକିବା ପାଇଁ ୫ ମାସର ସମୟ ଦିଆଯାଇଥିଲା । ଏହା ସହିତ କମ୍ପାନୀକୁ ଆମେରିକାରେ ଷ୍ଟୋର ୟୁଜର୍ସଙ୍କ ପର୍ସନାଲ୍ ଡାଟାକୁ ନେଇ ମଧ୍ୟ ସମାଧାନ ବାହାର କରିବାକୁ କୁହାଯାଇଛି । ଏକ ଦଶକ ଏହି ପୁରୁଣା ମାମଲାରେ ମେଟାରେ ପୂର୍ବରୁ ୟୁରୋପର ୟୁଜର୍ସଙ୍କ ସେବା ବନ୍ଦ କରିବା ପାଇଁ ଚେତାବନୀ ଦେଇଥିଲା । ତେବେ କମ୍ପାନୀ ସ୍ପଷ୍ଟ କରିଛି କି ୟୁରୋପରେ କମ୍ପାନୀର ସେବା ଜାରି ରହିଛି । ଏହି ସମ୍ପୂର୍ଣ୍ଣ ମାମଲା ୟୁରୋପୀୟ ଦେଶମାନଙ୍କ ସହ ଜଡିତ । ୟୁରୋପୀୟ ନିୟାମକଙ୍କୁ ଏନେଇ ଚିନ୍ତା କି ଏହି କମ୍ପାନୀମାନଙ୍କ ମାଧ୍ୟମରେ ଯଦି ୟୁଜର୍ସଙ୍କ ଡାଟା ଆମେରିକାରେ ପହଞ୍ଚେ ତେବେ ପରେ ଆମେରିକୀୟ ସୁରକ୍ଷା ଏଜେନ୍ସିମାନଙ୍କ ପର୍ଯ୍ୟନ୍ତ ପହଞ୍ଚିପାରେ ।
