ମନ୍ତ୍ରୀ ନବ ଦାସଙ୍କୁ ଗୁଳି ମାଡ଼: ଛାତିରେ ବାଜିଛି ଗୁଳି, ଗୁରୁତର ଅବସ୍ଥାରେ ନିଆଯାଉଛି ହସ୍ପିଟାଲ
ଭୁବନେଶ୍ବର,୨୯।୧: ସ୍ବାସ୍ଥ୍ୟ ମନ୍ତ୍ରୀ ନବ ଦାସଙ୍କୁ ଗୁଳି ମାଡ଼। ବ୍ରଜରାଜନଗର ଗାନ୍ଧି ଛକରେ ଗୁଳିମାଡ଼। ନବଙ୍କ ଛାତିରେ ମାଡ଼ ହେଇଛି ଗୁଳି। ଗୁରୁତର ଅବସ୍ଥାରେ ହସ୍ପିଟାଲକୁ ନିଆଯାଉଛି। ବିଜେଡି କାର୍ଯ୍ୟାଳୟର ଉଦଘାଟନ ପାଇଁ ଯାଉଥିବା ସମୟରେ ଏହି ଗୁଳିମାଡ ହୋଇଛି। ମନ୍ତ୍ରୀ ଗାଡିରୁ ଓହ୍ଲାଇବା ସମୟରେ ୩ ଜଣ ଦୁର୍ବୁତ୍ତ ୪-୫ ରାଉଣ୍ଡ ଗୁଳି କରିଥିବା ନେଇ ଚର୍ଚ୍ଚା ହେଉଥିଲା। ହେଲେ ପରେ ସ୍ପଷ୍ଟ ହୋଇଛି ଯେ ମନ୍ତ୍ରୀଙ୍କୁ ଜଣେ ପୋଲିସ ଏସଏସଆଇ ଗୁଳି କରିଛନ୍ତି। ଗାଡିରୁ ମନ୍ତ୍ରୀ ଓହ୍ଲାଇବା ବେଳେ କର୍ମୀମାନେ ତାଙ୍କୁ ଫୁଲମାଳା ଦେଇ ସମ୍ବର୍ଦ୍ଧନା ଦେଉଥିଲେ। ଠିକ୍ ଏହି ସମୟରେ ଅତର୍କିତ ଭାବରେ ପୋଲିସ ଏଏସଆଇ କରିଥିଲେ ଗୁଳିମାଡ଼। ଏହି ଘଟଣା ପରେ ପୋଲିସ ଏଏସଆଇଙ୍କୁ କାବୁ କରି ନିଆଯାଇଛି। ଏବେ ତାଙ୍କୁ ପଚରା ଉଚରା କରାଯାଉଛି। ଘଟଣାପରେ ସ୍ଥାନୀୟ ଅଞ୍ଚଳରେ ପ୍ରବଳ ଉତ୍ତେଜନା ସୃଷ୍ଟି ହୋଇଛି। କାରଣ ଏଭଳି ଏକ ଘଟଣା ଓଡିଶା ରାଜନୈତିକ ଇତିହାସରେ ପ୍ରଥମ।
ଅଚେତ ଅବସ୍ଥାରେ ମନ୍ତ୍ରୀଙ୍କୁ ଜିଲ୍ଲା ହସ୍ପିଟାଲରେ ଭର୍ତ୍ତି କରାଯାଇଥିବା ନେଇ ସୂଚନା ରହିଛି। ଏବେ ମନ୍ତ୍ରୀ ନବ ଦାସଙ୍କ ସ୍ଥିତି ଖୁବ୍ ଗୁରୁତର ଥିବାର ଜଣାପଡିଛି। ଉଲ୍ଲେଖନୀୟ ଯେ, ନିକଟରେ ନାସିକ ଶନି ସିଙ୍ଘନାପୁର ମନ୍ଦିରରେ ସପରିବାରେ ଗ୍ରହ ଶାନ୍ତି ପୂଜା କରିବା ସହ ୨ କେଜିର ସୁନା କଳସ ଦାନ କରିଥିଲେ।
