ଛତ୍ରପୁର, ୨୭/୦୫ : ଗଞ୍ଜାମ ଜିଲ୍ଲା ଛତ୍ରପୁର ବ୍ଲକ ବଡ଼ ଅର୍ଜିପାଲ୍ଲୀ ଗାଁରେ ଡେଙ୍ଗୁ ଆତଙ୍କ । ଜ୍ଵରରେ ଆକ୍ରାନ୍ତ ହୋଇ ଜଣେ ନାବାଳକଙ୍କ ମୃତ୍ୟୁ ହୋଇଥିବା ଅଭିଯୋଗ ହୋଇଛି । ଭୁବନେଶ୍ବର ଏକ ଘରୋଇ ହସ୍ପିଟାଲରେ ରୋହିତ କୁମାର ସାହଙ୍ଗଙ୍କ ଗତକାଲି ମୃତ୍ୟୁ ଘଟିଛି। ସେହିପରି ମାରାତ୍ମକ ରୋଗରେ ଅନ୍ୟ ୮ଜଣ ଆକ୍ରାନ୍ତ ହୋଇଛନ୍ତି । ଡେଙ୍ଗୁ ବ୍ୟାପିବା ଖବର ମିଳିବା ପରେ ସ୍ଵାସ୍ଥ୍ୟ ବିଭାଗ ପକ୍ଷରୁ ତତ୍ପରତା ଦେଖିବାକୁ ମିଳିଛି । ସ୍ଥିତି ପରଖିବାକୁ ଏକ ଟିମ୍ ଅର୍ଜିପାଲ୍ଲୀ ଗାଁକୁ ଯିବ ବୋଲି ଜିଲ୍ଲା ସ୍ବାସ୍ଥ୍ୟ ବିଭାଗ ପକ୍ଷରୁ କୁହାଯାଉଛି ।ଏନେଇ ଗତକାଲି ମୁନିସିପେଣ୍ଠ ଗୋଷ୍ଠୀ ସ୍ୱାସ୍ଥ୍ୟକେନ୍ଦ୍ରର ଅଧିକ୍ଷକ ସ୍ୱାଧୀନରଥଙ୍କ ନିର୍ଦ୍ଦେଶ ଦେଇଛନ୍ତି।
ସୂଚନାନୁଯାୟୀ, ଛତ୍ରପୁର ବ୍ଲକ୍ ବଡ଼ ଆର୍ଜିପଲ୍ଲୀ ଗାଁରେ ଡେଙ୍ଗୁ ଜ୍ୱରରେ ଜଣେ ୧୩ ବର୍ଷୀୟ ନାବାଳକଙ୍କ ମୃତ୍ୟୁ ହୋଇଛି । ସେହିପରି ଗାଁର ଅନ୍ୟ ୮ଜଣ ଏହି ରୋଗରେ ଆକ୍ରାନ୍ତ ହୋଇଛନ୍ତି । ଏମାନଙ୍କ ମଧ୍ୟରୁ ବୁଲୁ ଏବଂ ପ୍ରଦ୍ୟୁମ୍ନ ସାହୁ ଯଥାକ୍ରମେ ବ୍ରହ୍ମପୁର ଓ ଭୁବନେଶ୍ୱରର ଏକ ଘରୋଇ ହସ୍ପିଟାଲର ଆଇସିୟୁରେ ଚିକିତ୍ସାଧୀନ ଅଛନ୍ତି । ଏନେଇ ଖବର ପାଇବା ପରେ ସ୍ଵାସ୍ଥ୍ୟ ବିଭାଗ ପକ୍ଷରୁ ତତ୍ପରତା ପ୍ରକାଶ ପାଇଛି । ଏକ ଟିମ୍ ଗାଁକୁ ଯାଇ ସ୍ଥିତି ପରଖିବ । କେଉଁ କାରଣରୁ ଏତେ ଲୋକ ଆକ୍ରାନ୍ତ ହେଲେ ଗାଁରୁ ପାଣି ନମୂନା ସଂଗ୍ରହ କରି ସ୍ବାସ୍ଥ୍ୟ ଟିମ୍ ଯାଞ୍ଚ କରିବ ।
