PRAMEYA

Prameya News Portal, Prameya Daily, Odisha Latest News, Odisha Current Headlines, Odisha News Online

ପ୍ରମୁଖ ଖବର
  • ଆଫଗାନିସ୍ତାନର ଧାର୍ମିକ ବିଦ୍ୟାଳୟରେ ଭୟଙ୍କର ବିସ୍ଫୋରଣ, ୧୫ ମୃତ, ୨୦ରୁ ଅଧିକ ଗୁରୁତର…
  • ||
  • HSRP ମାମଲା : ୧,୨,୩ ଏବଂ ୪ ନମ୍ଵର ପାଇଁ ଆଉ ଏକ ମାସ ସମୟ ସୀମା ବୃଦ୍ଧି
  • ||
  • ଭୁବନେଶ୍ଵର : ପୁରୀରେ ନିର୍ମାଣ ହେବ କୁଲତା ସମାଜର ଧର୍ମଶାଳା, ସୁନାମୁହିଁରେ ୧ ଏକର ଜାଗା ଓ ୩ କୋଟି ମଞ୍ଜୁର କଲେ ମୁଖ୍ୟମନ୍ତ୍ରୀ
  • ||
  • ମୈଦଲପୁର : ବନ୍ଧୁକ ମରାମତି ବେଳେ ଗୁଳି ଫୁଟି ୪ ଆହତ
  • ||
  • ତେଲକୋଇ : ନଦୀରେ ଭାସୁଛି ଯୁବକଙ୍କ ମୃତଦେହ, ପରିଚୟ ଅସ୍ପଷ୍ଟ
  • ||
  • ରେଢ଼ାଖୋଲ : ଔଷଧ ବୋଝେଇ କଣ୍ଟେନର ଧକ୍କାରେ ୪ ପିକଅପ୍ ଭ୍ୟାନ୍ ଚୂରମାର
  • ||
  • ଭୁବନେଶ୍ଵର : ATM ଭିତରେ ପଶିଲା ନାଗ, ଦେଢ ଘଣ୍ଟା ପରେ ଉଦ୍ଧାର କଲା ସ୍ନେକ୍ ହେଲ୍ପଲାଇନ
  • ||
  • ଭୁବନେଶ୍ଵର : ସାମୁଦ୍ରିକ ବାୟୁ ପ୍ରଭାବରେ ରାଜ୍ୟରେ ରାତ୍ରି ତାପମାତ୍ରା ସ୍ୱାଭାବିକ ଠାରୁ ଅଧିକ ରେକର୍ଡ
  • ||
  • ନାରାୟଣପାଟଣା : ଝାଙ୍କିରିକାରିଲି ଗାଁ ପାହାଡ଼ରେ ମାତିଛି ମହାବଳ, ପୁଣି ଏକ ଛେଳିକୁ ମାରି ଖାଇଲା ବାଘ
  • ||
  • ଆଠମଲ୍ଲିକ : ଧାନ ଖଳାରେ ଭୟାବହ ଅଗ୍ନିକାଣ୍ଡ, ଜଳିଗଲା ବର୍ଷକର ଅମଳ ଫସଲ
  • ||

ଇସ୍ରାଏଲୀ କଂପାନିର ଦାବି: କ୍ୟାନ୍‌ସରକୁ ଭଲ କରିବ ‘ମଟାଟୋ’

ଜେରୁଜେଲମ,୩୧ ।୧(ଏଜେନ୍ସି): ଇସ୍ରାଏଲର ଏକ କଂପାନି ଦାବି କରିଛି କି ସିଏ ବର୍ଷକ ଭିତରେ କ୍ୟାନ୍‌ସର ରୋଗକୁ ପୂରା ଭଲ କରିବା ପାଇଁ ଏକ ନୂଆ ଚିକିତ୍ସା ପଦ୍ଧତି ପ୍ରଚଳନ କରିବ । ସିଏ ଏବେ ଏଭଳି ଏକ ଔଷଧ ପ୍ରସ୍ତୁତ କରୁଛି ଯାହାର ପ୍ରୟୋଗ ଯୋଗୁ ଦେହରୁ କ୍ୟାନ୍‌ସରକୁ ସମ୍ପୂର୍ଣ୍ଣ ଭାବେ ନିପାତ କରାଯାଇପାରିବ । ଏହି ଉପାୟରେ ମାତ୍ର କିଛି ସପ୍ତାହ ଭିତରେ ରୋଗୀର ଚିକିତ୍ସା କରାଯାଇପାରିବ ଏବଂ ଏଥିପାଇଁ ଖୁବ୍‌ କମ୍‌ ଅର୍ଥ ବ୍ୟୟ ହେବ । ତା’ଛଡା ଏହି ଔଷଧର ପ୍ରୟୋଗ ଯୋଗୁ ଦେହରେ ପାଶ୍ୱର୍ ପ୍ରତିକ୍ରିୟା ଆଦୌ ଦେଖାଯିବ ନାହିଁ କିମ୍ବା ଅତି ସାମାନ୍ୟ ଧରଣର ପାଶ୍ୱର୍ ପ୍ରତିକ୍ରିୟା ପରିଲକ୍ଷିତ ହେବ ।
ଇସ୍ରାଏଲର ନେସ୍‌ ଜିଓନା ସ୍ଥିତ କିରୟାନ ୱିଜମ୍ୟାନ୍‌ ସାଇନ୍ସ ପାର୍କ ପରିସରରେ ୨୦୦୦ ମସିହାରେ ସ୍ଥାପନ କରାଯାଇଥିବା ଏକ ବାୟୋଟେକ୍‌ କଂପାନି ‘ଆକ୍ସିଲିରେଟେଡ ଇଭୋଲ୍ୟୁସନ ବାୟୋଟେକ୍ନୋଲୋଜିସ୍‌ ଲିମିଟେଡ’ ଏହି ଔଷଧ ପ୍ରସ୍ତୁତ କରିଛି । କଂପାନିର ମୁଖ୍ୟ ଡାନ ଏରିଡ଼ର ଦେଇଥିବା ସୂଚନା ଅନୁସାରେ, ଉକ୍ତ ଔଷଧର ନାମ ରଖାଯାଇଛି ‘ମଟାଟୋ (ମଲ୍ଟି-ଟାର୍ଗେଟ ଟକ୍ସିନ) । ଏହାକୁ ଏକ ଅତି ଶକ୍ତିଶାଳୀ ଏବଂ ପ୍ରଭାବଶାଳୀ କ୍ୟାନ୍‌ସର ଆଣ୍ଟିବାୟୋଟିକ୍‌ ବୋଲି କୁହାଯାଇପାରିବ । ଏହି ଔଷଧ ପ୍ରସ୍ତୁତ କରିବା ପାଇଁ କ୍ୟାନ୍‌ସର ନିରୋଧୀ ପେପ୍‌ଟାଇଡ ଓ କ୍ୟାନ୍‌ସର କୋଷିକାକୁ ନଷ୍ଟ କରିବାରେ ସକ୍ଷମ ଏକ ଟକ୍ସିନକୁ ବ୍ୟବହାର କରାଯାଇଛି ।
କ୍ୟାନ୍‌ସର ଚିକିତ୍ସା ପାଇଁ ବ୍ୟବହୃତ ଅନ୍ୟ ପ୍ରକାରର ଔଷଧର ପ୍ରୟୋଗ ସତ୍ତେ୍ୱ ଦେହରେ କିଛି କ୍ୟାନ୍‌ସର କୋଷିକା ବର୍ତ୍ତିଯାଇଥାନ୍ତି । ସେମାନେ ମ୍ୟୁଟେସନ ପ୍ରକ୍ରିୟାରେ ନୂଆ କୋଷ ସୃଷ୍ଟି କରିଥାନ୍ତି । ତେଣୁ ଦେହରୁ କ୍ୟାନ୍‌ସର ସମ୍ପୂର୍ଣ୍ଣ ଭାବେ ନିପାତ କରାଯାଇପାରେ ନାହିଁ । ମାତ୍ର ‘ମଟାଟୋ’ର ପ୍ରୟୋଗ କରାଗଲେ ଏହା ଏକସଙ୍ଗରେ ସମସ୍ତ କ୍ୟାନ୍‌ସର କୋଷିକା ଉପରେ ଆକ୍ରମଣ କରିବ ଏବଂ ତାହାକୁ ନଷ୍ଟ କରିଦେବ । ତେଣୁ ଏହାର ଉପଯୋଗ କରାଗଲେ କ୍ୟାନ୍‌ସରକୁ ନିର୍ମୂଳ କରିବା ସମ୍ଭବ ହେବ । ଏରିଡର କହିଛନ୍ତି କି ଏବେ ଏହାର କ୍ଲିନିକାଲ ଟ୍ରାୟଲ (ମଣିଷ ଉପରେ ପରୀକ୍ଷାମୂଳକ ପ୍ରୟୋଗ) କରାଯିବା ପାଇଁ ଯୋଜନା କରାଯାଇଛି ।