PRAMEYA

Prameya News Portal, Prameya Daily, Odisha Latest News, Odisha Current Headlines, Odisha News Online

ପ୍ରମୁଖ ଖବର
  • ମହାରାଷ୍ଟ୍ର : ସିଏମ୍ ପଦରୁ ଉଦ୍ଧବ ଠାକରେଙ୍କ ଇସ୍ତଫା ପରେ କଣ ରହିଛି ବିଜେପିର ପ୍ଲାନ୍? ଫଡନବୀସ-ସିନ୍ଦେ ମେଣ୍ଟ ସରକାର ଗଠନ ନେଇ ଜୋରଦାର ଚର୍ଚ୍ଚା
  • ||
  • ‘ଦେଶରୁ କଂଗ୍ରେସ ମୂଳପୋଛ ହୋଇଯିବା ଉଚିତ, ଖାସ୍‌ ସେହି ଦଳ ପାଇଁ ଦୁଇଦୁଇ ଥର ପ୍ରଧାନମନ୍ତ୍ରୀ ହେଲେଣି ମୋଦି’: ଅସଦୁଦ୍ଦିନ ଓଓ୍ବେସୀ
  • ||
  • ମମିତା ମେହେର ହତ୍ୟା ମାମଲାରେ ମୁଖ୍ୟ ଅଭିଯୁକ୍ତ ଗୋବିନ୍ଦ ସାହୁକୁ ମିଳିଲା ଅନ୍ତରୀଣ ଜାମିନ
  • ||
  • ଅଗଷ୍ଟ ୬ରେ ଉପରାଷ୍ଟ୍ରପତି ନିର୍ବାଚନ, ଜୁଲାଇ ୧୭ ନାମାଙ୍କନର ଶେଷ ତାରିଖ : ଭାରତୀୟ ନିର୍ବାଚନ କମିଶନଙ୍କ ପକ୍ଷରୁ ବିଧିବଦ୍ଧ ଭାବେ ପ୍ରକାଶ ପାଇଲା ବିଜ୍ଞପ୍ତି
  • ||
  • ଡାବୁଗାଁ ବ୍ଲକ ଅନ୍ତର୍ଗତ ଯବାଗୁଡ଼ା ଗ୍ରାମରେ ପ୍ରେମୀଯୁଗଳଙ୍କ ଆତ୍ମହତ୍ୟା
  • ||
  • ପରକୀୟା ପ୍ରୀତି ସନ୍ଦେହ କରି ସ୍ତ୍ରୀକୁ ଟାଙ୍ଗିଆରେ ହାଣି ହତ୍ୟା କଲା ସ୍ବାମୀ
  • ||
  • ଭୁବନେଶ୍ୱର : ରାଜ୍ୟରେ ପୁଣି ବଢ଼ିଲା କରୋନା ମାମଲା, ୨୪ ଘଣ୍ଟାରେ ୧୬୧ କରୋନା ପଜିଟିଭ୍
  • ||
  • ନୟାଗଡ଼ : ଟ୍ରକ୍‌କୁ ପଛପଟୁ ପିଟିଲା କାର୍, ୮ ଆହତ
  • ||
  • କଟକ : ଭିଜିଲାନ୍ସ ପଞ୍ଝାରେ ସହକାରୀ ଯନ୍ତ୍ରୀ, ଏକକାଳୀନ ୪ଟି ସ୍ଥାନରେ ଚାଲିଛି ରେଡ୍
  • ||
  • ପାଟଣା : ଦୁଇ ଶିକ୍ଷକଙ୍କ ଘରେ କଳାକନା ବୁଲାଇଦେଲେ ଲୁଟେରା, ଝିଅ ବାହାଘର ପାଇଁ ରଖିଥିଲେ ସୁନାଗହଣା
  • ||
  • ମାଲକାନଗିରି : ବିଜାପୁରରେ ମାଓ ହିଂସା, ପୋଲିସ ଇନଫର୍ମର ସନ୍ଦେହରେ ସରପଞ୍ଚଙ୍କୁ ଗଳା କାଟି ହତ୍ୟା
  • ||

କମିଲେ ମୋବାଇଲ ଉପଭୋକ୍ତା

ନୂଆଦିଲ୍ଲୀ,୨ା୬(ଏଜେନ୍ସି): ଭାରତର ମୋବାଇଲ ଉପଭୋକ୍ତା ସଂଖ୍ୟା ହ୍ରାସ ପାଇଛି । ଚଳିତବର୍ଷ ମାର୍ଚ୍ଚରେ ଏହି ସଂଖ୍ୟା ୨.୧୯ କୋଟି ହ୍ରାସ ପାଇ ୧୧୬.୧୮ କୋଟିକୁ ଖସିଆସିଛି । କିନ୍ତୁ ସରକାର ଏଥିରେ ଆଦୌ ହସ୍ତକ୍ଷେପ କରିବେ ନାହିଁ ବୋଲି କହିଛନ୍ତି ।

ଭାରତୀୟ ଟେଲିକମ୍‌ ନିୟାମକ ପ୍ରାଧିକରଣ (ଟ୍ରାଇ) ଅଧ୍ୟକ୍ଷ ଆର ଏସ ଶର୍ମା କହିଛନ୍ତି, ବର୍ତ୍ତମାନ ଦେଶରେ ମୋବାଇଲ ଉପଭୋକ୍ତା ସଂଖ୍ୟାରେ ଯେଉଁ ହ୍ରାସ ଦେଖାଦେଇଛି, ସେଥିରେ କିଛି ବିଚଳିତ ହେବାର ନାହିଁ । ବର୍ତ୍ତମାନ କେତେକ କାରଣକୁ ନେଇ ଏହି ସଂଖ୍ୟା କମିଛି । ବିଶେଷକରି ସର୍ବନିମ୍ନ ରିଚାର୍ଜ ପ୍ଲାନ୍‌ ଭଳି ବ୍ୟବସ୍ଥା ଲାଗୁ କରାଯାଇଥିବାରୁ ଗ୍ରାହକଙ୍କୁ ଏହା ପସନ୍ଦ ଆସିନାହିଁ । ଖୁବ୍‌ଶୀଘ୍ର ଏହି ସମସ୍ୟାର ପ୍ରତିକାର ହୋଇଯିବ ।ଟ୍ରାଇର ସଦ୍ୟ ତଥ୍ୟ ମୁତାବକ ଭାରତର ମୋଟ ମୋବାଇଲ ଉପଭୋକ୍ତା ସଂଖ୍ୟା ଚଳିତବର୍ଷ ମାର୍ଚ୍ଚ ୩୧ ସୁଦ୍ଧା ୧୧୬.୧୮ କୋଟିକୁ ହ୍ରାସ ପାଇଛି । ଫେବ୍ରୁଆରୀ ତୁଳନାରେ ଏହା ୨.୧୯ କୋଟି କମ୍‌ । ସେହିଭଳି ଦେଶରେ ଟେଲି ସାନ୍ଦ୍ରତା ମାର୍ଚ୍ଚ ଶେଷ ସୁଦ୍ଧା ୯୦.୧୧କୁ ହ୍ରାସ ପାଇଛି । ଫେବ୍ରୁଆରୀରେ ଏହା ୯୧.୮୬ ରହିଥିଲା । ଶର୍ମା କହିଛନ୍ତି, ମୋବାଇଲ ଉପଭୋକ୍ତା ସଂଖ୍ୟାରେ ଏଭଳି ଅସ୍ଥିରତା ସ୍ୱାଭାବିକ । ଟେଲିକମ୍‌ ବଜାରରେ ଯେତେବେଳେ କୌଣସି ପରିବର୍ତ୍ତନ ଆସିଥାଏ, କିଛି ଗ୍ରାହକଙ୍କୁ ତାହା ପସନ୍ଦ ଆସିନଥାଏ । ତଥାପି ବର୍ତ୍ତମାନ ଯେଉଁ ଅସ୍ଥିରତା ଦେଖାଦେଇଛି, ତାହାକୁ ନେଇ ଏତେ ବିବ୍ରତ ହେବା ଉଚିତ ନୁହେଁ । ତା’ଛଡ଼ା ସରକାର ମଧ୍ୟ ଏଥିରେ ଆଦୌ ହସ୍ତକ୍ଷେପ କରିବେ ନାହିଁ ।

ଟ୍ରାଇ ଅଧ୍ୟକ୍ଷ ଆହୁରି କହିଛନ୍ତି ଯେ ବର୍ତ୍ତମାନ ଦେଶରେ ଯେଉଁଭଳି ଭାବେ ଡାଟା ସେବା ବ୍ୟବହାର ହେଉଛି, ମୋବାଇଲ ଉପଭୋକ୍ତା ବଢ଼ିବା ସମ୍ଭାବନା ରହିଛି । କିନ୍ତୁ ବର୍ତ୍ତମାନ ଯେଉଁ ଅସ୍ଥିରତା ଦେଖାଦେଇଛି, ତାହା ସାମୟିକ । ପରିସ୍ଥିତି ଖୁବ୍‌ଶୀଘ୍ର ସ୍ୱାଭାବିକ ପଡ଼ିଯିବ । ଟ୍ରାଇ ତଥ୍ୟ ମୁତାବକ ଭୋଡାଫୋନ୍‌ ଆଇଡିଆ ଏବଂ ଭାରତୀ ଏୟାରଟେଲର ମୋବାଇଲ ଉପଭୋକ୍ତା ସଂଖ୍ୟା ମାର୍ଚ୍ଚ ଶେଷ ସୁଦ୍ଧା ଯଥାକ୍ରମେ ପାଖାପାଖି ୧.୪୫ କୋଟି ଏବଂ ୧.୫୧ କୋଟି ହ୍ରାସ ପାଇଛି । କିନ୍ତୁ ରିଲାଏନ୍ସ ଜିଓ ଉପଭୋକ୍ତା ସଂଖ୍ୟା ୯୪ ଲକ୍ଷ ବୃଦ୍ଧି ପାଇଛି । ଟ୍ରାଇ ତଥ୍ୟ ଆହୁରି ଦର୍ଶାଇଛି ଯେ ସହରାଞ୍ଚଳରେ ମୋବାଇଲ ଉପଭୋକ୍ତା ସଂଖ୍ୟା ମାର୍ଚ୍ଚ ଶେଷ ସୁଦ୍ଧା ପାଖାପାଖି ୬୫ କୋଟିକୁ ହ୍ରାସ ପାଇଛି । ଗ୍ରାମାଞ୍ଚଳରେ ଏହା ୫୧.୧୪ କୋଟିକୁ ଖସିଛି ।