- ୨୦୧୮ରେ କ୍ରିକେଟ୍ ଛାଡିବାକୁ ଚାହୁଁଥିଲେ ସାମି
- ଭରତ ଅରୁଣ ଓ ଶାସ୍ତ୍ରୀ, ସାମିଙ୍କୁ ବୁଝାଇଥିଲେ
- ମାସେ କାଳ NCAରେ ରହିଥିଲେ
ନୂଆଦିଲ୍ଲୀ ୧୪/ ୦୨: ସମୟ ଏମିତି ଥିଲା । ଯେତେବେଳେ କି ମହମ୍ମଦ ସାମି କ୍ରିକେଟରୁ ଅବସର ନେବାକୁ ଇଚ୍ଛା ପ୍ରକାଶ କରିଥିଲେ । ଏପରିକି କ୍ରିକେଟ ଛାଡିଦେବାକୁ ମନେମନେ ନିଷ୍ପତ୍ତି ବି ନେଇ ସାରିଥିଲେ । ଏଭଳି ବିସ୍ମିତ କରିବା ଭଳି ଖୁଲାସା କରିଛନ୍ତି ଭାରତୀୟ ଦଳର ପୂର୍ବତନ ବୋଲିଂ କୋଚ୍ ଭରତ ଅରୁଣ ।
ଭରତ ଅରୁଣ କହିଛନ୍ତି, '୨୦୧୮ ମସିହାରେ ଭାରତ ଇଂଲଣ୍ଡ ଗସ୍ତ କରିବା ସମୟରେ ମହମ୍ମଦ ସାମି ଫିଟନେସ୍ ଟେଷ୍ଟରେ ଫେଲ୍ ମାରିଥିଲେ । ଯାହା ଫଳରେ ଭାରତୀୟ ଦଳରେ ସାମିଙ୍କୁ ସ୍ଥାନ ମିଳିନଥିଲା । ସାମି ମୋତେ ଡାକିଥିଲେ ଏବଂ କଥା ଅଛି ବୋଲି କହିଥିଲେ । ତେଣୁ ମୁଁ ତାଙ୍କୁ ମୋ ରୁମ୍କୁ ଡାକିଥିଲି । ସେ ବ୍ୟକ୍ତିଗତ ସମସ୍ୟାକୁ ନେଇ ପୂରାପୂରି ଭାବେ ଭାଙ୍ଗିପଡିଥିଲେ । ଯାହା କି ତାଙ୍କ ଫିଟନେସ୍ ଉପରେ ପ୍ରଭାବ ପକାଇଥିଲା । ମାନସିକ ଭାବେ ସେ ସମ୍ପୂର୍ଣ୍ଣ ଭାବେ ଭାଙ୍ଗିପଡିଥିଲେ । ସେ ରୁମ୍ ଆସିଲେ ଏବଂ କହିଲେ ମୁଁ କ୍ରିକେଟ୍ ଛାଡିଦେବାକୁ ଚାହୁଁଛି'।
{"id":534980,"width":838,"height":573,"sizeSlug":"full","linkDestination":"none"}
ଭରତ କହିଛନ୍ତି, 'ସାମି ଏଭଳି କହିବା ପରେ ମୁଁଁ ତୁରନ୍ତ ତାଙ୍କୁ ରବି ଶାସ୍ତ୍ରୀଙ୍କ ନିକଟକୁ ନେଇଯାଇଥିଲି । ସେଠାରେ ଶାସ୍ତ୍ରୀଙ୍କୁ କହିଥିଲି ସାମି କିଛି କହିବାକୁ ଚାହୁଁଛନ୍ତି । ରବି ଶାସ୍ତ୍ରୀଙ୍କୁ ମଧ୍ୟ ସମାନ କଥା କହିଥିଲେ ସାମି । ଆମେ ଉଭୟ ସାମିଙ୍କୁ ବୁଝାଇଥିଲୁ । ଯଦି କ୍ରିକେଟ୍ ଛାଡିଦେବ ତ ପରେ କ'ଣ କରିବ?'

ଏହା ପରେ ରବି ଶାସ୍ତ୍ରୀ ମହମ୍ମଦ ସାମିଙ୍କୁ ବେଙ୍ଗାଲୁରୁ ସ୍ଥିତ ଜାତୀୟ କ୍ରିକେଟ୍ ଏକାଡେମୀ (NCA)କୁ ପଠାଇଥିଲେ । ସେତେବେଳେ ସାମିଙ୍କ ବଦଳରେ ନବଦ୍ବୀପ ସାଇନୀଙ୍କୁ ଇଂଲଣ୍ଡ ଗସ୍ତ ପାଇଁ ଚୟନ କରିଥିଲା ବିସିସିଆଇ । ଏନସିଏରେ ମାସେ କାଳ ରହିବା ପରେ ମାନସିକ ଚାପରୁ ମୁକ୍ତି ପାଇଥିଲେ ମହମ୍ମଦ ସାମି । ଖୁବ କମ ସମୟ ମଧ୍ୟରେ ସାମି ପୁଣି ପୂର୍ବାବସ୍ଥାକୁ ଫେରିବାକୁ ସକ୍ଷମ ହୋଇଥିଲେ । କେବଳ ଫେରିନଥିଲେ ବରଂ ଇଂଲଣ୍ଡ ଗସ୍ତ ମଧ୍ୟ କରିଥିଲେ ଓ ୫ଟି ଯାକ ଟେଷ୍ଟ ଖେଳି ଦମଦାର ପ୍ରଦର୍ଶନ ବି କରିଥିଲେ । ୫ଟି ଟେଷ୍ଟରୁ ୧୬ଟି ଓ୍ବିକେଟ ନେଇଥିଲେ ମହମ୍ମଦ ସାମି । ଏହାର କିଛିଦିନ ପରେ ଅଷ୍ଟ୍ରେଲିଆ ଗସ୍ତରେ ଐତିହାସିକ ସିରିଜ୍ ଜିତିଥିଲା ଭାରତ । ଏହା ପଛରେ ମଧ୍ୟ ସାମିଙ୍କ ଗୁରୁତ୍ବପୂର୍ଣ୍ଣ ଭୂମିକା ଥିଲା ।
ପଢନ୍ତୁ ଏହି ଖବର: ‘ଆମେ ସମ୍ପୂର୍ଣ୍ଣ ଭାବେ ସହଯୋଗ କରୁଛୁ’: BBC କାର୍ଯ୍ୟାଳୟରେ ଆୟ କର ବିଭାଗର ଚଢାଉ ପରେ ପ୍ରତିକ୍ରିୟା