୨.୬୫ କ୍ୱିଣ୍ଟାଲ ଗଞ୍ଜେଇ ଜବତ, ଜଣେ ଗିରଫ
ମନମୁଣ୍ଡା ୨୬:୫-ମନମୁଣ୍ଡା ପୁଲିସ ଗୁରୁବାର ୨ କୁଇଣ୍ଟାଲ ୬୫ କେଜି ଗଞ୍ଜେଇ ସହ ଏକ ଇନୋଭା କାର ନଂ ଓଡ଼ି୨୩ଡି୧୭୭୭ ଜବତ କରିଛି ଏବଂ ଏଥିରେ ସମ୍ପୃକ୍ତ ଚାଳକକୁ ଗିରଫ କରିଛି । ଅଭିଯୁକ୍ତ ଜଣକ ମଧ୍ୟପ୍ରଦେଶ ରାଜ୍ୟ ଅନୁପୁର ଜିଲ୍ଲା ରାଜେନ୍ଦ୍ରଗ୍ରାମ ଥାନା ୱାର୍ଡ ନଂ ୧ ଲେଧାରା ଗ୍ରାମର ହରିଷ କୁମାର ଜୟତବାର (୩୨)ବୋଲି ଆଇ ଆଇ ସି ଅଶ୍ବିନୀ ଭିତିରିଆଙ୍କ ଠାରୁ ଜାଣିବାକୁ ମିଳିଛି। ଆଇଆଇସି ପ୍ରଧାନ ପୁଲିସ ଟିମ ସହ ଶଗଡା ଫାଣ୍ଡି ରୁଗୁଡିଘୁରା ଆଡକୁ ପେଟ୍ରୋଲିଂରେ ଗୁରୁବାର ଯାଇଥିଲାବେଳେ ଉକ୍ତ କାର ଓ ଗଞ୍ଜାଇ ଜବତ କରି ଅଭିଯୁକ୍ତକୁ ଗିରଫ କରିଥିଲେ। ଅଭିଯୁକ୍ତଠାରୁ ଏକ ଆଧାର କାର୍ଡ ,ଡିଏଲ ମଧ୍ୟ ପୁଲିସ ଜବତ କରିଛି। ଏନେଇ ଥାନାରେ ଏକ ମାମଲା ନଂ ୧୩୩ ରୁଜୁ କରି ଅଭିଯୁକ୍ତକୁ ପୁଲିସ ଆଜି କୋର୍ଟ ଚାଲାଣ କରିଛି। ପ୍ରକାଶଥାଉକି ଉକ୍ତ ଜବତ ଗାଡିର ଅସଲି ନଂ ସିଗି ୦୪ ଏମଭି ୮୧୪୦ ବୋଲି ପୁଲିସଠାରୁ ଜାଣିବାକୁ ମିଳିଛି।
