ତିନି ପିଲାର ମା’ ଏହି ପ୍ରସିଦ୍ଧ ବିଜନେସଓମେନ୍, ଯୋଗ ଦ୍ୱାରା ଏପରି ରଖନ୍ତି ନିଜକୁ ଫିଟ୍
ନୂଆଦିଲ୍ଲୀ ୨୧/୦୬: ଆଥଲେଟ୍ ତଥା ବିଜନେସଓମେନ୍ କୁଞ୍ଜ ଯାଦବ ତାଙ୍କ ସଫଳତାର କାହାଣୀ ପାଇଁ ବହୁତ ପ୍ରସିଦ୍ଧ। ଏହି ସମୟରେ, ତାଙ୍କ ଫିଟନେସ ବିଷୟରେ ଅନେକ ଚର୍ଚ୍ଚା ହେଉଛି। ତିନି ସନ୍ତାନର ମା ହେବା ସତ୍ତ୍ୱେ କୁଞ୍ଜ ଯାଦବ ଯେପରି ନିଜକୁ ଫିଟ୍ ରଖିଛନ୍ତି, ତାଙ୍କର ପ୍ରକୃତ ବୟସକୁ କେହି ଅନୁମାନ କରିପାରିବେ ନାହିଁ।
ଆଥଲେଟ୍ ଭାବରେ ୧୬ ବର୍ଷ ବୟସରୁ ନିଜ ପରିବାର ବ୍ୟବସାୟରେ ତାଙ୍କ ବାପାଙ୍କୁ ସାହାଯ୍ୟ କରିଥିବା କୁଞ୍ଜ ଯାଦବ, ହୁଏତ ତିନି ସନ୍ତାନର ମା ହୋଇଥାଇ ପାରନ୍ତି। କିନ୍ତୁ ସେ ନିଜକୁ ଏତେ ଫିଟ୍ ରଖିଛନ୍ତି, ସେ ଯୋଗକୁ ତାହାର ଶ୍ରେୟ ଦେଇଛନ୍ତି।
ସମ୍ପ୍ରତି, ସେ ମାନସିକ ସ୍ତରରେ ଚ୍ୟାଲେଞ୍ଜ ହୋଇଥିବା ପିଲାମାନଙ୍କୁ ଅନେକ ଯୋଗ ଏବଂ ପ୍ରାଣାୟାମ ଅଭ୍ୟାସ କରାଇଛନ୍ତି ଏବଂ ସେମାନଙ୍କୁ ତାହାର ଉପକାରିତା ବିଷୟରେ ବିସ୍ତୃତ ସୂଚନା ଦେଇଛନ୍ତି। କୁଞ୍ଜ କହିଛନ୍ତି ପ୍ରତିବର୍ଷ ସେ ଅନ୍ତର୍ଜାତୀୟ ଯୋଗ ଦିବସରେ ଅନେକ ଯୋଗ କାର୍ଯ୍ୟକ୍ରମରେ ଅଂଶଗ୍ରହଣ କରନ୍ତି, କିନ୍ତୁ ଏହି ପିଲାମାନଙ୍କ ସହିତ ଯୋଗ କରିବାର ଅଭିଜ୍ଞତା ସମ୍ପୂର୍ଣ୍ଣ ଭିନ୍ନ।
କୁଞ୍ଜ କୁହନ୍ତି, “ଜଣେ ଦାୟିତ୍ୱ ବାନ ନାଗରିକ ଭାବରେ, ବିଶେଷକରି ଜଣେ ମା ଭାବରେ ମୁଁ ଅନୁଭବ କରେ ସେହି ପିଲାମାନଙ୍କ ପ୍ରତି ଆମକୁ ବିଶେଷ ଧ୍ୟାନ ଦେବା ଆବଶ୍ୟକ, ଯେଉଁମାନେ କିଛି ଶାରୀରିକ କିମ୍ବା ମାନସିକ ଚ୍ୟାଲେଞ୍ଜ ହେତୁ ସମାଜର ମୁଖ୍ୟ ସ୍ରୋତରେ ଯୋଗ ଦେଇ ପାରିବେ ନାହିଁ। କିମ୍ବା ସେମାନେ ବହୁ ପଛରେ ରହିଯାଇଛନ୍ତି। ଏହା ମଧ୍ୟ ଆମର ସାମାଜିକ ଦାୟିତ୍ୱର ଏକ ଅଂଶ।
