PRAMEYA

Prameya News Portal, Prameya Daily, Odisha Latest News, Odisha Current Headlines, Odisha News Online

ପ୍ରମୁଖ ଖବର
  • ମୁଲାୟମ ସିଂହ ଯାଦବ ICUରେ ଭର୍ତ୍ତି ,ଅଖିଳେଶ ଓ ଅପର୍ଣ୍ଣା ଯାଦବଙ୍କ ତୁରନ୍ତ ଦିଲ୍ଲୀ ଯାତ୍ରା
  • ||
  • ଭୁବନେଶ୍ଵର : ରାଜ୍ୟରେ ଉପରତଳ ହେଉଛି କରୋନା ଗ୍ରାଫ୍, ୨୪ ଘଣ୍ଟା ମଧ୍ୟରେ ୧୩୧ ପଜିଟିଭ୍ ଚିହ୍ନଟ
  • ||
  • କଟକ : ହାଇକୋର୍ଟଙ୍କ ଦ୍ୱାରସ୍ଥ ହେଲେ ବିଧାୟକ ମହମ୍ମଦ ମୋକିମ୍, ବିଧାୟକ ପଦ ରଦ୍ଦ ହେବାର ଆଶଙ୍କା
  • ||
  • କେନ୍ଦୁଝର : ସାମାନ୍ୟ ବଚସାରୁ ତୁମୁଳ କାଣ୍ଡ, ଯୁବକଙ୍କୁ ବିଭତ୍ସ ଭାବେ ହତ୍ୟା
  • ||
  • କୋରାପୁଟ : ବିଜୁଳି ଘଡ଼ଘଡ଼ିରେ ଭୁଶୁଡ଼ିଲା କୋରାପୁଟର ଜେଇଏଲ୍ ଚର୍ଚ୍ଚ
  • ||
  • ବ୍ରହ୍ମପୁର : କାର୍‌ରୁ ୩ କେ.ଜି ସୁନା ଏବଂ ୧୭ କେ.ଜି ରୂପା ଜବତ, ୩ ଅଟକ
  • ||

ରନ୍ ଆଉଟରୁ ଆରମ୍ଭ ହୋଇଥିଲା ଧୋନିଙ୍କ କ୍ୟାରିୟର, ରନ୍ ଆଉଟରେ ଶେଷ

https://www.mygoodtimes.in/

ନୂଆଦିଲ୍ଲୀ,୧୬।୮: ଟିମ୍ ଇଣ୍ଡିଆର ପୂର୍ବତନ କ୍ୟାପଟେନ୍ ମହେନ୍ଦ୍ର ସିଂ ଧୋନି ଅନ୍ତର୍ଜାତୀୟ କ୍ରିକେଟରୁ ସନ୍ୟାସ ନେଇଛନ୍ତି। ଭାରତରେ ଯେଉଁଠି କ୍ରିକେଟରଙ୍କୁ ଶୀର୍ଷ ସ୍ଥାନରେ ପହଁଞ୍ଚିବା ପାଇଁ ସାରା ଜୀବନ ଲାଗିଯାଏ ସେଭଳି ସ୍ଥାନରେ ଧୋନିଙ୍କର ପ୍ରତିଭା କିଛି ଅଲଗା ଥିଲା। ଜୁନିଅର କ୍ରିକେଟରୁ ବିହାର କ୍ରିକେଟ ଟିମ୍, ଝାଡଖଣ୍ଡ କ୍ରିକେଟ ଟିମରରୁ ଇଣ୍ଡିଆ ଏ’ ଟିମ୍ ପର୍ଯ୍ୟନ୍ତ ଓ ସେଠାରୁ ଭାରତୀୟ ଟିମ୍ ପର୍ଯ୍ୟନ୍ତ ଧୋନିଙ୍କର ଯାତ୍ରା ମାତ୍ର ୫-୬ ବର୍ଷରେ ପୂରଣ ହୋଇପାରିଥିଲା।

ଧୋନି ୧୯୯୮ରେ ଜୁନିଅର କ୍ରିକେଟର ଆରମ୍ଭ କରିଥିଲେ ଓ ୨୩ ଡିସେମ୍ବର ୨୦୦୪ରେ ସେ ବାଂଲାଦେଶ ବିରୋଧ ଦିନିକିଆ ମ୍ୟାଚ୍ ଜରିଆରେ ନିଜର ଅନ୍ତର୍ଜାତୀୟ କ୍ୟାରିୟର ଆରମ୍ଭ କରିଥିଲେ, କିନ୍ତୁ ଧୋନି କ୍ୟାରିୟରର ପ୍ରଥମ ମ୍ୟାଚର ପ୍ରଥମ ବଲରେ ରନ୍ ଆଉଟ୍ ହୋଇଯାଇଥିଲେ। ଆଉ ସଂଯୋଗର କଥା ହେଉଛି ନିଜର କ୍ୟାରିୟରର ଶେଷ ମ୍ୟାଚରେ ମଧ୍ୟ ଧୋନି ରନ୍ ଆଉଟ୍ ହୋଇଥିଲେ। ୨୦୧୯ରେ ଓ୍ବାର୍ଲ୍ଡକପରେ ନ୍ୟୁଜିଲାଣ୍ଡ ବିପକ୍ଷ ସେମିଫାଇନାଲ ମ୍ୟାଚରେ ଧୋନିଙ୍କୁ ମାର୍ଟିନ ଗପ୍ଟିଲ ​ରନ୍ ଆଉ କରି ଭାରତର ଓ୍ବାର୍ଲ୍ଡକପ୍ ଜିତିବାର ଆଶାକୁ ନିରାଶା କରିଦେଇଥିଲା।

ଧୋନିଙ୍କ ଅଧିନାୟକତ୍ବରେ  ଭାରତ ଆଇସିସି ଓ୍ବାର୍ଲ୍ଡ ଟି-୨୦ (୨୦୦୭), କ୍ରିକେଟ୍ ଓ୍ବାର୍ଲ୍ଡକପ୍ (୨୦୧୧) ଓ ଆଇସିସି ଚମ୍ପିଆନ୍ସ ଟ୍ରଫ୍ଟି(୨୦୧୩)ଜିତାଇ ସାରିଛନ୍ତି। ଏହାଛଡା ଭାରତକୁ ୨୦୦୯​‌ ରେ ପ୍ରଥମ ଥର ଟେଷ୍ଟରେ ନମ୍ବର ଓ୍ବାନ ସ୍ଥାନରେ ପହଁଞ୍ଚାଇଥିଲେ। ଡିସେମ୍ବର ୨୦୧୪ରେ ଧୋନି ଟେଷ୍ଟ କ୍ରିକେଟରୁ ଅଚାନକ ସନ୍ୟାସ ନେବାର ଘୋଷଣା କରିଥିଲେ। ଧୋନି ୨୦୧୭ର ଆରମ୍ଭରୁ ଦିନିକିଆ ଓ ଟି-୨୦ରୁ ଅଧିନାୟକତ୍ବକୁ ମଧ୍ୟ ଠିକ୍ ସେହି ଅନ୍ଦାଜରେ ଅଲବିଦା କରିଥିଲେ, ଯେଉଁଥିପାଇଁ ସେ ଜଣାଯାଆନ୍ତି।