ମୈଦଲପୁର,୫।୮:-ଗାଁରୁ ଦେଢ଼ କିଲୋମିଟର ଯାଏଁ କାଦୁଅ ରାସ୍ତା l ସେଥିପାଇଁ ଗାଁକୁ ପହଞ୍ଚି ପାରିଲାନି ଆମ୍ବୁଲାନ୍ସ l ଗ୍ରାମବାସୀଙ୍କ ସହାୟତାରେ ଖଟିଆରେ ଭାର କରି ଆମ୍ବୁଲାନ୍ସ ଯାଏଁ ନିଆଯାଇଥିଲା l ଆଶା କରିଥିଲେ ଖଟିଆରେ ରୋଗୀ ହୋଇ ଯାଉଛି ସୁସ୍ଥ ହୋଇ ଘରକୁ ଫେରିବି l କିନ୍ତୁ ଵିଧିର ବିଧାନ ଥିଲା ଅଲଗା l କୋରାପୁଟ ମେଡିକାଲରେ ଚିକିତ୍ସାଧୀନ ଅବସ୍ଥା ସୋମବାର ରାତିରେ  ମୃତ୍ୟୁ ଘଟିଥିଲା। ଗାଁକୁ ଅଣାଗଲା ମୃତଦେହ। ଗାଁ ଠାରୁ ଦେଢ଼ କିଲୋମିଟର ଦୂର ରେ ରହିଲା ମହାପ୍ରଣା୍ୟାନ l ପୁଣି ଶବ କୁ ଖଟିଆ ରେ ବୁହା ହୋଇ ପହଂଚିଲା ଗାଁ ଶ୍ମଶାନରେ l ଏଭଳି ହୃଦୟ ବିଦାରକ ଦୃଶ୍ୟ ଦେଖିବାକୁ ମିଳିଛି ପାପଡାହାଣ୍ଡି ବ୍ଲକ ମୈଦଲପୁର ପଂଚାୟତ ର ଜବାଗୁଡା ଗାଁରେ l 

ଜବାଗୁଡା ଗାଁ ରେ ରହୁଥିବା ହର ସିଂ ଜାନି ଙ୍କ ସ୍ତ୍ରୀ ଲଳିତା ଜାନି ଦୀର୍ଘ ୫ଦିନ ହେଲା ଦେହ ଅସୁସ୍ଥ ରହିବା ସହ ଜ୍ୱର ହେଉଥିଲା l ରବିବାର ରାତିରେ ହଠାତ ଗୁରୁତର ହୋଇ ପଡିଲେ l ପରିବାର ଲୋକ ଆମ୍ବୁଲାନ୍ସ  ଡାକିଥିଲେ।  କିନ୍ତୁ କାଦୁଅ ରାସ୍ତା ଯୋଗୁଁ ଆମ୍ବୁଲାନ୍ସ ଗାଁକୁ ନ ପହଞ୍ଚି ଦେଢ଼ କିଲୋମିଟର ଦୂରରେ ରହିଗଲା l ଶେଷରେ ବାଧ୍ୟ ହୋଇ ଗ୍ରାମବାସୀ ହାତରେ ଟର୍ଚ୍ଚ, ମୋବାଇଲ ଲାଇଟ ଲଗାଇ ଖଟିଆରେ ଭାର କରି ତାଙ୍କୁ ଆମ୍ବୁଲାନ୍ସ ନିକଟକୁ ଆଣିଥିଲେ। ଡାକ୍ତରଖାନାରେ ଚିକିତ୍ସାଧୀନ ଅବସ୍ଥାରେ ମୃତ୍ୟୁ ଘଟିଥିଲା।