ନୂଆଦିଲ୍ଲୀ ୨୫/୦୫: ବିଶ୍ୱ ସୁନ୍ଦରୀ ମୁକୁଟଠୁ ଅଳ୍ପ ଦୂରରେ ତେଲଙ୍ଗାନାର ଫେମିନା ମିସ୍ ଇଣ୍ଡିଆ-୨୦୨୩ ନନ୍ଦିନୀ ଗୁପ୍ତା । ବିଶ୍ୱ ସୁନ୍ଦରୀ ପ୍ରତିଯୋଗିତାର ଶୀର୍ଷ ୨୪ ପ୍ରତିଯୋଗୀଙ୍କ ମଧ୍ୟରେ ତାଙ୍କୁ ଚୟନ କରାଯାଇଛି । ପ୍ରତିଯୋଗିତାରେ ପ୍ରତିନିଧିତ୍ୱ କରିଥିବା ୧୦୮ ଦେଶ ମଧ୍ୟରୁ ବିଭିନ୍ନ ପ୍ରତିଭା ଓ ବ୍ୟକ୍ତିତ୍ୱ ରାଉଣ୍ଡ୍ରେ ପ୍ରଦର୍ଶନ ଆଧାରରେ ମାତ୍ର ୨୪ ପ୍ରତିଯୋଗୀଙ୍କୁ ଶର୍ଟଲିଷ୍ଟ୍ କରାଯାଇଛି ।
ଆସନ୍ତା ଶୁକ୍ରବାର ତେଲଙ୍ଗାନାରେ ଅନୁଷ୍ଠିତ ହେବ ବିଶ୍ୱ ସୁନ୍ଦରୀ-୨୦୨୫ ପ୍ରତିଯୋଗିତା । ଏଥିରେ ୨୪ ପ୍ରତିଯୋଗୀଙ୍କ ମଧ୍ୟରୁ ୧୦ ଜଣ ଗ୍ରାଣ୍ଡ୍ ଫିନାଲେକୁ ଯିବେ । ସେମାନଙ୍କ ମଧ୍ୟରୁ ଜଣେ ଚଳିତ ବର୍ଷର ବିଶ୍ୱ ସୁନ୍ଦରୀ ମୁକୁଟର ଅଧିକାରିଣୀ ହେବେ । ବିଶ୍ୱ ସୁନ୍ଦରୀ ପ୍ରତିଯୋଗିତାରେ ନନ୍ଦିନୀ ଗୁପ୍ତାଙ୍କ ଏଣ୍ଟ୍ରି ଭାରତ ପାଇଁ ଗୌରବ ଆଣିଦେଇଛି । ନିଜର ପ୍ରତିଭା ଏବଂ ଦେଶର ସାଂସ୍କୃତିକ ଗୌରବକୁ ସେ ଏହି ସମ୍ମାନାସ୍ପଦ ବୈଶ୍ୱିକ ମଞ୍ଚରେ ଉପସ୍ଥାପନ କରିବେ । ଭାରତରେ ପ୍ରଥମ ଥର ବିଶ୍ୱ ସୁନ୍ଦରୀ ପ୍ରତିଯୋଗିତା ଅନୁଷ୍ଠିତ ହେବାକୁ ଯାଉଥିବାରୁ ଦେଶବାସୀଙ୍କ ମଧ୍ୟରେ ଖୁବ୍ ଉତ୍ସାହ ରହିଛି ।
