PRAMEYA

Prameya News Portal, Prameya Daily, Odisha Latest News, Odisha Current Headlines, Odisha News Online

ପ୍ରମୁଖ ଖବର
  • ପାଟଣା : କେନ୍ଦୁଝର ଜିଲ୍ଲା ପାଟଣା ଥାନା ଗଣ୍ଡବେଡ଼ା ଗାଁରେ ଶ୍ୱଶୁର ଘର ପଛପଟୁ ଜ୍ୱାଇଁର ଝୁଲନ୍ତା ମୃତଦେହ ଉଦ୍ଧାର
  • ||
  • ବସ୍ତା : ବାଲେଶ୍ଵର ଜିଲ୍ଲା ବସ୍ତା-ଅମର୍ଦା ରୋଡ ରେଳ ଷ୍ଟେସନ ମଧ୍ୟବର୍ତ୍ତୀ ବ୍ରାହ୍ମଣଦା ଗ୍ରାମ ନିକଟ ରେଳ ଧାରଣା ପାର୍ଶ୍ଵରୁ ଅଜଣା ଯୁବକଙ୍କ ମୃତଦେହ ଉଦ୍ଧାର
  • ||
  • ଆଠମଲ୍ଲିକ : ଅନୁଗୁଳ ଜିଲ୍ଲା ଆଠମଲ୍ଲିକ ବ୍ଲକ ହଣ୍ଡପା ଥାନା ଅନ୍ତର୍ଗତ ରଘୁନାଥପୁର ଗାଁ ପଡ଼ିଆରେ କ୍ରିକେଟ ଖେଳିବା ବେଳେ ପଡ଼ିଲା ଚଡ଼କ, ଜଣେ ମୃତ ଅନ୍ୟ ଜଣେ ଗୁରୁତର
  • ||
  • ଢେଙ୍କାନାଳ : ଢେଙ୍କାନାଳ ସଦର ଥାନା ଭାପୁର ଫାଣ୍ଡି ଗଙ୍ଗାଧର ପ୍ରସାଦ ଗାଁ ପଶ୍ଚିମେଶ୍ୱର ମନ୍ଦିର ନିକଟରେ ପିକଅପ୍ ଭ୍ୟାନ ଓ ଟ୍ରକ୍ ମୁହାଁମୁହିଁ ଧକ୍କା, ଡ୍ରାଇଭର୍ ଗୁରୁତର
  • ||
  • ଭୁବନେଶ୍ଵର : ଦୁଇ ଆଇଏଏସ୍‌ଙ୍କୁ ହକି ବିଶ୍ୱକପ୍‌ ପରିଚାଳନା ଦାୟିତ୍ୱ, ରାଉରକେଲା ପାଇଁ ଭୂପେନ୍ଦ୍ର ସିଂ ପୁନିଆ, ଭୁବନେଶ୍ଵରରେ ରଘୁ ଜି
  • ||
  • ବଲାଙ୍ଗୀର : ଧୁମ୍‌ଧାମ୍‌ରେ ପାଳିତ ହେଲା ବଲାଙ୍ଗୀରର ବଏଲ ଯାତ୍ରା, ସମାଜର ମଙ୍ଗଳ ଉଦ୍ଦେଶ୍ୟରେ ଦେବୀଙ୍କ ଆରାଧନା କଲେ ଶ୍ରଦ୍ଧାଳୁ
  • ||
  • ମୁନିଗୁଡ଼ା : ରାୟଗଡ଼ା ଜିଲ୍ଲା ଅମ୍ବାଦଳା ଥାନା ଅନ୍ତର୍ଗତ କାମାରି ଗାଁ ନିକଟ ଜଙ୍ଗଲରୁ ଝୁଲନ୍ତା ଅବସ୍ଥାରେ ନିଖୋଜ ମହିଳାଙ୍କ ଗଳିତ ମୃତଦେହ ଉଦ୍ଧାର
  • ||
  • ଭୁବନେଶ୍ୱର : ଉପକୂଳରେ ନବମୀ ଓ ଦଶମୀରେ ବର୍ଷିବ ବୋଲି ଆକଳନ କରିଛନ୍ତି ପାଣିପାଗ ବିଶେଷଜ୍ଞ
  • ||
  • ଭୁବନେଶ୍ଵର : ଆଜି ପୀଠରେ ଦଶମୀ ; ମଣ୍ଡପରେ ମହାନବମୀ, ଚଣ୍ଡୀପାଠରେ କମ୍ପୁଛି ପୂଜା ମଣ୍ଡପ
  • ||
  • କୋଣାର୍କ : ଲଘୁଚାପ ପ୍ରଭାବରେ ସୋମବାର ରାତିରୁ କୋଣାର୍କରେ ପ୍ରବଳ ବର୍ଷା ହୋଇ ସୂର୍ଯ୍ୟମନ୍ଦିରରେ ଜମିଲା ପାଣି, ପର୍ଯ୍ୟଟକ ନିରାଶ
  • ||

ଭବାନୀପାଟଣା: ଚିଟଫଣ୍ଡ ଚୋରଙ୍କ ସାଙ୍ଗରେ ରହିବେ ନା ଚୌକିଦାର ସାଙ୍ଗରେ ରହିବେ ବୋଲି ପଚାରିଲେ ମୋଦି

କଳାହାଣ୍ଡି ୨/୪: ଦିନିକିଆ ଓଡିଶା ଗସ୍ତରେ ଆସି ଭବାନୀପାଟଣା ବିଜୟ ସଂକଳ୍ପ ସମାବେଶରେ ଉଦବୋଧନ ଦେଲେ ପ୍ରଧାନମନ୍ତ୍ରୀ । ସମସ୍ତଙ୍କୁ ଜୁହାର କହି ଭାଷଣ ଆରମ୍ଭ କଲେ ମୋଦି ।

ମୋଦି କହିଲେ ଯେ ଏ ପ୍ରଧାନସେବକକୁ ଆପଣ ୫ ବର୍ଷ ସେବା ସୁଯୋଗ ଦେଇଛନ୍ତି  । ଗତ ୫ ବର୍ଷ ହେବ ଦିନଟିଏ ବି ଛୁଟି ନେଇନାହିଁ । ଏ ଶରୀର ଦ୍ୱାରା ଯେତେ ସମ୍ଭବ ସେତେ କାର୍ଯ୍ଯ ହୋଇଛି । ଆପଣଙ୍କ ସହଯୋଗ ନମିଳିଥିଲେ ମୁଁ ଏ କାମ କରିପାରିନଥାନ୍ତି ବୋଲି କହିଲେ । ଭଗବାନ ଜଗନ୍ନାଥ ଓ ଆପଣଙ୍କ ଆଶୀର୍ବାଦରୁ ଏସବୁ ମିଳିଛି । ଏ ସବୁ ସଫଳତାର ଶ୍ରେୟ ଆପଣମାନଙ୍କୁ ଯାଉଛି ବୋଲି କହିଲେ ନମୋ । ଗଲା ପଞ୍ଚାୟତ ନିର୍ବାଚନରେ ଆପଣମାନେ ପୁରା ସହଯୋଗ କରିଛନ୍ତି ବୋଲି ମଧ୍ଯ କହିଛନ୍ତି ।

ଗତ ୫ ବର୍ଷରେ ଓଡିଶାର ୮ ଲକ୍ଷ ଗରିବଙ୍କୁ ପକ୍କା ଘର ମିଳିଛି । ଓଡିଶାର ୨୪ ଲକ୍ଷ ଘରକୁ ମାଗଣା ବିଜୁଳି ସଂଯୋଗ ମିଳିଛି ।  ୩ ହଜାର ଗାଁକୁ ସ୍ୱାଧୀନତା ପରେ ପ୍ରଥମ ଥର ବିଜୁଳି ମିଳିଛି । ୪୦ ଲକ୍ଷ ଗରିବ ଭଉଣୀଙ୍କୁ ମାଗଣା ଗ୍ଯାସ୍ କନେକ୍ସନ ମିଳିଛି । ଓଡିଶାର ୧ କୋଟି ୪୦ ଲକ୍ଷ ଲୋକଙ୍କ ବ୍ଯାଙ୍କ ଖାତା ଖୋଲାଯାଇଛି । ଓଡିଶାରେ ପ୍ରାୟ ୫୦ ଲକ୍ଷ ଶୌଚାଳୟ ନିର୍ମାଣ କରାଯାଇଛି । ଏହି କାମ ମୋଦି କରିଛି ବୋଲି ଆପଣମାନେ କହୁଛନ୍ତି କିନ୍ତୁ ଏହା ଆପଣମାନଙ୍କ ମୁଲ୍ଯବାନ୍ ଭୋଟ୍ କରିଛି । ଆପଣମାନଙ୍କ ଭୋଟ୍ ଭାରତର ଭାଗ୍ଯ ବଦଳାଇଛି । ମୋଦି କେବଳ ଜଣେ ସେବକ । ୨୦୧୪ରେ ଏଠି ବିଜେପି ସରକାର ହୋଇଥିଲେ କାମ ତ୍ୱରିତ ହୋଇଥାନ୍ତା । ଏଠି ଥିବା ସରକାର ଜମା ସହଯୋଗ କରୁନାହାନ୍ତି । ରାଜ୍ଯ ସରକାରଙ୍କ ବିନା ସହଯୋଗ ସତ୍ତ୍ୱେ ମୁଁ ଆପଣମାନଙ୍କ ପାଇଁ କାମ କରୁଛି ବୋଲି କହିଲେ ମୋଦି ।  

ଏଥର ଓଡିଶା ଏକ ଇତିହାସ ରଚନା କରିବାକୁ ଯାଉଛି । ଯାହା ତ୍ରିପୁରାରେ ହୋଇଛି ତାହା ଏଥର ଓଡିଶାରେ ହେବ ବୋଲି କହିଲେ ନମୋ । ଓଡିଶାର ଏଥର ବିଜେପି ସରକାର ହେବ, ଦିଲ୍ଲୀ ମଜଭୁତ ହେବ । ଭାରତର ନେତୃତ୍ୱ ଏଥର ଓଡିଶା ନେବ । ଏବଂ ଏଥିପାଇଁ ଆପଣମାନଙ୍କୁ ଆଗୁଆ ବଧାଇ ବୋଲି କହିଲେ । ଚିଟଫଣ୍ଡ ଚୋରଙ୍କ କଥା ମଧ୍ଯ ଉଠାଇଥିଲେ ମୋଦି । ଚିଟ୍ ଫଣ୍ଡ ଚୋରଙ୍କ ସହିତ ରହିବେ ନା ଚୌକିଦାର ସହିତ ରହିବେ ବୋଲି ପ୍ରଶ୍ନ କରିଥିଲେ । ଯେଉଁ ବିକାଶ ଧାରା ୧୯ ବର୍ଷରେ ହୋଇନି, ୫ ବର୍ଷରେ କରିଦେବୁ ବୋଲି ପ୍ରତିଶୃତି ଦେଲେ । କଂଗ୍ରେସ, ବିଜେଡି ଗରିବଙ୍କୁ ଠକୁଛନ୍ତି । ଗରିବଙ୍କୁ ପ୍ରତିଥର ଧୋକ୍କା ଦେଉଛନ୍ତି । କେବଳ ନିର୍ବାଚନ ଆସିଲେ ଗରିବଙ୍କୁ ମନେ ପକାଉଛନ୍ତି । ଗରିବଙ୍କ ମାଳା ଜପି ଭୋଟ୍ ହାତଉଛନ୍ତି । କେନ୍ଦ୍ରରେ କଂଗ୍ରେସ ଏତେ ବର୍ଷରେ ଯେଉଁ କାମ କରିନଥିଲା ଆମେ ୫ ବର୍ଷରେ କରିଦେଖାଉଛି । ଆପଣଙ୍କ ଭୋଟ୍ ଏଠି ଡବଲ ଇଞ୍ଜିନ୍ ଆଣିବାରେ ସହଯୋଗ କରିବ । ଶେଷରେ ଭାରତ ମାତାକି ଜୟ କହି ଅଭିଭାଷଣ ଶେଷ କଲେ ମୋଦି ।