ପ୍ରମୂଖ ଖବର
  • ଟି-ଟ୍ୱେଣ୍ଟି କ୍ରିକେଟ୍ ବିଶ୍ୱକପ୍ ୨୦୨୪: ସେଣ୍ଟ୍‌ଭିନ୍‌ସେଣ୍ଟରେ ସାମ୍ନାସାମ୍ନି ହେବେ ବାଂଲାଦେଶ- ନେଦରଲାଣ୍ଡ୍‌ସ
  • ||
  • ଜୁନ୍ ୧୮ରେ ବାରାଣସୀ ଯିବେ ପ୍ରଧାନମନ୍ତ୍ରୀ ନରେନ୍ଦ୍ର ମୋଦି, ତୃତୀୟ ପାଳିରେ ହେବ ପ୍ରଥମ ଗସ୍ତ
  • ||
  • ଅରୁଣାଚଳର ମୁଖ୍ୟମନ୍ତ୍ରୀ ଭାବେ ଶପଥ ନେବେ ପେମା ଖାଣ୍ଡୁ, ସମାରୋହରେ ସାମିଲ୍ ହେବେ ଜେପି ନଡ୍ଡା, ଅମିତ ଶାହ
  • ||
  • ବିଧାୟକ ପଦରୁ ସପା ମୁଖ୍ୟ ଅଖିଳେଶ ଯାଦବଙ୍କ ଇସ୍ତଫା
  • ||
  • ପୁରୀ : ଖୋଲିଲା ଶ୍ରୀମନ୍ଦିର ୪ ଦ୍ବାର, ମଙ୍ଗଳ ଆଳତି ଦର୍ଶନ କଲେ ମୁଖ୍ୟମନ୍ତ୍ରୀ ମୋହନ ଚରଣ ମାଝୀ
  • ||

ହୋଟେଲରେ ରହୁଛନ୍ତି ନୱାଜୁଦ୍ଦିନ, ମା' ଓ ପତ୍ନୀଙ୍କ ବିବାଦ ମଧ୍ୟରେ ଘର ଛାଡିଲେ ଅଭିନେତା

ମୁମ୍ବାଇ ୦୬/୦୨: ନୱାଜୁଦ୍ଦିନ ସିଦ୍ଦିକି ତାଙ୍କ ପର୍ସନାଲ୍ ଲାଇଫକୁ ନେଇ ଏବେ ଚର୍ଚ୍ଚାରେ। ନିକଟରେ ଅଭିନେତାଙ୍କ ମା’ ତାଙ୍କ ପତ୍ନୀ ଆଲିଆଙ୍କ ବିରୋଧରେ ମାମଲା ଦାୟର କରିଥିଲେ। ସମ୍ପତ୍ତିକୁ ନେଇ ଉଭୟଙ୍କ ମଧ୍ୟରେ ବିବାଦ ଲାଗି ରହିଛି। ଅନ୍ୟପକ୍ଷରେ ଆଲିଆ ମଧ୍ୟ ନୱାଜୁଦ୍ଦିନ ଏବଂ ତାଙ୍କ ପରିବାର ବରୋଧରେ ଘରୋଇ ହିଂସା ଅଭିଯୋଗ କରିଥିଲେ। ଏହା ପରେ କୋର୍ଟ ଅଭିନେତାଙ୍କୁ ନୋଟିସ ଜାରି କରିଥିଲେ। ତେବେ ପତ୍ନୀ ଏବଂ ମାଙ୍କ ମଧ୍ୟରେ ବିବାଦ ହେତୁ ନୱାଜୁ ଘରୁ ବାହାରି ହୋଟେଲରେ ରହିଥିବା କୁହାଯାଉଛି। ଏକ ରିପୋର୍ଟ ଅନୁଯାୟୀ, ନୱାଜୁଦ୍ଦିନଙ୍କ ବନ୍ଧୁ କହିଛନ୍ତି, ଅଭିନେତା ବର୍ତ୍ତମାନ ହୋଟେଲରେ ଅଛନ୍ତି। ତାଙ୍କ ଓକିଲ ଆଇନଗତ ସମସ୍ୟାର ସମାଧାନ ନକରିବା ପର୍ଯ୍ୟନ୍ତ ସେ ସେଠାରେ ରହିବେ।

{"id":531204,"sizeSlug":"full","linkDestination":"none"}

ନୱାଜୁଦ୍ଦିନଙ୍କ ମା’ ମେହେରୁନିସା ସିଦ୍ଦିକି ଆଲିଆଙ୍କ ବିରୋଧରେ ପୋଲିସ ଅଭିଯୋଗ କରିଥିଲେ। ତାଙ୍କ ମା ଦାବି କରିଥିଲେ, ଆଲିଆ ନୱାଜୁଦ୍ଦିନଙ୍କ ପତ୍ନୀ ନୁହଁନ୍ତି। ଏଥିସହିତ ଆଲିଆଙ୍କ ଓକିଲ କହିଛନ୍ତି ଯେ ସେ ତାଙ୍କ ପତ୍ନୀ ବୋଲି ନୱାଜୁଦ୍ଦିନ ଡକ୍ୟୁମେଣ୍ଟରେ ସ୍ୱୀକାର କରିଛନ୍ତି। ଆଲିଆ ଏକ ଭିଡିଓ ସେୟାର କରି କହିଥିଲେ ଯେ ତାଙ୍କୁ ରୁମ୍‌ରୁ ବାହାର କରି ଦିଆଯାଇଥିଲା ଏବଂ ତାଙ୍କୁ ଲିଭିଙ୍ଗ୍ ରୁମ୍ ସୋଫାରେ ଶୋଇବାକୁ ପଡିଥିଲା। ସେ ସେୟାର କରିଥିବା ଭିଡିଓରେ ତାଙ୍କର ଉଭୟ ପିଲା ସୋଫାରେ ଶୋଇଥିବା ଦେଖାଯାଇଥିଲା। ଗତ ୭ ଦିନ ଧରି ସେ ହଲରେ ରହୁଥିବା କହିଥିଲେ।

ସୂଚନା ଅନୁଯାୟୀ, ନୱାଜୁଦ୍ଦିନ ଏବଂ ଆଲିଆ ୨୦୧୦ ମସିହାରେ ବିବାହ କରିଥିଲେ। ସେମାନଙ୍କର ଦୁଇଟି ସନ୍ତାନ ଅଛନ୍ତି। ମେ ୬, ୨୦୨୦ ରେ ଆଲିଆ ଛାଡପତ୍ର ପାଇଁ ଆବେଦନ କରିଥିଲେ। କିନ୍ତୁ ପରେ ସେମାନଙ୍କ ମଧ୍ୟରେ ବୁଝାମଣା ହୋଇଥିଲା। ସେ ୨୦୨୧ ମସିହାରେ ଛାଡପତ୍ର ଆବେଦନ ପ୍ରତ୍ୟାହାର କରି ନେଇଥିଲେ।

News7 Is Now On WhatsApp Join And Get Latest News Updates Delivered To You Via WhatsApp

Copyright © 2024 - Summa Real Media Private Limited. All Rights Reserved.