ନୂଆଦିଲ୍ଲୀ,୨୪/୦୧: ହ୍ୱାଟ୍ସଆପ୍ ଏବଂ ଏହାର ମୂଳ କମ୍ପାନି ମେଟା ପ୍ଲାଟ୍ଫର୍ମ ମଧ୍ୟରେ ୫ ବର୍ଷିଆ ଡାଟା ସେୟାରିଂ ବ୍ୟାନ୍ ହଟିଯାଇଛି । ଜାତୀୟ କମ୍ପାନି ଆଇନ ଆପିଲେଟ୍ ଟ୍ରିବ୍ୟୁନାଲ(ଏନ୍ସିଏଲ୍ଏଟି) ଗୁରୁବାର ଅସ୍ଥାୟୀ ଭାବେ ଏହି ବ୍ୟାନ୍କୁ ହଟାଇ ଦେଇଥିବା ଜଣାପଡ଼ିଛି ।
ସୂଚନାଯୋଗ୍ୟ, ୨୦୨୩ ନଭେମ୍ବରରେ ଭାରତୀୟ ପ୍ରତିସ୍ଫର୍ଦ୍ଧା ଆୟୋଗ(ସିସିଆଇ) ପକ୍ଷରୁ ଏହି କଟକଣା ଲଗାଯାଇଥିଲା । ମେଟା ସହ ହ୍ୱାଟ୍ସଆପ୍ର ଡାଟା ସେୟାରିଂ କାର୍ଯ୍ୟକଳାପକୁ ନେଇ ଏକାଧିକ ଅଭିଯୋଗ ଆସିବା ପରେ ଏହି ବ୍ୟାନ୍ ଲଗାଯାଇଥିଲା । ଫେସ୍ବୁକ୍ ଏବଂ ହ୍ୱାଟ୍ସଆପ୍ର ମୂଳ କମ୍ପାନି ମେଟା ବ୍ୟାନ୍କୁ ଚ୍ୟାଲେଞ୍ଜ୍ କରିଥିଲା ଏବଂ ଏହା କେତେକ ବୈଶିଷ୍ଟ୍ୟକୁ ପ୍ରତ୍ୟାହାର କରିବା ପାଇଁ ମଧ୍ୟ ଧମକ ଦେଇଥିଲା । ପ୍ରଯୁକ୍ତିଗତ ଅଭିଜ୍ଞତା ନ ଥିବା ଦର୍ଶାଇ ଏହା ସିସିଆଇର ସମାଲୋଚନା କରିଥିଲା । ଗୁରୁବାର ଏନ୍ସିଏଲ୍ଏଟି ଏହି ବ୍ୟାନ୍କୁ ଅସ୍ଥାୟୀ ଭାବେ ହଟାଇଦେଇଥିବା ଜଣାପଡ଼ିଛି ।
