ନୂଆଦିଲ୍ଲୀ,୩୧।୧୦: ପଡୋଶୀ ଦେଶ ନେପାଳ ପାଇଁ ନୂଆ ନୋଟ୍କୁ ନେଇ ବିବାଦ ଆରମ୍ଭ ହୋଇଯାଇଛି। ନେପାଳ ସେଣ୍ଟ୍ରାଲ ବ୍ୟାଙ୍କ, ନେପାଳ ରାଷ୍ଟ୍ର ବ୍ୟାଙ୍କ (ଏନ୍ଆରବି)ଏକ ଚୀନ୍ କମ୍ପାନୀକୁ ନିଜର ନୂଆ ୧୦୦ ଟଙ୍କିଆ ବ୍ୟାଙ୍କ ନୋଟ୍ ଛାପିବାର କାମ ଦେଇଛି। ଏହି ନୋଟ୍ ନେପାଳର ସଂଶୋଧିତ ରାଜନୈତିକ ମ୍ୟାପ୍ରେ ସାମିଲ ରହିଛି। ଏହି ନକ୍ଦାରେ ନେପାଳର ଲିମ୍ପିୟାଧୁରା,ଲିପୁଲେଖ ଓ କଳାପାଣିର ବିବାଦୀୟ କ୍ଷେତ୍ରକୁ ନିଜର ବୋଲି କହିଛି। ଖବର ଅନୁସାରେ, ନେପାଳର କ୍ୟାବିନେଟ୍ ଏହି ଡିଜାଇନ୍ ଅପଡେଟ୍କୁ ମଞ୍ଜୁରୀ ଦେଇଛି। ଉଲ୍ଲେଖନୀୟ ୧୮ ଜୁନ୍ ୨୦୨୦କୁ ସମ୍ବିଧାନକରି ନେପାଳର ରାଜନୈତିକ ନକ୍ସାରେ ଏହି କ୍ଷେତ୍ର ସାମିଲ ରହିଛି। ସେ ସମୟରେ ଭାରତ ଏହି ପଦକ୍ଷେପ ଉପରେ କଡା ବିରୋଧ ପ୍ରକାଶ କରିଛି। ଭାରତ ବାରମ୍ବାର ଏହା ସ୍ପଷ୍ଟ କରିଛି ଯେ, ଲିମ୍ପିୟାଧୁରା,ଲିପୁଲେଖ ଓ କଳାପାଣି ଭାରତର ଅଭିନ୍ନ ଅଙ୍ଗ।
ଉଲ୍ଲେଖନୀୟ ଯେ, ଏହି ବ୍ୟାଙ୍କ ନୋଟ୍ ଛାପିବାର ଦାୟିତ୍ବ ଚୀନ୍ର ବ୍ୟାନ୍ନୋଟ୍ ପ୍ରିଣ୍ଟେଡ୍ ଆଣ୍ଡ ମିଟିଂ କର୍ପୋରେସନ୍କୁ ଦେଇଥିଲା। ଟାଇମ୍ସ ଅଫ୍ ଇଣ୍ଡିଆ ନିଜର ଏକ ରିପୋର୍ଟରେ କହିଛି ଯେ, ଏହି ଚୁକ୍ତି ଅନୁସାରେ, ଚୀନ୍ ଫାର୍ମକୁ ୧୦୦ ଟଙ୍କାର ନୋଟ୍ର ୩୦୦ ମିଲିୟନ ୟୁନିଟ୍ ଡିଜାଇନ୍ କରିବା, ଛାପିବା, ଯୋଗାଇବା ଓ ବିସ୍ତାରିତ କରିବାର କାମ ଦେଇଛି। ଏହାର ଅନୁମାନିତ ଉତ୍ପାଦନ ଖର୍ଚ୍ଚ ପ୍ରାୟ ୯ ମିଲିୟନ ଆମେରିକୀୟ ଡଲାର।
୨୦୨୦ ରେ ନେପାଳର ନକ୍ସାରେ ଅଧିକାରୀଙ୍କ ପରିବର୍ତ୍ତନ ଭାରତ ଓ ନେପାଳ ଭିତରେ ଦୀର୍ଘ ସମୟ ଧରି ଚାଲି ଆସୁଥିବା ସୀମା ବିବାଦକୁ ଆହୁରି ବଢାଇ ଦେଇଛି। ନକ୍ସାରେ ପରିବର୍ତ୍ତନକୁ ଭାରତ କଡା ବିରୋଧ କରିବା ସହ ଚେତାବନୀ ଦେଇଥିଲା। ଭୌଗାଳିକ ଦୃଷ୍ଟିରୁ ନେପାଳ ଭାରତର ୫ ରାଜ୍ୟର ସୀମା ସେୟାର କରିଥାଏ। ଏଥିରେ ସିକ୍କିମ,ପଶ୍ଚିମବଙ୍ଗ, ବିହାର,ଉତ୍ତର ପ୍ରଦେଶ ଓ ଉତ୍ତରାଖଣ୍ଡ ସହ ୧୮୫୦ କିଲୋମିଟର ସୀମା ରହିଛି।
