ପ୍ରମୂଖ ଖବର
  • ସମ୍ବଲପୁର: ଟେଲର ଦୋକାନରେ ପଶି ମା’ ଝିଅଙ୍କୁ ହାଣିଲେ ଦୁର୍ବୃତ୍ତ
  • ||
  • ହଟିବ ବ୍ରିଟିଶ ଆଇନ୍ , ଲାଗୁ ହେବ ଭାରତୀୟ ନିୟମ, ଜୁଲାଇରୁ ଲାଗୁ ହେବ ନୂଆ ପୁଲିସ ଆଇନ
  • ||
  • ଟି-ଟ୍ୱେଣ୍ଟି ବିଶ୍ୱକପ୍‌ ୨୦୨୪: ଫ୍ଲୋରିଡାରେ ବନ୍ୟା, ୟୁଏସ୍‌ଏ-ଆୟର୍ଲାଣ୍ଡ୍‌ ମ୍ୟାଚ୍‌ ବାତିଲ ଆଶଙ୍କା
  • ||
  • ମଙ୍ଗଳବାର ଖୋଲିବ ସ୍କୁଲ: ପ୍ରଥମରୁ ଦିଆଯିବ ମଧ୍ୟାହ୍ନଭୋଜନ, ରୋଷେଇ ପୂର୍ବରୁ ସାମଗ୍ରୀ ଯାଞ୍ଚ କରିବାକୁ ନିର୍ଦ୍ଦେଶ
  • ||
  • ରଥଖଳା ହାଲ୍‌ଚାଲ୍‌...ପାଞ୍ଚ ଦେବ ଦମ୍ପତିଙ୍କୁ ଏକତ୍ର ପନ୍ତି ଅର୍ପଣ ସମ୍ପନ୍ନ, ଦଣ୍ଡାରେ ଲାଗିଲା ଆଗ-ପଛ ମୁହାଁଟ
  • ||
  • କୋଣାର୍କ ରାସ୍ତାରେ ଓଲଟିଲା ପିକଅପ୍ ଭ୍ୟାନ୍, ୨ ମୃତ ୧୦ରୁ ଉର୍ଦ୍ଧ୍ଵ ଆହତ
  • ||
  • ରଣେନ୍ଦ୍ର ପ୍ରତାପ ସ୍ୱାଇଁ ଅସ୍ଥାୟୀ ବାଚସ୍ପତି: ୧୮ ଓ ୧୯ରେ ବିଧାୟକଙ୍କ ଶପଥ ଉତ୍ସବ, ୨୦ରେ ବାଚସ୍ପତି ନିର୍ବାଚନ
  • ||
  • ଶୁକ୍ରବାର ଶ୍ରୀମନ୍ଦିର ନୀତି ସବ୍‌କମିଟି ଓ ଛତିଶା ନିଯୋଗ ବୈଠକ, ସ୍ନାନଯାତ୍ରା ନୀତି ନିର୍ଘଣ୍ଟକୁ ମିଳିବ ଅନୁମୋଦନ
  • ||
  • ରଜ ମଉଜକୁ ଫିକା କରିଦେବ ଗୁଳୁଗୁଳି, ଆସନ୍ତା ୨ ଦିନ ଯାଏ ତାତିରୁ ନାହିଁ ନିସ୍ତାର
  • ||

ନେପାଳ ବିମାନ କ୍ରାସ୍‌ ଘଟଣା: ଆକାଶ ମାର୍ଗରେ ହିଁ ପ୍ଲେନ୍‌ ଇଞ୍ଜିନରେ ଲାଗିଥିଲା ନିଆଁ, ସାମ୍ନାକୁ ଆସିଲା ଭିଡିଓ

ନୂଆଦିଲ୍ଲୀ ୧୬/ ୦୧: ନେପାଳର ପୋଖରାରେ ବିମାନ ଦୁର୍ଘଟଣାର ଘଟି ୭୨ ଜଣଙ୍କ ଜୀବନ ଯିବା ଘଟଣାରେ ସମସ୍ତେ ସ୍ତବ୍ଧ । ଅବତରଣର ମାତ୍ର ୧୦-୧୫ ସେକେଣ୍ଡ ପୂର୍ବରୁ ATR-72 ବିମାନ ଯାନ୍ତ୍ରୀକ ତ୍ରୁଟି କାରଣରୁ ଖସିପଡିଥିଲା । ବିମାନରେ ଥିବା ୬୮ ଯାତ୍ରୀଙ୍କ ସମେତ ୪ ଜଣ କ୍ରୁ ସଦସ୍ୟଙ୍କ ମୃତ୍ୟୁ ହୋଇଥିଲା । ତେବେ କେଉଁ କାରଣ ପାଇଁ ବିମାନଟି ଖସିପଡିଲା ସେ ନେଇ ବର୍ତ୍ତମାନ ସୁଦ୍ଧା କୌଣସି ସ୍ପଷ୍ଟ ସୂଚନା ମିଳିନାହିଁ । ସୋମବାର ବିମାନର ବ୍ଲାକ୍‌ବକ୍ସ ଜବତ କରାଯାଇଛି । ତେବେ ଦୁର୍ଘଟଣା ପରେ ଅନେକ ଗୁଡିଏ ଭିଡିଓ ସାମ୍ନାକୁ ଆସିଥିଲା ।

ସୋମବାର ସାମ୍ନାକୁ ଆସିଥିବା ଭିଡିଓରେ ଦେଖିବାକୁ ମିଳୁଛି ଯେ ବିମାନର ଡାହାଣ ପାର୍ଶ୍ବ ଇଞ୍ଜିନ୍‌ରେ ହଠାତ୍‌ ନିଆଁ ଲାଗିବା କାରଣରୁ ଆକାଶରେ ହିଁ ଜଳିବାକୁ ଲାଗିଥିଲା । ଭିଡିଓରେ ଦେଖାଯାଉଛି କି, ବିମାନ ଇଞ୍ଜିନ୍‌ରେ ନିଆଁ ଲାଗିବା ଫଳରେ ତାହା ନିୟନ୍ତ୍ରଣ ବାହାରକୁ ଚାଲିଯାଉଛି । ପାଇଲଟ୍‌ ରନ୍‌ଓ୍ବେରେ ଅବତରଣ କରିବାକୁ ମଧ୍ୟ ଅକ୍ଷମ ହେଉଛନ୍ତି ଏବଂ ୟେଟି ବିମାନଟି ଏକ ଖୋଲା ସ୍ଥାନରେ ଖସିପଡୁଛି । ତଳେ ପଡିବା କ୍ଷଣି ପ୍ରଚଣ୍ଡ ଶବ୍ଦ ହେବା ସହିତ ଭୀଷଣ ନିଆଁ ଲାଗିଯାଇଥିଲା ।

ବିମାନ କ୍ରାସ୍‌ କରିବାର କିଛି ସମୟ ପୂର୍ବରୁ ଜରୁରୀ ଅବତରଣ ପାଇଁ ଏୟାର ଟ୍ରାଫିକ୍‌ କଣ୍ଟ୍ରୋଲକୁ ଅନୁମତି ମାଗିଥିଲେ ପାଇଲଟ୍‌ । ଅବତରଣ ପାଇଁ ଅନୁମତି ମଧ୍ୟ ମିଳିଥିଲା । କିନ୍ତୁ ପରେ ବିମାନ ଚଳାଚଳ କର୍ତ୍ତୃପକ୍ଷ ଜାଣିବାକୁ ପାଇଥିଲେ ଯେ ବିମାନର ଡାହାଣ ପାର୍ଶ୍ବ ଇଞ୍ଜିନ୍‌ରେ ନିଆଁ ଲାଗିଯାଇଛି ।

ସୂଚନାଯୋଗ୍ୟ ଯେ, ATR-72 ବିମାନ ତ୍ରିଭୁବନ ଅନ୍ତର୍ଜାତୀୟ ବିମାନ ବନ୍ଦରରୁ ରବିବାର ଦିନ ୧୦.୩୩ରେ ଉଡାଣ ଭରିଥିଲା । ପୋଖରା ଏୟାରପୋର୍ଟରେ ଅବତରଣ କରିବାର ମାତ୍ର ୧୦ ସେକେଣ୍ଡ ପୂର୍ବରୁ ହିଁ ଦୁର୍ଘଟଣାର ଶିକାର ହୋଇଥିଲା । ତଳେ ପଡିବା କ୍ଷଣି ବିମାନରେ ଭୀଷଣ ଅଗ୍ନିକାଣ୍ଡ ଘଟିଥିଲା । ମୃତକଙ୍କ ମଧ୍ୟରେ ୫୩ ଜଣ ନେପାଳୀ ଥିବାବେଳେ ୫ ଜଣ ଭାରତୀୟ ଯାତ୍ରୀ, ୪ ଜଣ ଋଷୀୟ ଯାତ୍ରୀ, ୨ ଜଣ କୋରିଆ ଯାତ୍ରୀ, ଜଣେ ଆଫଗାନିସ୍ତାନ ଯାତ୍ରୀ, ଜଣେ ଫ୍ରାନ୍ସ ଯାତ୍ରୀ ଏବଂ ଜଣେ ଇସ୍ରାଏଲ ନାଗରିକ ଥିଲେ । ଏ ନେଇ ବିମାନ ବନ୍ଦର କର୍ତ୍ତୃପକ୍ଷ ସୂଚନା ଜାରି କରିଥିଲେ । ଗୁରୁତ୍ବପୂର୍ଣ୍ଣ କଥା ହେଉଛି ଦୁର୍ଘଟଣାଗ୍ରସ୍ଥ ବିମାନଟି ୪୦ ବର୍ଷ ପୁରୁଣା । ଏତେ ବର୍ଷ ପୁରୁଣା ବିମାନକୁ କିଭଳି ଏବଂ କାହିଁକି ଉଡାଣ ପାଇଁ ଅନୁମତି ମିଳିଥିଲା ସେ ନେଇ ଖୋଳତାଡ ଆରମ୍ଭ ହୋଇଛି ।

wp:html /wp:html

News7 Is Now On WhatsApp Join And Get Latest News Updates Delivered To You Via WhatsApp

Copyright © 2024 - Summa Real Media Private Limited. All Rights Reserved.