PRAMEYA

Prameya News Portal, Prameya Daily, Odisha Latest News, Odisha Current Headlines, Odisha News Online

ପ୍ରମୁଖ ଖବର
  • ଆଠଗଡ : ଆଠଗଡ ଅଂଶୁପା ହ୍ରଦ ନିକଟରୁ କାରରୁ ୧୩୫୫ ଗ୍ରାମର ବ୍ରାଉନସୁଗାର ଜବତ
  • ||
  • ତିଗିରିଆ : ଅଜଣା ଗାଡି ଧକ୍କାରେ ଯୁବକ ଗୁରୁତର, ରାତ୍ରି ପାଟ୍ରୋଲିଂ ବେଳେ ଉଦ୍ଧାର କଲା ପୋଲିସ
  • ||
  • ବଲାଙ୍ଗିର : ରେଲୱେ ଜଙ୍କସନରୁ ୨୫ ଦାଦନ ଶ୍ରମିକ ଉଦ୍ଧାର
  • ||
  • ବଲାଙ୍ଗିର : ପୁତୁରାର ଗୁଳିମାଡ଼ରେ ଖୁଡ଼ୀ ଗୁରୁତର, କାରଣ ଅସ୍ପଷ୍ଟ
  • ||
  • ନିଶ୍ଚିନ୍ତକୋଇଲି : ନଗସପୁର ବଜାରରେ ସିରିଜ୍ ଲୁଟ୍, ୧୬ଟି ଦୋକାନରୁ ଚୋରି କରିନେଲେ ଦୁର୍ବୃତ୍ତ
  • ||

ବରଗଡ଼ ସହରରେ ରହିବନି ପାନୀୟ ଜଳ ସମସ୍ୟା: ନୂଆ ପ୍ରକଳ୍ପ ଉଦ୍‌ଘାଟନ କଲେ ମୁଖ୍ୟମନ୍ତ୍ରୀ

ଭୁବନେଶ୍ୱର,୨୬ ।୨(ବ୍ୟୁରୋ): ବରଗଡ଼ ସହରର ପାନୀୟ ଜଳ ସମସ୍ୟା ଦୂର ହେବ । ଲୋକଙ୍କ ଚାହିଦା ଅନୁସାରେ ମିଳିବ ପାନୀୟ ଜଳ । ମୁଖ୍ୟମନ୍ତ୍ରୀ ନବୀନ ପଟ୍ଟନାୟକ ମଙ୍ଗଳବାର ସଚିବାଳୟରୁ ବରଗଡ଼ ସହର ପାଇଁ ୧୯.୫୦ ମିଲିୟନ ଲିଟର କ୍ଷମତା ବିଶିଷ୍ଟ ପାନୀୟ ଜଳ ପ୍ରକଳ୍ପର ଉଦଘାଟନ କରିଛନ୍ତି । ଏହାଦ୍ୱାରା ଆସନ୍ତା ୧୫ ବର୍ଷ ଯାଏ ସହର ପାନୀୟ ଜଳ ଆବଶ୍ୟକତା ପୂରଣ ହୋଇପାରିବ ।
ଏହି ପ୍ରକଳ୍ପ ପାଇଁ ୩୭.୨୩ କୋଟି ଟଙ୍କା ବିନିଯୋଗ ହୋଇଥିଲା ବେଳେ ସହରର ୧.୨୦ ଲକ୍ଷ ଲୋକ ଉପକୃତ ହେବେ । ବରଗଡ଼ ପଶ୍ଚିମ କେନାଲରୁ ପାଣି ନେଇ ଏ ପ୍ରକଳ୍ପ ପାଣି ଯୋଗାଇବ । ଏଥିପାଇଁ ୪.୧୫ ମିଲିୟନ ଲିଟର ବିଶିଷ୍ଟ ୪ଟି ଜଳାଶୟ ଓ ୧.୮୫ ମିିଲିୟନ କ୍ଷମତାର ୨ଟି ଜଳାଶୟ କରାଯାଇଛି । ରାଜ୍ୟ ସରକାରଙ୍କ ବସୁଧା ଯୋଜନାରେ ଏହି ପ୍ରକଳ୍ପ କାର୍ଯ୍ୟକାରୀ କରାଯାଇଛି । ଏବେ ବରଗଡ଼ ସହର ପାଇଁ ଦୈନିକ ୧୪.୮୨ ମିଲିୟନ ଲିଟର ପାନୀୟ ଜଳ ଆବଶ୍ୟକ ଥିଲା ବେଳେ ୪.୫ ମିଲିୟନ ଲିଟର ପାଣି ଯୋଗାଣ ହେଉଛି । ଏହି ନୂଆ ପ୍ରକଳ୍ପ ସହରର ପାନୀୟ ଜଳ ଚାହିଦା ପୂରଣ କରିପାରିବ ।
ଏହି କାର୍ଯ୍ୟକ୍ରମରେ ବରଗଡ଼ରେ ମନ୍ତ୍ରୀ ନିରଞ୍ଜନ ପୂଜାରୀ, ସାଂସଦ ପ୍ରସନ୍ନ ଆଚାର୍ଯ୍ୟ, ପ୍ରଭାସ ସିଂ, ବିଧାୟକ ଦେବେଶ ଆଚାର୍ଯ୍ୟ ପ୍ରମୁଖ ଉପସ୍ଥିତ ଥିଲା ବେଳେ ସଚିବାଳୟରେ ଉନ୍ନୟନ କମିଶନର ଉପସ୍ଥିତ ଥିଲେ ।

ସମ୍ବନ୍ଧିତ ଖବର