PRAMEYA

Prameya News Portal, Prameya Daily, Odisha Latest News, Odisha Current Headlines, Odisha News Online

ପ୍ରମୁଖ ଖବର
  • ଭୁବନେଶ୍ୱର : ବିଜେବି କଲେଜ ହଷ୍ଟେଲରୁ ଛାତ୍ରୀଙ୍କ ମୃତଦେହ ଉଦ୍ଧାର
  • ||
  • ୨୦୨୨-୨୩ ବଜେଟ୍‌ : ଶିକ୍ଷା ଓ ଦକ୍ଷତା ବିକାଶ କ୍ଷେତ୍ର ପାଇଁ ୨୭,୩୨୪କୋଟି ଟଙ୍କା ଆବଣ୍ଟନ
  • ||
  • ଉଦୟପୁର ହତ୍ୟାକାଣ୍ଡ ଘଟଣା : କୋର୍ଟ ୪ ଅଭିଯୁକ୍ତଙ୍କୁ ୧୦ଦିନର NIA ରିମାଣ୍ଡରେ ପଠାଇଲେ
  • ||
  • ଭୁବନେଶ୍ବର ପରେ କଟକରେ ମାସ୍କ ପିନ୍ଧିବା ବାଧ୍ୟତାମୂଳକ
  • ||
  • ପୁରୀ : ଗୁଣ୍ଡିଚା ମନ୍ଦିର ରୋଷଘର ଚୁଲି ଭାଙ୍ଗିଲେ ଦୁର୍ବୃତ୍ତ, ୨୦ରୁ ଅଧିକ ଚୁଲି ଭାଙ୍ଗି ଥିବା ସୂଚନା
  • ||
  • ଭୁବନେଶ୍ୱର: ବିଧାନସଭାର ମୌସୁମୀ ଅଧିବେଶନ ଆରମ୍ଭ: ପ୍ରଥମ ଦିନରେ ଶୋକ ପ୍ରସ୍ତାବ ପାରିତ, ଆସିବ ପୂର୍ଣ୍ଣାଙ୍ଗ ବଜେଟ୍
  • ||
  • ନୂଆଦିଲ୍ଲୀ; ଫୁଟ୍‌ ଉପରେ ବିମାନ କ୍ୟାବିନରେ ଦେଖିବାକୁ ମିଳିଲା ଧୁଆଁ; ଦିଲ୍ଲୀ ବିମାନବନ୍ଦରରେ ଜରୁରୀକାଳୀନ ଅବତରଣ କଲା ସ୍ପାଇସଜେଟ୍‌
  • ||
  • ଭୁବନେଶ୍ୱର: ୪ରେ ଲଘୁଚାପ, ଆଜିଠୁ ବଢ଼ିବ ବର୍ଷା
  • ||
  • ଚୌଦ୍ୱାର : ଜଗା ଦର୍ଶନ ସାରି ଘରକୁ ଫେରୁଥିବା ବେଳେ ବୋଲେରୋକୁ ପିଟିଲା ଟ୍ରକ: ଜଣେ ମୃତ, ୯ ଗୁରୁତର
  • ||
  • ପୁରୀ: ଦାରୁବ୍ରହ୍ମଙ୍କ ପତିତପାବନ ଯାତ୍ରା: ଆଜି ଜନ୍ମବେଦିକୁ ବିଜେ କରିବେ ଚତୁର୍ଦ୍ଧାମୂର୍ତ୍ତି
  • ||
  • ବାରିପଦା: ଆଜି ଗଡ଼ିବ ଦ୍ୱିତୀୟ ଶ୍ରୀକ୍ଷେତ୍ର ରଥ, ସୁଭଦ୍ରାଙ୍କ ରଥକୁ ଟାଣିବେ ମହିଳା ଶ୍ରଦ୍ଧାଳୁ
  • ||
  • କଟକ: ଆଜିଠୁ ମିଳିତ ପୁଲିସ୍‌ ସେବା ପରୀକ୍ଷା, ୩୪ କେନ୍ଦ୍ରରେ ପରୀକ୍ଷା ଦେବେ ୨୯ ହଜାର ୬୪୪ ପରୀକ୍ଷାର୍ଥୀ
  • ||

ଜୁନ୍‌ ମାସରୁ ରାସନ୍‌ରେ ଆଉ ମିଳିବନି ଗହମ, ୧୦ ମାସ ଯାଏ ରହିବ ବନ୍ଦ : ହୁ ହୁ ବଢ଼ିବ ଅଟା, ସୁଜି ଦର !

କଟକ,୨୨/୦୬: ଆସନ୍ତା ଜୁନ ମାସରୁ ସାଧାରଣ ବଣ୍ଟନ ବ୍ୟବସ୍ଥାରେ ଖାଉଟିଙ୍କୁ ଆଉ ମିଳିବନି ଗହମ । ୨୦୨୩ ମାର୍ଚ୍ଚ ପର୍ଯ୍ୟନ୍ତ ଅର୍ଥାତ ଏବେଠାରୁ ୧୦ ମାସ ଯାଏ ଗହମ ମିଳିବନି । ଖାଉଟିଙ୍କୁ ଗହମ ବଦଳରେ ଚାଉଳ ମିଳିବ । ଅନ୍ୟପକ୍ଷରେ ଏହାର ପ୍ରଭାବରେ ଓଡ଼ିଶାରେ ଅଟା ଆଉ ସୁଜିର ମୂଲ୍ୟବୃଦ୍ଧି ଘଟିବ ବୋଲି ଆଶଙ୍କା କରାଯାଉଛି ।

ଜାତୀୟ ଖାଦ୍ୟ ସୁରକ୍ଷା ଯୋଜନା (ଏନ୍‌ଏଫ୍‌ଏସ୍‌ଏ)ରେ ଜଣେ ଖାଉଟି ଚାଉଳ କି’ ଗହମ ନେବେ ତାହା ସେ ପସନ୍ଦ କରୁଥିଲେ। ଖାଉଟିଙ୍କୁ ମୁଣ୍ଡ ପିଛା ମାସକ ପାଇଁ ୫ କେଜି ଗହମ ମିଳିଥାଏ । କେନ୍ଦ୍ର ସରକାରଙ୍କ ପକ୍ଷରୁ ଏହି ଗହମ ଯୋଗାଣ ହେଉଥିଲା । କିନ୍ତୁ କେନ୍ଦ୍ର ସରକାରଙ୍କ ପକ୍ଷରୁ ଏକ ବିଜ୍ଞପ୍ତି ଜରିଆରେ ଓଡ଼ିଶାକୁ ଆସନ୍ତା ଜୁନ୍‌ରୁ ଆଉ ଗହମ ଯୋଗାଣ କରାଯିବ ନାହିଁ ବୋଲି ସ୍ପଷ୍ଟ କରାଯାଇଛି । ଓଡ଼ିଶାକୁ ଖାଦ୍ୟ ସୁରକ୍ଷା ଯୋଜନାରେ ପ୍ରାୟ ୪ ଲକ୍ଷ କୁଇଣ୍ଟାଲ ଗହମ ଆସିଥାଏ । କେବଳ କଟକ ଜିଲ୍ଲାକୁ ୨୯ ହଜାର କୁଇଣ୍ଟାଲ ଗହମ ଯୋଗାଣ ହୋଇଥାଏ । ବର୍ତ୍ତମାନ ପରିପ୍ରେକ୍ଷୀରେ ଏହି ଗହମ ଯୋଗାଣ ବନ୍ଦ ହୋଇଗଲେ ସେତିକି ପରିମାଣର ଗହମ ବା ଅଟା ଖୋଲା ବଜାରରୁ ଉଠିବ । ଫଳରେ ଏହାର ପ୍ରଭାବରେବଜାରରେ ଅଟା ଏବଂ ସୁଜିର ଦର ହୁହୁ ହୋଇ ବଢିବାର ଆଶଙ୍କା ଦେଖାଦେଇଛି ।

ଏ ସମ୍ପର୍କରେ କଟକ ବଣିକ ସଂଘର ଯୁଗ୍ମ ସମ୍ପାଦକ ପ୍ରଶାନ୍ତ ପାତ୍ର କହିଛନ୍ତି, ଏହାର ପ୍ରଭାବ ନିଶ୍ଚିତ ଭାବରେ ଓଡ଼ିଶା ଖାଉଟି ବଜାର ଉପରେ ପଡ଼ିବ । ଏବେ ପୂର୍ବାପେକ୍ଷା ଓଡ଼ିଶାରେ ଗହମ ତଥା ଅଟାର ଚାହିଦା ବଢିଛି । କିନ୍ତୁ ଯେତିକି ଅଟା ଲୋକେ ଖାଉଥିଲେ ସେଥିରୁ କିଛି ଅଟା ସରକାରୀ ଯୋଗାଣ ଦ୍ୱାରା ପୂରଣ ହେଉଥିଲା । କିନ୍ତୁ ଏବେ ସେହି ସ୍ଥାନ ଖୋଲା ବଜାର ନେବ । ଯଦିଓ କିଛି ଲୋକ ଗହମ ନ ମିଳିବା କାରଣରୁ ଭାତ ଖାଇବାକୁ ପସନ୍ଦ କରିବେ କିନ୍ତୁ ସେମାନଙ୍କ ସଂଖ୍ୟା ନିଶ୍ଚୟ କମ୍‌ ରହିବ । ଫଳରେ ବଜାରରେ ଗହମରୁ ପ୍ରସ୍ତୁତ ଅଟା ଏବଂ ସୁଜିର ମୂଲ୍ୟରେ ନିଶ୍ଚିତ କିଛି ପରିମାଣର ବୃଦ୍ଧି ଘଟିବ ।

ଏ ସମ୍ପର୍କରେ କଟକ ଜିଲ୍ଲାର ଅତିରିକ୍ତ ଯୋଗାଣ ଅଧିକାରୀ ଜ୍ଞାନେନ୍ଦ୍ରିୟ ମିଶ୍ର କହିଛନ୍ତି, କେନ୍ଦ୍ର ଗହମ ଯୋଗାଣ ବନ୍ଦ କରିଦେବା ଫଳରେ ଏହାର ପ୍ରଭାବ ନିଶ୍ଚିତ ଭାବରେ ବଜାର ଉପରେ ପଡ଼ିବ । କିନ୍ତୁ ଏହା ଉପରେ ପ୍ରଶାସନର ନଜର ରହିବ । ବଜାରରେ ଯେପରି ମନମୁଖି ଭାବେ ବ୍ୟବସାୟୀ ମୂଲ୍ୟ ଧାର୍ଯ୍ୟ ନ କରନ୍ତି ବା ଖାଉଟିଙ୍କୁ ଶୋଷଣ ନ କରନ୍ତି ସେଥିପ୍ରତି ବିଶେଷ ପଦକ୍ଷେପ ନିଆଯିବ ।