ନୂଆଦିଲ୍ଳୀ,୨୩।୧୨: ଦିଲ୍ଲୀରେ ପ୍ରଦୂଷଣ ସଙ୍କଟର ମୁକାବିଲ ପାଇଁ ଗୋଟିଏ ପରେ ଗୋଟିଏ ନିଷ୍ପତ୍ତି ନିଆଯାଉଛି। ସରକାର ଏକ ବଡ଼ ଘୋଷଣା କରିଛନ୍ତି। ବିଜେପି ସରକାର ନିଷ୍ପତ୍ତି ନେଇଛନ୍ତି ଗ୍ରାପ୍-୪ ହଟିବା ପରେ ମଧ୍ୟ ପେଟ୍ରୋଲ-ଡିଜେଲକୁ ନେଇ ଶକ୍ତ ନିୟମ ଲାଗୁ ରହିବ। ପରିବେଶମନ୍ତ୍ରୀ ମନଜିନ୍ଦର ସିଂହ ସିରସା ମଙ୍ଗଳବାର ଏହାର ଘୋଷଣା କରି କହିଛନ୍ତି, ପିୟୁସି ନାହିଁ ତ, ତେଲ ନାହିଁ। ନିୟମ ବଜାୟ ରହିବା ଦରକାର।
ପରିବେଶ ମନ୍ତ୍ରୀ ମନଜିନ୍ଦର ସିଂହ ସିରସା ସାମ୍ବାଦିକ ସମ୍ମିଳନୀ ବେଳେ ଦିଲ୍ଲୀ ସରକାରଙ୍କ ପକ୍ଷରୁ ନିଆଯାଇଥିବା ପଦକ୍ଷେପ ଉପରେ ସୂଚନା ଦେଇ କହିଛନ୍ତି, ପିୟୁସି ନିୟମ ଜାରି ରଖିବାର ଘୋଷଣା କରିଥିଲେ। ସେ କହିଛନ୍ତ, ଗ୍ରାପ୍-୪ ହଟିବା ପରେ ମଧ୍ୟ ଦିଲ୍ଲୀରେ ଆଣ୍ଟି-ପଲ୍ୟୁସନ୍ ଉପାୟ ଜାରି ରଖାଯିବ ଓ ବୈଧ ପିୟୁସି(ପଲ୍ୟୁସନ୍ ଅଣ୍ଡର କନଟ୍ରୋଲ) ସାର୍ଟିଫିକେଟ୍ ବିନା ବାହନ ଚଳାଇବାର ଅନୁମତି ଦିଆଯିବନି।
ବଢୁଥିବା ପ୍ରଦୂଷଣ ଉପରେ ନିୟନ୍ତ୍ରଣ ପାଇଁ ବହୁ ଉପାୟାର ଘୋଷଣା କରି ଦିଲ୍ଳୀ ସରକାର ୧୮ ଡିସେମ୍ବରରୁ ପିୟୁସି ଥିବା ନିୟମ ଲାଗୁ କରିଦେଇଥିଲେ। ନିର୍ଦେଶରେ କୁହାଯାଇଥିଲା ପିୟୁସିର କୌଣସି ବାହନକୁ ଫୁଏଲ ଦିଆନଯାଉ। ମନ୍ତ୍ରୀଙ୍କ କହିବା ଅନୁସାରେ, ନିରୀକ୍ଷଣ ସାମନାକୁ ଆସିଛି, ବହୁ ପିୟୁସି ପ୍ରମାଣପ୍ରତ କେନ୍ଦ୍ରରୁ ପରିଚାଳିତ ହେଉନଥିଲା। ସେଭଳି ୧୨ କେନ୍ଦ୍ରରେ ଉପକରଣ ଖରାପ ମିଳିଛି। ସିରସା କହିଛନ୍ତି, ଏହି କେନ୍ଦ୍ରକୁ ନିଲମ୍ବିତ କରି ଦିଆଯିବ ଓ ତାଙ୍କୁ ନୋଟିସ୍ ଜାରି କରାଯାଇଛି।
