ନୂଆଦିଲ୍ଲୀ,୧୦।୩; ପୁଲଓ୍ବାମା ଆତଙ୍କବାଦୀ ଆକ୍ରମଣ ପରେ ସାରା ବିଶ୍ବ ପାକିସ୍ତାନକୁ ବିରୋଧ କରୁଛି। ଗତ କିଛି ଦିନ ହେବ ଲଣ୍ଡନରେ ମଧ୍ୟ ଭାରତୀୟମାନେ ପାକିସ୍ତାନୀଙ୍କୁ ବିରୋଧ କରିଥିଲେ। ଏବେ ଖବର ଶୁଣିବାକୁ ମିଳୁଛି ଯେ ବିରୋଧ ପ୍ରଦର୍ଶନରେ ରାଗି ପାକିସ୍ତାନର ଆଇଏସ୍ଆଇ ଖଲିସ୍ତାନୀ ସମର୍ଥକଙ୍କ ସହ ହାତ ମିଶାଇ ଦେଇଛି। ଗତକାଲି ମଧ୍ୟାହ୍ନରେ  ଲଣ୍ଡନର ଖଲିସ୍ତାନର ସମର୍ଥକମାନେ କିଛି ଭାରତୀୟଙ୍କ ଉପରେ ଆକ୍ରମଣ କରିଥିଲେ।

{"id":6980,"width":748,"height":498}

ଲଣ୍ଡନରେ ଥିବା ଭାରତୀୟ ଦୂତାବାସ ବାହାରେ କିଛି ଭାରତୀୟ ନିଜ କାମ ପାଇଁ ଏକାଠି ହୋଇଥିଲେ। ସେ ସମୟରେ ଖଲିସ୍ତାନୀ ସମର୍ଥକ ସେଠାରେ ପହଁଞ୍ଚି ଭାରତ ବିରୋଧୀ ସ୍ଲୋଗାନ ଦେବା ସହ ଭାରତୀୟଙ୍କ ଉପରେ ଆକ୍ରମଣ କରିଥିଲେ। ଉଲ୍ଳେଖନୀୟ ଯେ ଖଲିସ୍ତାନୀ ସମର୍ଥକଙ୍କୁ ପାକିସ୍ତାନର ଆଇଏସ୍ଆଇ ନିକଟରୁ ସମର୍ଥନ ମିଳିଥାଏ। ନିକଟରେ ପୁଲଓ୍ବାମା ଆତଙ୍କବାଦୀ ଆକ୍ରମଣକୁ ନେଇ ଖୁବ୍ ସମାଲୋଚନାର ପାତ୍ର ପାଲଟିଥିବା ପାକିସ୍ତାନ ଏବେ ନିଜର ସମର୍ଥକଙ୍କ ଜରିଆ​‌ରେ ଭାରତୀୟଙ୍କ ଉପରେ ଆକ୍ରମଣ କରୁଛି।