‘ମୁଁ ଭାବୁନାହିଁ ପ୍ରଧାନମନ୍ତ୍ରୀ ମୋଦୀଙ୍କ ବ୍ୟତିତ ଅନ୍ୟ କୌଣସି ରାଜନେତା ମତେ ମନ୍ତ୍ରୀ କରିଥାଆନ୍ତେ’: ଏସ.ଜୟଶଙ୍କର

ପୁଣେ,୨୯/୦୧: ଭାରତର ବୈଦେଶିକ ମନ୍ତ୍ରୀ ଏସ.ଜୟଶଙ୍କର ଶନିବାର ପୁଣେର ଏକ କାର୍ଯ୍ୟକ୍ରମରେ କହିଥିଲେ ଯେ,’ ପ୍ରଧାନମନ୍ତ୍ରୀ ମୋଦୀଙ୍କ ବ୍ୟତିିତ ଅନ୍ୟ କୌଣସି ରାଜନେତା ମତେ ମନ୍ତ୍ରୀ କରିଥାଆନ୍ତେ, ତାହା ମୁଁ ବିଶ୍ବାସ କରିପାରୁନାହିଁ’। ପୁଣେରେ ତାଙ୍କ ପୁସ୍ତକ “(The India Way: Strategies for an Uncertain World)ର ମରାଠୀ ଅନୁବାଦ ପ୍ରକାଶନରେ ଜୟଶଙ୍କର କହିଛନ୍ତି ଯେ ବୈଦେଶିକ ସଚିବ ହେବା ତାଙ୍କର ଇଚ୍ଛାଥିଲା। ସୂଚନାଥାଉକି, ମନ୍ତ୍ରୀ ହେବା ପୂର୍ବରୁ ଏସ ଜୟଶଙ୍କର ବୈଦେଶିକ ବ୍ୟାପାର ମନ୍ତ୍ରଣାଳୟରେ ବୈଦେଶିକ ସଚିବ ଭାବରେ କାର୍ଯ୍ୟ କରିସାରିଛନ୍ତି।

ଜୟଶଙ୍କର କହିଛନ୍ତି ଯେ,’ବୈଦେଶିକ ସଚିବ ହେବା, ସ୍ପଷ୍ଟ ଭାବରେ ମୋ ଅଭିଳାଶ ଭିତରେ ସିମିତ ଥିଲା।’ ମୁଁ କେବେ ବି ମନ୍ତ୍ରୀ ହେବା ପାଇଁ ସ୍ବପ୍ନରେ ବି ଭାବିନଥିଲି।’ ତେବେ ପ୍ରଧାନମନ୍ତ୍ରୀ ମୋଦୀଙ୍କ ବ୍ୟତିତ ଅନ୍ୟ କୌଣସି ରାଜନେତା ମତେ ମନ୍ତ୍ରୀ କରିପାରି ଥାଆନ୍ତେ ବୋଲି ମୁଁ ବିଶ୍ବାସ କରିପାରୁନାହିଁ।’ ଯଦି ମୋଦୀ ପ୍ରଧାନମନ୍ତ୍ରୀ ହୋଇନଥାଆନ୍ତେ, ତେବେ ରାଜନୀତିରେ ପ୍ରବେଶ କରିବା ପାଇଁ ମୋ ଭିତରେ ସାହାସ ଜନ୍ମି ଥାଆନ୍ତା କି ନାହିଁ ତାହା ମୁଁ ଜାଣେ।’

ସୁଷମା ସ୍ବରାଜଙ୍କୁ ନେଇ ଦେଲେ ଏଭଳି ପ୍ରତିକ୍ରିୟା:

ପୂର୍ବତନ ବୈଦେଶିକ ମନ୍ତ୍ରୀ ସୁଷମା ସ୍ବରାଜଙ୍କ ସହିତ କାମ କରିବାର ଅଭିଜ୍ଞତାକୁ ନେଇ ଏସ ଜୟଶଙ୍କର କହିଥିଲେ ଯେ,’ ଆମ ପାଖରେ ସଷମା ସ୍ମରାଜଙ୍କ ଭଳି ଜଣେ ଭଲ ମନ୍ତ୍ରୀ ଥିଲେ, ତାଙ୍କ ସହିତ ବ୍ୟକ୍ତିଗତ ଭାବରେ କାମ କରିବାର ଅଭିଜ୍ଞତା ଭଲ ଥିଲା। ସେ ମନ୍ତ୍ରୀ ଥିବା ବେଳେ ମୁଁ ସଚିବ ଥିଲି, ତେବେ ତାଙ୍କ ସହିତ କାମ କରି ଭଲ ଅଭିଜ୍ଞତା ଲାଭ କରିଛି।’

ଏହି ଖବର ମଧ୍ୟ ପଢ଼ନ୍ତୁ: ଅନ୍ତିମ ପର୍ଯ୍ୟାୟରେ ‘ଭାରତ ଯୋଡ଼ୋ ଯାତ୍ରା’; ସଂରକ୍ଷିତ ବର୍ଗ ଉପରେ କଂଗ୍ରେସର ନଜର!