PRAMEYA

Prameya News Portal, Prameya Daily, Odisha Latest News, Odisha Current Headlines, Odisha News Online

ପ୍ରମୁଖ ଖବର
  • ଲେଖକ ସଲମାନ ରୁଶଦୀଙ୍କୁ ଆକ୍ରମଣ , ପଶ୍ଚିମ ନ୍ୟୁୟର୍କର ଏକ କାର୍ଯ୍ୟକ୍ରମରେ ମଞ୍ଚ ଉପରେ ଭାଷଣ ଦେଇଥିବା ବେଳେ ଛୁରାମାଡ଼ , ରକ୍ତ ଜୁଡୁବୁଡୁ ଅବସ୍ଥାରେ ହସ୍ପିଟାଲରେ ଭର୍ତ୍ତି
  • ||
  • ଲକ୍ଷ୍ନୌ : ସ୍ୱାଧିନତା ଦିବସ ପୂର୍ବରୁ ୟୁପି ଏଟିଏସ୍‌କୁ ବଡ଼ ସଫଳତା । ସହାରନପୁରରୁ ଦୁଇ ଆତଙ୍କବାଦୀଙ୍କୁ କଲା ଗିରଫ । ସ୍ୱାଧିନତା ଦିବସରେ ବଡ଼ ହମଲା କରିବାର ଯୋଜନା କରୁଥିଲେ
  • ||
  • କୋଏମ୍ବାଟୁର : ବେଙ୍ଗାଲୁରରୁ ମାଳଦ୍ୱୀପର ମାଲେ ଯାଉଥିବା ଗୋ ଫାଷ୍ଟ ବିମାନର ଜରୁରୀ ଅବତରଣ, ୯୨ ଯାତ୍ରୀଙ୍କୁ ନେଇ ଯାଉଥିବାବେଳେ ତାତି ଗଲା ଇଞ୍ଜିନ
  • ||
  • ଉଦୟପୁର : ଉଦୟପୁର କହ୍ନୈୟାଲାଲ ହତ୍ୟାକାଣ୍ଡରେ କଥିତ ଷଡ଼ଯନ୍ତ୍ରକାରୀ ମୁସ୍ଲିମ୍ ଖାନକୁ ଗିରଫ କଲା ଏଏନଆଇ
  • ||
  • ଅନନ୍ତନାଗ : ଜମ୍ମୁ-କଶ୍ମୀରର ଅନନ୍ତାଗରେ ପୁଲିସ୍ ଓ ସିଆରପିଏଫ ଯବାନଙ୍କ ମଳିତ ପାର୍ଟି ଉପରେ ଆତଙ୍କବାଦୀ ଆକ୍ରମଣ, ଆହତ ପୋଲିସ କର୍ମୀ ହସ୍ପିଟାଲରେ ଭର୍ତ୍ତି
  • ||
  • ନୂଆଦିଲ୍ଲୀ : ଭାରତୀୟ ବାୟୁସେନାର ଏକ ଦଳ ମାଲେସିଆ ଗସ୍ତରେ ଯାଇଛନ୍ତି, ଏହି ଦଳ ଦୁଇଦେଶ ମଧ୍ୟରେ ଦ୍ବିପାକ୍ଷୀକ ଯୁଦ୍ଧାଭ୍ୟାସକୁ ନେଇ ଆୟୋଜିତ କାର୍ଯ୍ୟକ୍ରମ ‘ଉଦାରଶକ୍ତି’ରେ ଭାଗ ନେବେ
  • ||
  • ମୋହନା : ସଂଗଠନ ଛାଡ଼ିଥିବା ମାଓବାଦୀ ପ୍ରଫୁଲ୍ଲ ପରିଚ୍ଛାକୁ ଗିରଫ କଲା ଅଡ଼ବା ପୋଲିସ, ଥାନାରେ ରହିଛି ୭ ମାମଲା
  • ||
  • ବୌଦ୍ଧ : ବୌଦ୍ଧ ୫୭ନଂ ଜାତୀୟ ଖୁଣ୍ଟବନ୍ଧ ଛକ ନିକଟରେ ମର୍ମନ୍ତୁଦ ସଡ଼କ ଦୁର୍ଘଟଣା, ୨ ମୃତ
  • ||
  • ଭୁବନେଶ୍ବର : ପିପିଲି ଟୋଲ ପ୍ଲାଜା ନିକଟରେ ଓଲଟିଲା ବସ୍, ଜଣେ ମୃତ ଓ ୨୦ଆହତ
  • ||
  • ନୟାଗଡ଼ : ବାଘ ଶୀକାର କରି ଫଟୋ ଉଠାଇବା ପଡ଼ିଲା ମହଙ୍ଗା, ୫ ବର୍ଷ ପରେ ଧରାପଡ଼ିଲା ବାଘ ଶିକାରୀ
  • ||
  • ବାରିପଦା : ସୁବର୍ଣ୍ଣରେଖା ଓ ଦେଓ ଜଳସେଚନ ପ୍ରକଳ୍ପ ଲୋକାର୍ପଣ କଲେ ମୁଖ୍ୟମନ୍ତ୍ରୀ, ୨୭ ହଜାର ହେକ୍ଟରରୁ ଉର୍ଦ୍ଧ୍ଵ ଜମିକୁ ମିଳିବ ଜଳସେଚନ ସୁବିଧା
  • ||
  • ଉଦଳା : ଉଦଳା ଏନଏସି ଅଧୀନ ୱାର୍ଡ ନମ୍ବର ୩ରେ ଥିବା ଅଙ୍ଗନବାଡି କେନ୍ଦ୍ରରେ କୃମି ଔଷଧ ଖାଇ ଶିଶୁ ପୁତ୍ର ଗୁରୁତର , ଡାକ୍ତରଖାନାରେ ଭର୍ତ୍ତି
  • ||
  • ସମ୍ବଲପୁର : ହୀରାକୁଦର ତଳମୁଣ୍ଡରେ ବନ୍ୟା ପରିସ୍ଥିତି ସୃଷ୍ଟି ସମ୍ଭାବନା, ସତର୍କ ସୂଚନା ଜାରି କଲା ପ୍ରଶାସନ
  • ||
  • ପାଟଣା : ଘର ଉପରେ ମାଡ଼ି ବସିଲା ବିରାଟକାୟ ବଉଳ ବୃକ୍ଷ, ଅଳ୍ପକେ ବର୍ତ୍ତିଲେ ପରିବାର ଲୋକ
  • ||
  • ପୁରୀ : ଶ୍ରୀମନ୍ଦିରରେ ଗହ୍ମା ପୂର୍ଣ୍ଣିମା ଉତ୍ସବ, ବୀରଡୋରିରେ ଦୁଇ ଭାଇଙ୍କ ହାତରେ ୬ ଥାକିଆ ରାକ୍ଷୀ ବାନ୍ଧିଲେ ଭଉଣୀ ସୁଭଦ୍ରା
  • ||
  • ପାଟଣା : ଚୋରାଚାଲାଣ ବେଳେ ମାଡ଼ିବସିଲା ବନ ବିଭାଗ, ଶାଳ କାଠ ବୋଝେଇ ସ୍କର୍ପିଓ ଜବତ
  • ||
  • ଜଳେଶ୍ଵର : ବିପଦ ସଂକେତ ଉପରେ ପ୍ରବାହିତ ହେଉଛି ଜଳକା, ବନ୍ୟା ଆଶଙ୍କା
  • ||
  • ଭଦ୍ରକ : ଫୁଲୁଛି ବୈତରଣୀ ଓ ସାଳନ୍ଦୀ, ହଦଗଡ଼ ଡ୍ୟାମ୍‌ରୁ ୨ଟି ଗେଟ୍ ଦେଇ ହେଉଛି ବନ୍ୟାଜଳ ନିଷ୍କାସନ
  • ||

ଭାରତ ହାତରେ ଉପଗ୍ରହ ବିଧ୍ୱଂସୀ ମିସାଇଲ

source:www.deccanchronicle.com

ନୂଆଦିଲ୍ଲୀ,୨୭ ।୩(ଏଜେନ୍ସି): ଭାରତ ବୁଧବାର ପ୍ରତିରକ୍ଷା ଏବଂ ମହାକାଶୀୟ ପ୍ରଯୁକ୍ତି ବିଦ୍ୟାରେ ଏକ ଉଲ୍ଲେଖନୀୟ ସଫଳତା ହାସଲ କରିଛି । ଭାରତ ପ୍ରଥମ ଥର ପାଇଁ ସ୍ୱଦେଶୀ ଜ୍ଞାନକୌଶଳରେ ବିକଶିତ ଉପଗ୍ରହ ବିଧ୍ୱଂସୀ କ୍ଷେପଣାସ୍ତ୍ର ପ୍ରଣାଳୀ (ଆଣ୍ଟି-ସାଟେଲାଇଟ ମିସାଇଲ ସିଷ୍ଟମ)ର ସଫଳ ପରୀକ୍ଷଣ କରିଛି । ଭାରତ ଦ୍ୱାରା ଓଡ଼ିଶା ଉପକୂଳ (ବାଲେଶ୍ୱରରେ ଥିବା ମିସାଇଲ ପରୀକ୍ଷଣ କେନ୍ଦ୍ର)ରୁ ଛଡା ଯାଇଥିବା ଏକ ମିସାଇଲ ପୃଥିବୀ ପୃଷ୍ଠ ଠାରୁ ୩୦୦ କିମି ଉଦ୍ଧ୍ୱର୍ରେ ଅବସ୍ଥାପିତ ଏକ ଉପଗ୍ରହକୁ ଧ୍ୱଂସ କରିଛି । ଏପରି ଟେକ୍ନୋଲୋଜି ହାସଲ କରିବାରେ ଭାରତ ହେଉଛି ବିଶ୍ୱର ଚତୁର୍ଥ ଦେଶ । ଆଜି ପ୍ରଧାନମନ୍ତ୍ରୀ ନରେନ୍ଦ୍ର ମୋଦି ରାଷ୍ଟ୍ରକୁ ସମ୍ବୋଧନ କରି ଏହି ପରୀକ୍ଷଣ ସମ୍ପର୍କରେ ଘୋଷଣା କରିଥିଲେ । ମୋଦି ପ୍ରଥମେ ଟ୍ୱିଟ୍‌ କରି ଦିନ ୧୧ଟା ୪୫ରୁ ୧୨ଟା ଭିତରେ ଏକ ମହତ୍ତ୍ୱପୂର୍ଣ୍ଣ ଘୋଷଣା କରିବେ ବୋଲି ସୂଚନା ଦେଇଥିଲେ । ସେ କିନ୍ତୁ ଏହି ଘୋଷଣା କରିବାରେ ସାମାନ୍ୟ ବିଳମ୍ବ କରିଥିଲେ ଏବଂ ୧୨ଟା ୧୦ରେ ଏସମ୍ପର୍କରେ ବିବୃତି ଦେଇଥିଲେ ।

ମୋଦି କହିଥିଲେ କି ପ୍ରତ୍ୟେକ ଦେଶର ଚଲାପଥରେ ଏଭଳି ସମୟ ଆସେ ଯାହା ସମସ୍ତଙ୍କୁ ଗୌରବାନ୍ୱିତ କରେ ଏବଂ ଆଗାମୀ ପିଢ଼ି ଉପରେ ବି ସକାରାତ୍ମକ ପ୍ରଭାବ ପକାଏ । ଭାରତ ପାଇଁ ଆଜି ଏଭଳି ଏକ ସମୟ ଆସିଛି । ଆଜି ଭାରତ ଦ୍ୱାରା ପ୍ରସ୍ତୁତ ଏକ ମିସାଇଲ ୩୦୦ କିମି ଦୂରରେ ପୃଥିବୀର ନିମ୍ନ କକ୍ଷରେ ଅବସ୍ଥାପିତ ଏକ ଉପଗ୍ରହକୁ ସଫଳତାର ସହ ନଷ୍ଟ କରିଦେଇଛି । ଆମେରିକା, ରୁଷ ଓ ଚୀନ୍‌ ପରେ ଭାରତ ଏଭଳି ଅସ୍ତ୍ର ନିର୍ମାଣ କରିବାରେ ହେଉଛି ଚତୁର୍ଥ ଦେଶ । ଏହି ପ୍ରକଳ୍ପକୁ ମିଶନ ଶକ୍ତି ଭାବେ ଅବିହିତ କରି ମୋଦି ଏହା ସହିତ ଜଡିତ ଡିଆରଡିଓ ଏବଂ ଇସ୍ରୋର ବୈଜ୍ଞାନିକମାନଙ୍କୁ ଶୁଭେଚ୍ଛା ଜଣାଇଥିଲେ । ସେ ମଧ୍ୟ କହିଥିଲେ କି ମିଶନ ଶକ୍ତି ଏକ ଜଟିଳ ପ୍ରକ୍ରିୟା ଥିଲା । ଅତି କମ ସମୟରେ ଏବଂ ସଠିକତାର ସହ ମିଶନର ଲକ୍ଷ୍ୟ ହାସଲ କରାଯାଇଥିଲା । ଏହା ମହାକାଶ ପ୍ରଯୁକ୍ତି ବିଦ୍ୟାରେ ଭାରତର ପ୍ରଗତିକୁ ଦର୍ଶାଉଛି । ସେ ମଧ୍ୟ ସ୍ପଷ୍ଟ କରିଥିଲେ କି ଭାରତ ଏହି ପରୀକ୍ଷଣ କରି କୌଣସି ପ୍ରକାର ଆନ୍ତର୍ଜାତିକ ଚୁକ୍ତିର ଉଲ୍ଲଂଘନ କରିନାହିଁ କି ଏହା କୌଣସି ଦେଶ ପାଇଁ ଅଭିପ୍ରେତ ନୁହେଁ । ଏହା କେବଳ ଭାରତର ସୁରକ୍ଷା ମଜଭୁତ୍‌ କରିବା ପାଇଁ ଉଦ୍ଦିଷ୍ଟ ।

ମୋଦିଙ୍କ ଏହି ଘୋଷଣା ପରେ ଅନେକ ରାଜନେତା, ପ୍ରତିରକ୍ଷା ବିଶେଷଜ୍ଞ, ବୈଜ୍ଞାନିକ ଏବଂ ପୂର୍ବତନ ସେନା ଅଧିକାରୀ ଏହାର ସ୍ୱାଗତ କରିଥିଲେ । ସରକାର ଏବଂ ବିଜେପି ସହ ସମ୍ପର୍କିତ ନେତାମାନେ ଏପରି ପଦକ୍ଷେପର ଭୂୟସୀ ପ୍ରଶଂସା କରିଥିଲେ । ବିରୋଧୀ ଦଳନେତାମାନେ ଏହାର ସ୍ୱାଗତ କରିଥିଲେ କିନ୍ତୁ ଏଥିପାଇଁ ଶ୍ରେୟ ବୈଜ୍ଞାନିକମାନଙ୍କୁ ଦେଇଥିଲେ । ମୋଦି ସରକାର ଏଥିପାଇଁ ଶ୍ରେୟ ନେବାକୁ ଉଦ୍ୟମ କରିବା ଉଚିତ୍‌ ନୁହେଁ ବୋଲି ସେମାନେ ମତ ଦେଇଥିଲେ । ସେମାନେ ମଧ୍ୟ ଅଭିଯୋଗ କରିଥିଲେ କି ମୋଦି ସରକାର ଆଗାମୀ ନିର୍ବାଚନକୁ ପ୍ରଭାବିତ କରିବା ଲକ୍ଷ୍ୟରେ ଏପରି କରିଛନ୍ତି । ଏହାକୁ ନେଇ କିଛି ବିରୋଧୀ ଦଳ ନେତା ନିର୍ବାଚନ କମିଶନଙ୍କ ନିକଟରେ ଅଭିଯୋଗ ବି କରିଛନ୍ତି ଏବଂ ଏହାପରେ କମିଶନ ଏନେଇ ସରକାରଙ୍କ ଠାରୁ ପ୍ରଧାନମନ୍ତ୍ରୀଙ୍କ ଭାଷଣର ଲିଖିତ ବିବରଣୀ ମଗାଇଛନ୍ତି ।

କଂଗ୍ରେସ ଅଧ୍ୟକ୍ଷ ରାହୁଲ ଗାନ୍ଧୀ ପରୀକ୍ଷଣର ପ୍ରଶଂସା କରିଥିଲେ ମଧ୍ୟ ମୋଦିଙ୍କୁ ‘ ହାପି ୱାଲର୍ଡ ଥିଏଟର ଡେ’ ବୋଲି କହି କଟାକ୍ଷ କରିଛନ୍ତି । ଅର୍ଥାତ୍‌ ସେ ପରୋକ୍ଷରେ ମୋଦିଙ୍କ ଘୋଷଣାକୁ ଏକ ଡ୍ରାମା ବୋଲି ଅଭିହିତ କରିଛନ୍ତି । ପରେ ବିଜେପି ଅଧ୍ୟକ୍ଷ ଅମିତ ଶାହ ଏବଂ ଅରୁଣ ଜେଟଲୀ ଏଥିପାଇଁ ରାହୁଲଙ୍କୁ ତୀବ୍ର ଭର୍ତ୍ସନା କରିଛନ୍ତି । ରାହୁଲଙ୍କୁ ସବୁ କିଛି ଡ୍ରାମା ଭଳି ଲାଗୁଛି ବୋଲି ଶାହ ମତ ଦେଇଛନ୍ତି । କଂଗ୍ରେସ ମଧ୍ୟ ଆଜିର ପରୀକ୍ଷଣ ପାଇଁ ଶ୍ରେୟ ନେବାକୁ ଉଦ୍ୟମ କରିଛି । ଦଳର ନେତା ଅହମ୍ମଦ ପଟେଲ କହିଛନ୍ତି କି ଉପା ସରକାର ଏହି ପ୍ରକଳ୍ପକୁ ଆରମ୍ଭ କରିଥିବାରୁ ଆଜି ଏହା ସମ୍ଭବପର ହୋଇପାରିଛି । ମନମୋହନ ସରକାରଙ୍କ ଦୂରଦୃଷ୍ଟି ଯୋଗୁ ଭାରତ ଆଜି ଏଭଳି ସଫଳତା ହାସଲ କରିଛି । କିନ୍ତୁ ଡିଆରଡିଓର ପୂର୍ବତନ ମୁଖ୍ୟ ଭି କେ ସାରସ୍ୱତ ଖୁଲାସା କରିଛନ୍ତି କି ଉପା ସରକାର ଏଭଳି ପରୀକ୍ଷଣ ପାଇଁ ଅନୁମତି ଦେଇନଥିଲେ । ତେଣୁ ମୋଦି ସରକାର ହିଁ ଏଥିପାଇଁ ଶ୍ରେୟ ନେବାକୁ ହକ୍‌ଦାର ।

ଅନ୍ୟପଟରେ ପାକିସ୍ତାନରେ ଏହାକୁ ନେଇ ଭୂକମ୍ପ ସୃଷ୍ଟି ହୋଇଛି । ପାକ୍‌ ପ୍ରଧାନମନ୍ତ୍ରୀ ଇମ୍ରାନ ଖାନ ଆଜି ଏକ ଜରୁରୀକାଳୀନ ବୈଠକ ଡକାଇ ଏହି ବିଷୟରେ ଚର୍ଚ୍ଚା କରିଛନ୍ତି । ପାକ୍‌ ସେନା ଏବଂ ଆଇଏସଆଇ ମୁଖ୍ୟ ସେହି ବୈଠକରେ ଉପସ୍ଥିତ ଥିଲେ । ପାକିସ୍ତାନ ମଧ୍ୟ ଏହି ଘଟଣାର ନିନ୍ଦା କରିବାକୁ ଆନ୍ତର୍ଜାତିକ ସମୁଦାୟଙ୍କୁ ଆହ୍ୱାନ କରିଥିଲାବେଳେ ଚୀନ୍‌ କିନ୍ତୁ ମାପିଚୁପି ପ୍ରତିକ୍ରିୟା ଦେଇଛି । ସବୁ ଦେଶ ମହାକାଶରେ ସ୍ଥିରତା ବଜାୟ ରଖିବାକୁ ଉଦ୍ୟମ କରିବା ଉଚିତ୍‌ ବୋଲି ଚୀନ୍‌ କହିଛି ।

ସମ୍ବନ୍ଧିତ ଖବର