ନୂଆଦିଲ୍ଲୀ,୦୬/୦୨; ମାଷ୍ଟରସେଫ୍ ଇଣ୍ଡିଆରେ ଓଡ଼ିଆ ଛୁଙ୍କ । ଓଡ଼ିଆ ଖାଇବାର ମହକରେ ମହକୁଛି ମାଷ୍ଟରସେଫ୍ କିଚେନ୍ । ମାଷ୍ଟରସେପ୍ ଇଣ୍ଡିଆ ୨୦୨୬ରେ କମାଲ କରିଛନ୍ତି ପୁରୀର ଦୁଇ ଭଉଣୀ ଅଞ୍ଜୁ-ମଞ୍ଜୁ । ଦୁଇ ଭଉଣୀ ଟପ୍ ୧୨ରେ ପହଞ୍ଚି ଓଡ଼ିଶାର ପାରମ୍ପରିକ ଖାଦ୍ୟ ପରସିଛନ୍ତି । ଅଞ୍ଜୁ-ମଞ୍ଜୁଙ୍କ ଯୋଡ଼ି ପ୍ରସ୍ତୁତ କରିଥିବା ଖାଦ୍ୟକୁ ବେଶ୍ ପ୍ରଶଂସା କରୁଛନ୍ତି ବିଚାରକମଣ୍ଡଳୀ । ଗୋଟିଏ ପରେ ଗୋଟିଏ ଚ୍ୟାଲେଞ୍ଜ ସାମ୍ନା କରି ଆଗକୁ ବଢି ଚାଲିଛନ୍ତି ଅଞ୍ଜୁ-ମଞ୍ଜୁ ଯୋଡ଼ି । ଲୋକପ୍ରିୟ ରୋଷେଇ ରିଆଲିଟି ଶୋ' ମାଷ୍ଟରସେଫ୍ଇଣ୍ଡିଆର ଫାଇନାଲ ରାଉଣ୍ଡରେ ପ୍ରବେଶ କରିଛନ୍ତି ଅଞ୍ଜୁ-ମଞ୍ଜୁ । ପ୍ରାୟ ୧୦୦ ଜଣ ପ୍ରତିଯୋଗୀଙ୍କୁ ପଛରେ ପକାଇ ଟିପ୍‌ ୧୨ ଜଣ ଫାଇନାଲିଷ୍ଟଙ୍କୁ ଚୟନ କରାଯାଇଥିଲା । ଯେଉଁଥିରେ ପୁରୀର ଏହି ଦୁଇ ଭଉଣୀ ସ୍ଥାନ ପାଇଛନ୍ତି ।

ଏହା ବି ପଢନ୍ତୁ...‘ଲକ୍ଷ୍ମୀପୂରାଣ’ ମହିଳା ସଶକ୍ତିକରଣ, ସ୍ୱଚ୍ଛତା ସହ ସାମାଜିକ ସମରସତାର ବାର୍ତ୍ତା ଦେଇଛି : ଧର୍ମେନ୍ଦ୍ର ପ୍ରଧାନ

ପୁରୀର ପୂର୍ବତନ କାଉନସିଲର ଏବଂ ତାଙ୍କ ଉଭଣୀ ମାଷ୍ଟରସେଫ୍‌ରେ ମ୍ୟାଜିକ୍ କରିଛନ୍ତି । ପୁରୀ ମୁନସିପାଲଟି ୯ ନମ୍ବର ୱାର୍ଡର କାଉନସିଲର ଥିଲେ ଅଞ୍ଜୁ । ସେ ଶ୍ରୀମନ୍ଦିର ସେବାୟତ ପରିବାର ସଦସ୍ୟ ଗୌରହରୀ ପ୍ରଧାନଙ୍କ ପତ୍ନୀ ଅଞ୍ଜୁ । ସେ ଜଣେ ଶାକାହାରୀ । ମାଷ୍ଟରସେଫ୍‌ର ଯାତ୍ର ପାଇଁ ସେ କହୁନ୍ତି,ପୁରୀ ଶ୍ରୀମନ୍ଦିରରେ ମହାପ୍ରଭୁ ଜଗନ୍ନାଥଙ୍କୁ ଅନେକ ସୁସ୍ୱାଦୁ ବ୍ୟଞ୍ଜନ ଅର୍ପଣ କରାଯାଏ । ତେଣୁ ଓଡ଼ିଶା ଏହା ରାନ୍ଧଣା ଐତିହ୍ୟ ପାଇଁ ଜଣାଶୁଣା ।  ଅଞ୍ଜୁ-ମଞ୍ଜୁଙ୍କ ଖାଦ୍ୟକୁ ତାରିଫ୍ କରିବା ସହିତ ବିଚାରକ ରଣବୀର ବ୍ରାର ପୁରୀ ଜଗନ୍ନାଥ ମନ୍ଦିରର ମହାପ୍ରସାଦ ପ୍ରତି ତାଙ୍କର ଭଲପାଇବା ପ୍ରକାଶ କରିବା ସହ ମହାପ୍ରସାଦର ଗୁଣଗାନ କରିଥିଲେ । ସେ କହିଥିଲେ, ଦ୍ୱାଦଶ ଶତାଦ୍ଦୀରେ ଏହି ମନ୍ଦିର ପରିଦର୍ଶନ ସମୟରେ ମୋତେ ମହାପ୍ରସାଦ ଖାଇବାର ସୁଯୋଗ ମିଳିଥିଲା । ​​​​​​​

ଦୁଇ ଉଉଣୀ ଅଞ୍ଜୁ-ମଞ୍ଜୁଙ୍କ ମାଷ୍ଟରସେଫ୍ ଯାତ୍ରା ପାଇଁ ସାଂସଦ ସମ୍ବିଦ ପାତ୍ର ଏକ୍ସରେ କହିଛନ୍ତି, ସୋନୀ ଟିଭିର ମାଷ୍ଟରସେଫ୍ କାର୍ଯ୍ୟକ୍ରମରେ ଓଡ଼ିଶାର ଅଞ୍ଜୁ -ମଞ୍ଜୁଙ୍କ ଯୋଡ଼ି ଧମାଲ କରିଛନ୍ତି । ସାଧାରଣ ଓଡ଼ିଶା ପରିବାରରୁ ଆସି ଅଞ୍ଜୁ ପ୍ରଧାନ ଓ ତାଙ୍କ ଭଉଣୀ ମଞ୍ଜୁ ଓଝା ଓଡ଼ିଶାର ରେସିପି, ପଖାଳ, ଡାଲମା, ଶାଗ ଭଜା ପରି ପାରମ୍ପରିକ ବ୍ୟଞ୍ଜନ ଜରିଆରେ ପୁରା ଦେଶରେ ଓଡ଼ିଶାର ପରିଚୟ ତିଆରି କରିଛନ୍ତି । ଅନେକ ଯୋଡ଼ିଙ୍କୁ ପଛରେ ପକାଇ ଟପ୍ ୧୨ରେ ପହଞ୍ଚିଛନ୍ତି ନିଜର ସ୍ଥିତିକୁ ମଜବୁତ କରିଛନ୍ତି । ଏହି ସଫଳତା ଓଡ଼ିଶା ଭୋଜନ, ସଂସ୍କୃତି ଏବଂ ମହିଳାଙ୍କ ସ୍ବପ୍ନର ବିଜୟ ।'' ସୋସିଆଲ ମିଡ଼ିଆରେ ତାଙ୍କୁ ସମର୍ଥନ କରି ଓଡ଼ିଶାର ଗୌରବ ବଢାଇବାକୁ ଅପିଲ୍ କରିଛନ୍ତି ସାଂସଦ ସମ୍ବିତ୍ ପାତ୍ର ।