ଭୁବନେଶ୍ୱର,୧୭/୦୪: ସମ୍ବଲପୁରରେ ଜନସାଧାରଣଙ୍କ ଅଭିଯୋଗ ଶୁଣିବେ ମୁଖ୍ୟମନ୍ତ୍ରୀ ମୋହନ ଚରଣ ମାଝୀ । ଆସନ୍ତା ୨୧ ତାରିଖରେ ସମ୍ବଲପୁର ମହାନଗର ନିଗମ ଅନ୍ତର୍ଗତ ଦୁର୍ଗାପାଲିଠାରେ ଅଭିଯୋଗ ଶୁଣାଣି ଶିବିରରେ ମୁଖ୍ୟମନ୍ତ୍ରୀ ଯୋଗ ଦେବେ ।
ଅଭିଯୋଗ ଶୁଣାଣି ପାଇଁ ଗୁରୁବାର ଅନ୍ଲାଇନ୍ ଜନଶୁଣାଣି ପୋର୍ଟାଲ ବା ଜନଶୁଣାଣି ମୋବାଇଲ ଆପ୍ଲିକେସନ୍ ମାଧ୍ୟମରେ ପଞ୍ଜୀକରଣ ହେବ । ପୂର୍ବାହ୍ଣ ୧୧ଟାରୁ ଏହି ପଞ୍ଜୀକରଣ ଆରମ୍ଭ ହେବାକୁ ଥିବା ବେଳେ ସର୍ବାଧିକ ୧୦୦୦ ଜଣ ସେମାନଙ୍କ ନାଁ ପଞ୍ଜୀକରଣ କରିପାରିବେ ।
ଦୁର୍ଗାପାଲିଠାରେ ସକାଳ ୮ଟାରୁ ମୁଖ୍ୟମନ୍ତ୍ରୀଙ୍କୁ ଭେଟି ହେବ । ଅଭିଯୋଗ ଶୁଣାଣି ସମୟରେ ଅଭିଯୋଗକାରୀ ପଞ୍ଜୀକୃତ ପ୍ରାପ୍ତିପତ୍ର, ବ୍ୟକ୍ତିଗତ ପରିଚୟପତ୍ର ଓ ଅଭିଯୋଗପତ୍ର ଆଣି ଆସିବାକୁ କୁହାଯାଇଛି । ଏ ନେଇ ବୁଧବାର ସାଧାରଣ ପ୍ରଶାସନ ଓ ସାଧାରଣ ଅଭିଯୋଗ ବିଭାଗ ପକ୍ଷରୁ ସୂଚନା ଦିଆଯାଇଛି ।
