ଜଳେଶ୍ବର ୧୦/୧୧: ବସ୍ତା ଥାନା ଅନ୍ତର୍ଗତ ଏନ୍ଏଚ୍-୬୦ ଜାତୀୟ ରାଜପଥ ଭେଲୋରା ନିକଟରେ ମର୍ମନ୍ତୁଦ ସଡ଼କ ଦୁର୍ଘଟଣା। ଓମିନିକୁ ଧକ୍କା ଦେଲା ଡମ୍ଫର। ରାସ୍ତାକଡକୁ ଓଲଟିଲା ଭ୍ୟାନ୍। ଦୁର୍ଘଟଣା ୫ ଯାତ୍ରୀ ଗୁରୁତର ହୋଇଥିବା ଜଣାପଡିଛି। ସମସ୍ତ ଗୁରୁତରଙ୍କୁ ଉଦ୍ଧାର କରାଯାଇ ବସ୍ତା ହସ୍ପିଟାଲରେ ଭର୍ତ୍ତି କରାଯାଇଛି। ସମସ୍ତ ଚିକିତ୍ସା ଜାରି ରହିଥିବା ଜଣାପଡିଛି।
ସୂଚନା ମୁତାବିକ, ଭଦ୍ରକ ଜିଲ୍ଲା ଧାମନଗରରୁ ପଶ୍ଚିମବଙ୍ଗକୁ ଏକ ଓମିନି ଯୋଗେ ଫେରୁଥିବା ବେଳେ ପଛରୁ ଆସୁଥିବା ଏକ ଦୃତଗାମୀ ଡମ୍ପର୍ ଧକ୍କା ଦେଇଥିଲା। ଫଳରେ ଓମିନିଟି ରାସ୍ତାର କଡ଼କୁ ଓଲଟି ପଡିଥିଲା। ଗାଡିରେ ଥିବା ୫ ଜଣ ଯାତ୍ରୀ ଗୁରୁତର ହୋଇଥିଲା ବେଳେ ସେମାନଙ୍କୁ ବସ୍ତା ହସ୍ପିଟାଲରେ ଭର୍ତ୍ତି କରାଯାଇଛି। ଡମ୍ଫର ଗାଡ଼ିକୁ ଜବତ କରି ବସ୍ତା ପୋଲିସ ଅଧିକ ତଦନ୍ତ ଜାରି ରଖିଛି।
