ବାଲିପାଟଣା,୮।୭ ରାଜଧାନୀ ଉପକଣ୍ଠ ବାଲିପାଟଣା ଥାନା ସରିପୁର ଛକ ନିକଟରେ ଗଛ ରେ ବାଇକ୍ ପିଟି ହେବରୁ ଜଣଙ୍କର ମୃତ୍ୟୁ ହୋଇଛି । ମୃତକ ହେଉଛନ୍ତି ସାହେବ ନଗର ଗ୍ରାମର ବାବୁ ।
ଯୁବକ ଜଣକ ଏକ ପଲ୍ସର ବାଇକରେ ବାଲିପାଟଣା ଅଭିମୁଖେ ଆସୁଥିଲେ । ସରିପୁର ଛକ ନିକଟରେ ବାଇକଟି ଭାରସାମ୍ୟ ହରାଇ ଏକ ଗଛରେ ପିଟି ହୋଇଥିଲା । ଦୁର୍ଘଟଣାରେ ଯୁବକଙ୍କ ମୁଣ୍ଡରେ ଗଭୀର ଆଘାତ ଲାଗିଥିଲା । ସ୍ଥାନୀୟ ଲୋକେ ତୁରନ୍ତ ତାଙ୍କୁ ବାଲିପାଟଣା ଗୋଷ୍ଠୀ ସ୍ଵାସ୍ଥ୍ୟ କେନ୍ଦ୍ରକୁ ନେଇଥିଲେ । ଡାକ୍ତର ତାଙ୍କୁ ସେଠାରେ ମୃତ ଘୋଷଣା କରିଛନ୍ତି । ପରେ ମୃତକ ସାହେବ ନଗର ଗ୍ରାମର ବାବୁ ବୋଲି ଜଣା ପଡ଼ିଛି ।