ଡିକି ଭାଙ୍ଗି  ଚାଷୀଙ୍କ ଏକ ଲକ୍ଷ ଟଙ୍କା ଲୁଟି ନେଲେ ଦୁର୍ବୃତ୍ତ

ରାଉରକେଲା,୬।୭  ଡିକି ଭାଙ୍ଗି ଚାଷୀଙ୍କ ଏକଲକ୍ଷ ଟଙ୍କା ଲୁଟି ନେଇଛନ୍ତି ଦୁର୍ବୃତ୍ତ ।  ଲୁଟ ର ଶିକାର ହୋଇଛନ୍ତି ଗୋପିନାଥପୁର ଗ୍ରାମର  ଚାଷୀ। ବ୍ୟାଙ୍କ ରୁ ଟଙ୍କା ଉଠାଇ ବାଇକ୍ ଯୋଗେ ଗୋପିନାଥପୁର ଗ୍ରାମର ଜଣେ ଚାଷୀ  ଲ୍ୟାମ୍ପସ ଯାଇଥିଲେ। ଲ୍ୟାମ୍ପସ  ସମ୍ମୁଖରେ ବାଇକ ରଖିଥିଲେ । ଏହି ସମୟରେ ତାଙ୍କ ବାଇକ ଡିକି ଭାଙ୍ଗି ଦୁର୍ବୃତ୍ତମାନେ ଏକ ଲକ୍ଷ ଟଙ୍କା ଲୁଟି ନେଇଥିଲେ। ଲ୍ୟାମ୍ପସରୁ ଚାଷୀ ଜଣକ ଆସିବା ପରେ ଡିକି ଭଙ୍ଗା ହୋଇଥିବା ଓ ଟଙ୍କା ନ ଥିବା ଦେଖିବାକୁ ପାଇଥିଲେ। ଏ ନେଇ ଚାଷୀ ଜଣକ ଥାନାରେ ଜଣାଇଥିଲେ। ପୋଲିସ ଘଟଣାର ତଦନ୍ତ କରୁଛି।