କଟକ,୧୦।୩ : କଟକର ଏକ ଜୁଏଲାରୀ ଦୋକାନରେ କାମ କରୁଥିବା ବେଳେ ପ୍ରତିଦିନ ଅଳ୍ପ ଅଳ୍ପ ସୁନା ଚୋରି କରୁଥିଲେ ଜଣେ କର୍ମଚାରୀ। ଦୋକାନୀ ମାଲିକ ଏହା ଜାଣିବା ପରେ କଟକ ପୁରୀଘାଟ ଥାନାରେ ଅଭିଯୋଗ କରିଥିଲେ। କଟକ ପୁରୀଘାଟ ଥାନା ପୋଲିସ ଜଣକୁ ଗିରଫ କରିଛି। ଗିରଫ ଅଭିଯୁକ୍ତ ଜଣଙ୍କ ହେଲେ ଲାଲବାଗ ଅଞ୍ଚଳର ସତ୍ୟନାରାୟଣ ସାହୁ। ଅଭିଯୁକ୍ତ ନିକଟରୁ ପୋଲିସ ୪୮ ଲକ୍ଷ ଟଙ୍କାର ସୁନା ଜବତ କରିଛି।
ସତ୍ୟ ନାରାୟଣ ଦୀର୍ଘ ବର୍ଷ ଧରି ନୟାସଡ଼କ ଅଞ୍ଚଳରେ ଥିବା ସୁରଜ୍ ଜୁଏଲାରୀରେ କାର୍ଯ୍ୟ କରୁଥିଲେ। ତେବେ ସେ ପ୍ରତିଦିନ ଦୋକାନରୁ ଅଳ୍ପ ଅଳ୍ପ ସୁନା ଚୋରି କରୁଥିଲେ। ଦୋକାନ ମାଲିକ ସୁକୁମାର ବୋଇତାଳ ଏହା ଜାଣିବା ପରେ ପୁରୀଘାଟ ଥାନାରେ ଅଭିଯୋଗ କରିଥିଲେ। ପୋଲିସ ଘଟଣାର ତଦନ୍ତ କରି ସତ୍ୟନାରାୟଣ ସାହୁକୁ ଗିରଫ କରିଥିଲା। ଏଥି ସହ ସତ୍ୟନାରାୟଣଙ୍କ ଠାରୁ ୪୮ ଲକ୍ଷ ଟଙ୍କା ସୁନା ଜବତ କରିଛି। ସତ୍ୟନାରାୟଣ ବିଭିନ୍ନ ସମୟରେ ଦୋକାନରୁ ଏହି ସୁନା ଚୋରି କରି ବିଭିନ୍ନ ସ୍ଥାନରେ ରଖିଥିଲା। ସତ୍ୟନାରାୟଣକୁ କୋର୍ଟ ଚାଲାଣ କରାଯାଇଥିବା ସାମ୍ବାଦିକ ସମ୍ମିଳନୀରେ ଡିସିପି ରିଶିକେଶ ଦାନଦେଓ ଖିଲରୀ କହିଛନ୍ତି।
