୭୦୦ ଫୁଟ ଉଚ୍ଚରେ ହଠାତ୍ ଖୋଲିଦେଲେ ଉଡ଼ନ୍ତା ବିମାନର ଏମର୍ଜେନ୍ସି ଡୋର, ଅଚେତ ହେଲେ ଯାତ୍ରୀ
ସିଓଲ,୨୭/୦୫: ଦକ୍ଷିଣ କୋରିଆରେ ଶୁକ୍ରବାର ଏସିଆନା ଏୟାରଲାଇନ୍ସର ଏକ ବିମାନ ଉଡ଼ାଣ କରୁଥିବାବେଳେ ଜଣେ ଯାତ୍ରୀ ହଠାତ୍ ଜରୁରିକାଳୀନ ଡୋର୍ ଖୋଲିଦେଇଥିଲେ । ବିମାନଟି ଲ୍ୟାଣ୍ଡିଂ କରିବାର ୨ ମିନିଟ୍ ପୂର୍ବରୁ ଯାତ୍ରୀ ଜଣକ ଏପରି କାଣ୍ଡ କରିଥିଲେ । ସେହି ସମୟରେ ବିମାନଟି ପ୍ରାୟ ୭୦୦ ଫୁଟ ଉଚ୍ଚରେ ଥିଲା । ସେଥିରେ ୬ କ୍ର୍ୟୁ ସଦସ୍ୟ ଏବଂ ୧୯୪ ଜଣ ଯାତ୍ରୀ ଥିଲେ । ଡୋର୍ ଖୋଲିବା କ୍ଷଣି ଏହା ଭିତରେ ତୀବ୍ର ବେଗରେ ପବନ ପସିଥିଲା । ଏହା ଦେଖି ଯାତ୍ରୀମାନେ ଆତଙ୍କିତ ହୋଇପଡ଼ିଥିଲେ ।
🚨 Un pasajero ha abierto una salida de emergencia del #A321 HL8256 de #AsianaAirlines en pleno vuelo.
— On The Wings of Aviation (@OnAviation) May 26, 2023
El vuelo #OZ8124 entre Jeju y Daegu del 26 de mayo se encontraba en aproximación cuando una de las salidas de emergencia sobre el ala fue abierta por un pasajero.
El avión… pic.twitter.com/G0rlxPNQuW
ଡୋର୍ ନିକଟରେ ଥିବା କେତେଜଣ ଯାତ୍ରୀ ଅଚେତ ହୋଇପଡ଼ିଥିଲେ । ଏଥିଯୋଗୁ ଅନ୍ୟୁନ ୭ ଯାତ୍ରୀ ଆହତ ହୋଇଛନ୍ତି । କେତେଜଣ ଯାତ୍ରୀଙ୍କ କହିବା ଅନୁସାରେ ଅଭିଯୁକ୍ତ ଜଣକ ଡୋର ଖୋଲି ତଳକୁ ଡେଇଁବାକୁ ଚେଷ୍ଟା କରିଥିଲେ । ପୁଲିସ ତାଙ୍କୁ ଗିରଫ କରି ତଦନ୍ତ ଆରମ୍ଭ କରିଛି ।
