PRAMEYA

Prameya News Portal, Prameya Daily, Odisha Latest News, Odisha Current Headlines, Odisha News Online

ପ୍ରମୁଖ ଖବର
  • ନୂଆପଡା ସାଲେଭଟା ଛକରେ ରକ୍ତାକ୍ତ ଅବସ୍ଥାରେ ଯୁବକ-ଯୁବତୀ ଉଦ୍ଧାର
  • ||
  • ହାଇଦ୍ରାବାଦ: ପ୍ରଧାନମନ୍ତ୍ରୀ ନରେନ୍ଦ୍ର ମୋଦିଙ୍କ ସୁରକ୍ଷାରେ ଗୁରୁତର ତ୍ରୁଟି, ହେଲିକପ୍ଟର ଉଡାଣ ଭରିବା କ୍ଷଣି ମଝି ଆକାଶରେ ଦେଖାଗଲା କଳା ବେଲୁନ୍, ୪ କଂଗ୍ରେସ କର୍ମୀ ଗିରଫ
  • ||
  • ବିଧାନସଭା ଭିତରକୁ ଧସେଇ ପଶିବାକୁ ଉଦ୍ୟମ ବେଳେ ପୋଲିସ-ଛାତ୍ର କଂଗ୍ରେସ ମଧ୍ୟରେ ଧସ୍ତାଧସ୍ତି
  • ||
  • ନୂଆପଡା ଉଦ୍ୟାନବନ୍ଧ କ୍ରିଷ୍ଣା ଛକରେ ଟ୍ରକ ଧକ୍କାରେ ୪ ଜଣଙ୍କ ମୃତ୍ୟୁ
  • ||
  • ବୌଦ୍ଧ : କଣ୍ଟାମାଳ ବ୍ଲକ୍ ମନମୁଣ୍ଡା ରେଞ୍ଜ୍ ଅନ୍ତର୍ଗତ ରତାଖଣ୍ଡି ସଂରକ୍ଷିତ ଜଙ୍ଗଲରେ ଫାଶରେ ପଡ଼ି ଏକ ଭାଲୁର ମୃତ୍ୟୁ
  • ||
  • କୋଲକାତା : ମାତ୍ର ୭୫ ଟଙ୍କା ପାଉଣା ଫେରସ୍ତ ଦାବିରେ ଦେଖାଦେଇଥିଲା ଅଶାନ୍ତି, ନମାଜ ପଢ଼ି ଫେରିବା ବାଟରେ ବୃଦ୍ଧଙ୍କୁ ପିଟିପିଟି ହତ୍ୟା
  • ||
  • ଭୁବନେଶ୍ବର : ୨୦୧୯ ରୁ ୨୦୨୨ ମଧ୍ୟରେ ରାଜ୍ୟରେ ପଞ୍ଜିକୃତ ହୋଇଛି ୧୦ ହଜାର ୧୨୯ ଦୁଷ୍କର୍ମ ମାମଲା : ଗୃହରାଷ୍ଟ୍ର ମନ୍ତ୍ରୀ
  • ||
  • ଭୁବନେଶ୍ବର : ଜୁଲାଇ ୬ରେ ମାଟ୍ରିକ ପରୀକ୍ଷା ଫଳ ଘୋଷଣା । ଦିନ ୧ଟାରେ ପ୍ରକାଶ ପାଇପ ରେଜଲ୍ଟ । ଗଣଶିକ୍ଷା ମନ୍ତ୍ରୀ ସମୀର ରଞ୍ଜନ ଦାଶଙ୍କ ସୂଚନା ।
  • ||
  • ଗୋଚ୍ଛାପଡ଼ା/ଫୁଲବାଣୀ : ବହୁଚର୍ଚ୍ଚିତ ଯୋଡ଼ାମୁଣ୍ଡ ଶିଶୁ ଜଗାର ଖପୁରି ୩ ବର୍ଷ ମଧ୍ୟରେ ପ୍ରତିରୋପଣ କରାଯିବ । ଦିଲ୍ଲୀ ଏମସ୍‌ ନ୍ୟୁରୋ ସର୍ଜରୀ ଡାକ୍ତର ଦୀପକ ଗୁପ୍ତାଙ୍କ ସୂଚନା ।
  • ||
  • ନୂଆଦିଲ୍ଲୀ : ଆନ୍ଧ୍ରପ୍ରଦେଶ ଗସ୍ତରେ ପ୍ରଧାନମନ୍ତ୍ରୀ ନରେନ୍ଦ୍ର ମୋଦୀ, ଅଲ୍ଲୁରୀ ସୀତାରାମ ରାଜୁଙ୍କ ପ୍ରତିମୂର୍ତ୍ତି କରିବେ ଉନ୍ମୋଚନ
  • ||
  • କୋଟପାଡ଼ : କୋଟପାଡ଼ ମୀନାବଜାରରେ ଦୋଳି ଖେଳୁଥିବା ବେଳେ ଜଣେ ନାବଳିକାଙ୍କ ହୃଦ୍‌ଘାତରେ ମୃତ୍ୟୁ
  • ||
  • ମୁମ୍ବାଇ: ମହାରାଷ୍ଟ୍ର ରାଜନୀତିରେ ପୁଣିଥରେ ଏକନାଥଙ୍କ ବାଜିମାତ୍। ଫ୍ଳୋର ଟେଷ୍ଟରେ ବହୁମତ ହାସଲ କରିଛନ୍ତି ସିନ୍ଦେ। ସିନ୍ଦେଙ୍କୁ ୧୬୪ ସଦସ୍ୟ ସମର୍ଥନ କରିଥିବା ସୂଚନା।
  • ||
  • ଧର୍ମଗଡ଼ : କଳାହାଣ୍ଡି ଜିଲ୍ଲା ଗୋଲାମୁଣ୍ଡା ବ୍ଲକ ଚଞ୍ଚରମୁଣ୍ଡା ଛକ ବିଜୁ ଏକ୍ସପ୍ରେସ୍ ରାସ୍ତା କଡ଼ରୁ ଜଣେ ଅଜଣା ବ୍ୟକ୍ତିଙ୍କ ମୃତଦେହ ଉଦ୍ଧାର, ହତ୍ୟା ସନ୍ଦେହ
  • ||
  • ନୂଆଦିଲ୍ଲୀ : ହିମାଚଳ ପ୍ରଦେଶର କୁଲ୍ଲୁରେ ବସ୍ ଦୁର୍ଘଟଣା, ସ୍କୁଲ ପିଲାଙ୍କ ସମେତ ୧୬ଜଣଙ୍କର ମୃତ୍ୟୁ ଆଶଙ୍କା
  • ||
  • ନୂଆଦିଲ୍ଲୀ : ମିସ୍ ଇଣ୍ଡିଆ ୱାର୍ଲ୍ଡ ୨୦୨୨ : ବିଜୟ ମୁକୁଟ ପିନ୍ଧିଲେ ସିନି ଶେଟ୍ଟୀ
  • ||
  • ନୂଆଦିଲ୍ଲୀ : ଭାଙ୍ଗିଗଲା ଆଲପାଇନ୍ ଗ୍ଲାସିୟରର ବିଶାଳ ଖଣ୍ଡ, ୫ ମୃତ
  • ||
  • ଭୁବନେଶ୍ବର : ମାଟ୍ରିକ୍ ରେଜଲ୍ଟ ପ୍ରକାଶ ନେଇ ବୋର୍ଡର ସମସ୍ତ ପ୍ରସ୍ତୁତି ଶେଷ, ସଚିବାଳୟରେ ଆଜି ନିଆଯିବ ଚୂଡ଼ାନ୍ତ ନିଷ୍ପତ୍ତି
  • ||
  • ବାଲିପାଟଣା : ବାଲିଘାଟକୁ କେନ୍ଦ୍ର କରି ଯୁବକଙ୍କୁ ଖଣ୍ଡାମାଡ଼, ଗୁରୁତର ଅବସ୍ଥାରେ ଡାକ୍ତରଖାନାରେ ଭର୍ତ୍ତି
  • ||
  • ନୂଆଦିଲ୍ଲୀ : ଆଇସିୟୁରେ ଭର୍ତ୍ତି ହେଲେ ଲାଲୁ ଯାଦବ, ପଡ଼ିଯିବା କାରଣରୁ ହୋଇଥିଲେ ଆହତ
  • ||
  • ଡେନମାର୍କ : ଡେନମାର୍କର ସପିଂ ମଲରେ ଫୁଟିଲା ଗୁଳି, ୩ଜଣଙ୍କର ମୃତ୍ୟୁ
  • ||

‘କାଳିଆ’ ଦ୍ୱିତୀୟ କିସ୍ତି ଛକାପଞ୍ଝା: ବିରୋଧୀଙ୍କ ଅଭିଯୋଗ; ଭୋଟ୍‌ ପାଇଁ ଲାଞ୍ଚ

source:http://orissadiary.com

ଭୁବନେଶ୍ୱର,୨୫ ।୨(ବ୍ୟୁରୋ): ଏପ୍ରିଲ ପହିଲାରେ ଚାଷୀଙ୍କୁ ମିଳିବ ‘କାଳିଆ’ ଦ୍ୱିତୀୟ ପର୍ଯ୍ୟାୟ ସହାୟତା । ମୁଖ୍ୟମନ୍ତ୍ରୀଙ୍କ ଏ ଘୋଷଣା ପରେ ବିରୋଧୀ କ୍ୟାମ୍ପରେ ଛନକା ପଶିଛି । ଚାଷୀ ଭୋଟ ଭିଡ଼ିବାକୁ ବିଜେଡି ସରକାର ଲାଞ୍ଚ ବାଣ୍ଟୁଛି । ପୁଣି ଭୋଟ ପୂର୍ବରୁ ଦ୍ୱିତୀୟ କିସ୍ତି ବାଣ୍ଟି ଭୋଟ କିଣିବାକୁ ରାଜ୍ୟ ସରକାର ଚକ୍ରାନ୍ତ କରୁଛନ୍ତି ବୋଲି ବିରୋଧୀ ଅଭିଯୋଗ କରିଛନ୍ତି । ମାତ୍ର ସରକାରୀ ଦଳ କହିଛି, ଚାଷୀଙ୍କୁ ସହାୟତା ଯୋଗାଇବାକୁ ସରକାର ଏ ଯୋଜନା କରିଛନ୍ତି । ବିରୋଧୀ ଅଯଥାରେ ଆତଙ୍କିତ ହୋଇ ମିଛ ଅଭିଯୋଗ ଆଣୁଛନ୍ତି ।
ରାଜ୍ୟର ଚାଷୀମାନଙ୍କୁ ଦ୍ୱିତୀୟ ପର୍ଯ୍ୟାୟ ‘କାଳିଆ’ ସହାୟତା ଏପ୍ରିଲ ପହିଲାରେ ମିଳିବ । ଢେଙ୍କାନାଳରେ ଆୟୋଜିତ ବିଶାଳ ଚାଷୀ ସମାବେଶରେ ଏ ଘୋଷଣା କରିଛନ୍ତି ମୁଖ୍ୟମନ୍ତ୍ରୀ ନବୀନ ପଟ୍ଟନାୟକ । ଏ ଘୋଷଣା ସହ କେନ୍ଦ୍ର ସରକାର ‘କିଷାନ’ ଯୋଜନାରେ ଚାଷୀମାନଙ୍କୁ ୬ ହଜାର ବଦଳରେ ୧୦ ହଜାର ଦେଉ ବୋଲି ନବୀନ ନିଜ ଦାବି ମଧ୍ୟ ଦୋହରାଇଛନ୍ତି । ନବୀନଙ୍କ ଏ ଘୋଷଣା କରି ଚାଷୀ କାର୍ଡ ଖେଳିଥିଲା ବେଳେ ବିରୋଧୀ ବିଜେପି ଓ କଂଗ୍ରେସ ଶିବିର ଏହାକୁ ନେଇ ଚିନ୍ତିତ ହୋଇ ପଡ଼ିଛନ୍ତି । ବିଜେଡି ଚାଷୀ ଭୋଟ ହାତେଇବାକୁ ‘କାଳିଆ’ ଯୋଜନା ଆଳରେ ଭୋଟବ୍ୟାଙ୍କ ସୁଦୃଢ଼ କରୁଛି । ପୂର୍ବରୁ ମୁଖ୍ୟମନ୍ତ୍ରୀ ନୂଆଁଖାଇ ଓ ଅକ୍ଷୟ ତୃତୀୟାରେ କାଳିଆ ପାଣ୍ଠି ମିଳିବ ବୋଲି ଘୋଷଣା କରିଥିଲେ । ତେବେ ହଠାତ୍‌ ଅକ୍ଷୟ ତୃତୀୟା ବଦଳରେ ଏପ୍ରିଲ ପହିଲାରେ ଦ୍ୱିତୀୟ କିସ୍ତି ବଣ୍ଟନ ପଛରେ ଭୋଟ ରାଜନୀତି ରହିଛି । ଅକ୍ଷୟ ତୃତୀୟା ବେଳକୁ ଭୋଟ ସରି ଯାଇଥିବ, ତେଣୁ ତା ପୂର୍ବରୁ ଏପ୍ରିଲ ମାସରେ ଠିକ୍‌ ଭୋଟ ପୂର୍ବରୁ ଟଙ୍କା ବାଣ୍ଟିବାକୁ ବିଜେଡି ଷଡ଼ଯନ୍ତ୍ର କରିଛି ବୋଲି ଦୁଇ ଦଳ ଅଭିଯୋଗ କରିଛନ୍ତି ।
ଏ ପ୍ରସଙ୍ଗରେ କେନ୍ଦ୍ରମନ୍ତ୍ରୀ ଧର୍ମେନ୍ଦ୍ର ପ୍ରଧାନ ମୁଖ୍ୟମନ୍ତ୍ରୀଙ୍କୁ କାଠଗଡ଼ାକୁ ଟାଣିଛନ୍ତି । ‘କିଷାନ’କୁ ବିଳମ୍ବ କରିବାକୁ ଚାଷୀ ତାଲିକା ନେଇ ରାଜ୍ୟ ସରକାର ଭେଳିକି ଦେଖାଉଛନ୍ତି । ସରକାର କାଳିଆ ଯୋଜନାରେ ୫୦ଲକ୍ଷ ଚାଷୀଙ୍କୁ ସହାୟତା ଦେବେ ବୋଲି କହିଥିଲେ । ହେଲେ ୫୦ଲକ୍ଷ ଚାଷୀଙ୍କ ତାଲିକା କୁଆଡେ ଗଲା? ଧର୍ମେନ୍ଦ୍ର କହିଛନ୍ତି, ୧୨ଲକ୍ଷ ଲୋକଙ୍କୁ ପଥମ କିସ୍ତିରେ ଟଙ୍କା ଦେବାକୁ ସରକାର ଘୋଷଣା କରିଥିଲେ । କିନ୍ତୁ ସରକାର କେନ୍ଦ୍ରକୁ ମାତ୍ର ୯ ଲକ୍ଷ ଚାଷୀଙ୍କ ତାଲିକା ପଠାଇଛନ୍ତି । ଆଉ ବାକି ଲୋକଙ୍କ ତାଲିକା କୁଆଡେ ଗଲା? ଦ୍ୱିତୀୟ କିସ୍ତି ପାଇଁ ନିର୍ବାଚନ ଆଚରଣ ବିଧିରେ କେମିତି ଟଙ୍କା ଦେବେ, ସମୟ ଆସିଲେ ଜଣାପଡିବ ବୋଲି ସେ କଟାକ୍ଷ କରି କହିଛନ୍ତି ।
ପିସିସି ସଭାପତି ନିରଞ୍ଜନ ପଟ୍ଟନାୟକ କହିଛନ୍ତି, ୧୯ ବର୍ଷରେ ନିଜ ବିଫଳତା ଘୋଡ଼ାଇ ଟଙ୍କା ବାଣ୍ଟି ଭୋଟ କିଣିବାକୁ ଏହା ନବୀନ ବାବୁଙ୍କ ଷଡ଼ଯନ୍ତ୍ର । ମାତ୍ର ଆଉ ଅଧିକ ଦିନ ଓଡ଼ିଶାବାସୀଙ୍କୁ ସେ ଭୁଆଁ ବୁଲାଇ ପାରିବେନି । ମୋଦି ସରକାର ମଧ୍ୟ ‘କିଷାନ’ ମାଧ୍ୟମରେ ଭୋଟ କିଣିବାକୁ ଯୋଜନା କରିଛନ୍ତି । ମାତ୍ର କଂଗ୍ରେସ ଚାଷୀର ଦୀର୍ଘସ୍ଥାୟୀ ବିକାଶକୁ ଫୋକସ୍‌ କରିବ ବୋଲି ପ୍ରତିଶୁତି ଦେଉଛି । ଛତିଶଗଡ଼ରେ କରିକି ମଧ୍ୟ ଦେଖାଇଛି ।
ବିରୋଧୀଙ୍କ ଏଭଳି ସମାଲୋଚନାକୁ ଖଣ୍ଡନ କରିଛନ୍ତି ଅର୍ଥ ଓ କୃଷିମନ୍ତ୍ରୀ ଶଶିଭୂଷଣ ବେହେରା । ସେ କହିଛନ୍ତି, କାଳିଆ ହେଉଛି ସମଗ୍ର ଦେଶ ପାଇଁ ଆଲୋକ ବର୍ତ୍ତିକା । କାଳିଆ ଯୋଜନାକୁ କେନ୍ଦ୍ର ସହ ପଞ୍ଚଦଶ ଅର୍ଥ କମିଶନ ପ୍ରଶଂସା କରିଛନ୍ତି । ଏହା ରାଜ୍ୟର କୃଷି ଅର୍ଥନୀତିକୁ ମଜବୁତ କରିବ । ଏହାଦ୍ୱାରା ଚାଷୀ ପରିବାରର ଭବିଷ୍ୟତ ଉଜ୍ଜଳ ହେବ । ବିରୋଧୀ ନବୀନଙ୍କ ଭାବମୂର୍ତ୍ତିରେ ଭୟଭୀତ ହୋଇ ମିଛ ଅଭିଯୋଗ ଆଣୁଛନ୍ତି ।
ଉଲ୍ଲେଖଯୋଗ୍ୟ, ଗତ ଡିସେମ୍ବର ୨୧ରେ ମୁଖ୍ୟମନ୍ତ୍ରୀ କାଳିଆ ଯୋଜନା ଘୋଷଣା କରିବା ସହ କାମଚଳା ବଜେଟରେ ୪,୪୬୧ କୋଟି ଟଙ୍କା ବରାଦ କରିଛନ୍ତି । ରାଜ୍ୟରେ ପ୍ରଥମ ପର୍ଯ୍ୟାୟରେ ୩୦ ଲକ୍ଷରୁ ଅଧିକ ଚାଷୀ ‘କାଳିଆ’ ସହାୟତା ପାଇଥିଲା ବେଳେ ‘କାଳିଆ ଛାତ୍ରବୃତ୍ତି’ର ମଧ୍ୟ ଶୁଭାରମ୍ଭ ହୋଇଛି । ଏହି ଯୋଜନାରେ ରାଜ୍ୟର ୯୨% ଚାଷୀ ପରିବାର ସହାୟତା ପାଉଛନ୍ତି । ମାତ୍ର କେନ୍ଦ୍ରର ‘କିଷାନ’ ଯୋଜନାରେ ଭାଗଚାଷୀ, ଭୂମିହୀନ ଚାଷୀ ଓ କୃଷି ଶ୍ରମିକଙ୍କୁ ସାମିଲ୍‌ କରାଯାଇ ନଥବାରୁ ମୁଖ୍ୟମନ୍ତ୍ରୀ କ୍ଷୋଭ ପ୍ରକାଶ କରି ପ୍ରଧାନମନ୍ତ୍ରୀଙ୍କୁ ଦୁଇଥର ଚିଠି ଲେଖିଛନ୍ତି ।

ସମ୍ବନ୍ଧିତ ଖବର