କେନ୍ଦୁଝର ସଦର,୨୯/୧୧ : କେନ୍ଦୁଝର ଜିଲ୍ଲା ସଦର ବ୍ଲକ ଅନ୍ତର୍ଗତ ପଦ୍ମପୁର ଆଞ୍ଚଳିକ ଉଚ୍ଚ ମାଧ୍ୟମିକ ବିଦ୍ୟାଳୟ ପକ୍ଷରୁ ସ୍ଥାନୀୟ ମହାଲକ୍ଷ୍ମୀ ପଡ଼ିଆରେ ଦୁଇ ଦିନିଆ ବାର୍ଷିକ କ୍ରୀଡା ଆଜି ଉଦଘାଟିତ ହୋଇଯାଇଛି । ଏହି କ୍ରୀଡ଼ାରେ ଆଞ୍ଚଳିକ ମହାବିଦ୍ୟାଳୟର ଅଧ୍ୟକ୍ଷ ବେଣୁଧର ମହାନ୍ତଙ୍କ ଅଧକ୍ଷତା କରିଥିବାବେଳେ ପ୍ରଥମ ଦିବସର ଉଦଘାଟନୀ କାର୍ଯ୍ୟକ୍ରମରେ ପଦ୍ମପୁର ଗୋଷ୍ଠି ସ୍ବାସ୍ଥ୍ୟକେନ୍ଦ୍ର ଚିକିତ୍ସା ଅଧିକାରୀ ଡାକ୍ତର ଶିବଚରଣ ବାଘ ମୁଖ୍ୟ ଅତିଥି ଭାବେ ଯୋଗ ଦେଇ କ୍ରୀଡ଼ାକୁ ଆନୁଷ୍ଠାନିକ ଭାବେ ଶୁଭ ଉଦଘାଟନ କରିଛନ୍ତି ।

କ୍ରୀଡା ଉପସଭାପତି ଅଧ୍ୟାପକ ସନତ ଦାସ  ଅତିଥି ପରିଚୟ ପ୍ରଦାନ କରିଥିବାବେଳେ ସମ୍ମାନିତ ଅତିଥି ଭାବେ ବିଦ୍ୟାଳୟ ଇତିହାସ ଅଧ୍ୟାପକ ରାମଶଙ୍କର ସାହୁ ଯୋଗ ଦେଇଛନ୍ତି । ଏହି କ୍ରୀଡ଼ାରେ ୧ ଶହ ମିଟର, ୨ଶହ ମିଟର, ୪ଶହ ମିଟର, ୮ ମିଟର, ୧୫ ଶହ ମିଟର ଦୌଡ, ଲମ୍ବା ଡିଆଁ, ଉଚ୍ଚ ଡିଆଁ, ଡିସ୍କଶ ଥ୍ରୋ ଆଦି ୨୧ ପ୍ରକାର ପ୍ରତିଯୋଗିତା ମୂଳକ ଖେଳ ଜାରି ରହିଛି । ବିଦ୍ୟାଳୟ ଇଂରାଜୀ ଅଧ୍ୟାପକ ସୁରେଶ ଆଚାର୍ଯ୍ୟ ଖେଳର ଧାରାବିବରଣୀ ପ୍ରଦାନ କରିଛନ୍ତି ।