PRAMEYA

Prameya News Portal, Prameya Daily, Odisha Latest News, Odisha Current Headlines, Odisha News Online

ପ୍ରମୁଖ ଖବର
  • ପାଟଣା : କେନ୍ଦୁଝର ଜିଲ୍ଲା ପାଟଣା ଥାନା ଗଣ୍ଡବେଡ଼ା ଗାଁରେ ଶ୍ୱଶୁର ଘର ପଛପଟୁ ଜ୍ୱାଇଁର ଝୁଲନ୍ତା ମୃତଦେହ ଉଦ୍ଧାର
  • ||
  • ବସ୍ତା : ବାଲେଶ୍ଵର ଜିଲ୍ଲା ବସ୍ତା-ଅମର୍ଦା ରୋଡ ରେଳ ଷ୍ଟେସନ ମଧ୍ୟବର୍ତ୍ତୀ ବ୍ରାହ୍ମଣଦା ଗ୍ରାମ ନିକଟ ରେଳ ଧାରଣା ପାର୍ଶ୍ଵରୁ ଅଜଣା ଯୁବକଙ୍କ ମୃତଦେହ ଉଦ୍ଧାର
  • ||
  • ଆଠମଲ୍ଲିକ : ଅନୁଗୁଳ ଜିଲ୍ଲା ଆଠମଲ୍ଲିକ ବ୍ଲକ ହଣ୍ଡପା ଥାନା ଅନ୍ତର୍ଗତ ରଘୁନାଥପୁର ଗାଁ ପଡ଼ିଆରେ କ୍ରିକେଟ ଖେଳିବା ବେଳେ ପଡ଼ିଲା ଚଡ଼କ, ଜଣେ ମୃତ ଅନ୍ୟ ଜଣେ ଗୁରୁତର
  • ||
  • ଢେଙ୍କାନାଳ : ଢେଙ୍କାନାଳ ସଦର ଥାନା ଭାପୁର ଫାଣ୍ଡି ଗଙ୍ଗାଧର ପ୍ରସାଦ ଗାଁ ପଶ୍ଚିମେଶ୍ୱର ମନ୍ଦିର ନିକଟରେ ପିକଅପ୍ ଭ୍ୟାନ ଓ ଟ୍ରକ୍ ମୁହାଁମୁହିଁ ଧକ୍କା, ଡ୍ରାଇଭର୍ ଗୁରୁତର
  • ||
  • ଭୁବନେଶ୍ଵର : ଦୁଇ ଆଇଏଏସ୍‌ଙ୍କୁ ହକି ବିଶ୍ୱକପ୍‌ ପରିଚାଳନା ଦାୟିତ୍ୱ, ରାଉରକେଲା ପାଇଁ ଭୂପେନ୍ଦ୍ର ସିଂ ପୁନିଆ, ଭୁବନେଶ୍ଵରରେ ରଘୁ ଜି
  • ||
  • ବଲାଙ୍ଗୀର : ଧୁମ୍‌ଧାମ୍‌ରେ ପାଳିତ ହେଲା ବଲାଙ୍ଗୀରର ବଏଲ ଯାତ୍ରା, ସମାଜର ମଙ୍ଗଳ ଉଦ୍ଦେଶ୍ୟରେ ଦେବୀଙ୍କ ଆରାଧନା କଲେ ଶ୍ରଦ୍ଧାଳୁ
  • ||
  • ମୁନିଗୁଡ଼ା : ରାୟଗଡ଼ା ଜିଲ୍ଲା ଅମ୍ବାଦଳା ଥାନା ଅନ୍ତର୍ଗତ କାମାରି ଗାଁ ନିକଟ ଜଙ୍ଗଲରୁ ଝୁଲନ୍ତା ଅବସ୍ଥାରେ ନିଖୋଜ ମହିଳାଙ୍କ ଗଳିତ ମୃତଦେହ ଉଦ୍ଧାର
  • ||
  • ଭୁବନେଶ୍ୱର : ଉପକୂଳରେ ନବମୀ ଓ ଦଶମୀରେ ବର୍ଷିବ ବୋଲି ଆକଳନ କରିଛନ୍ତି ପାଣିପାଗ ବିଶେଷଜ୍ଞ
  • ||
  • ଭୁବନେଶ୍ଵର : ଆଜି ପୀଠରେ ଦଶମୀ ; ମଣ୍ଡପରେ ମହାନବମୀ, ଚଣ୍ଡୀପାଠରେ କମ୍ପୁଛି ପୂଜା ମଣ୍ଡପ
  • ||
  • କୋଣାର୍କ : ଲଘୁଚାପ ପ୍ରଭାବରେ ସୋମବାର ରାତିରୁ କୋଣାର୍କରେ ପ୍ରବଳ ବର୍ଷା ହୋଇ ସୂର୍ଯ୍ୟମନ୍ଦିରରେ ଜମିଲା ପାଣି, ପର୍ଯ୍ୟଟକ ନିରାଶ
  • ||

୨୦୦ତମ ନାମାଙ୍କନ ଭରିଲେ ପଦ୍ମରାଜନ୍: ୧୯୯ ଥର ଲଢ଼ିଛନ୍ତି, ଜିତିନାହାନ୍ତି

source:www.business-standard.com

ଧର୍ମପୁରୀ,୩୦ା୩(ଏଜେନ୍ସି): ନିର୍ବାଚନ ଋତୁ ଆସିଲେ ତାମିଲନାଡୁର ସାଲେମ୍‌ ବାସିନ୍ଦା କେ. ପଦ୍ମରାଜନ୍‌ଙ୍କ ନାମ ଚର୍ଚ୍ଚାକୁ ଆସେ । ଏଥର ମଧ୍ୟ ତାଙ୍କୁ ନେଇ ବେଶ୍‌ ଚର୍ଚ୍ଚା ଆରମ୍ଭ ହୋଇଛି । କାରଣ ନିଜ ରାଜନୈତିକ କ୍ୟାରିଅର୍‌ର ୨୦୦ତମ ନାମାଙ୍କନପତ୍ର ଦାଖଲ କରିଛନ୍ତି ସେ । ତାମିଲନାଡୁର ଧର୍ମପୁରୀ ଲୋକସଭା ନିର୍ବାଚନ ମଣ୍ଡଳୀରୁ ପ୍ରାର୍ଥୀ ଭାବେ ଇଲେକ୍ସନ୍‌ କିଙ୍ଗ୍‌ ପଦ୍ମରାଜନ୍‌ ପ୍ରାର୍ଥିପତ୍ର ଦାଖଲ କରିଛନ୍ତି ।

ହୋମିଓପାଥି ଡାକ୍ତରରୁ ବ୍ୟବସାୟୀ ସାଜିଥିବା ଡ. କେ ପଦ୍ମରାଜନ୍‌ ନିଜର ଏହି ଅଜବ ନିଶା ବାବଦରେ କୁହନ୍ତି, ଭାରତ ଏକ ଗଣତନ୍ତ୍ର ରାଷ୍ଟ୍ର । ତେଣୁ ଏଠାରେ ଯେ କେହି ଚାହିଁବ, ନିର୍ବାଚନ ଲଢ଼ିପାରିବ । ତେଣୁ ମୁଁ ପ୍ରତି ଥର ନିର୍ବାଚନ ଲଢ଼ିଆସୁଛି । ୧୯୮୮ ମସିହାରୁ ମୋର ଏହି ଅଭିଯାନ ଜାରି ରହିଛି । ଜାଣିନି ଆଗକୁ ଜିତିବି କି ନାହିଁ, ତଥାପି ମୋର ଏହି ଅଭିଯାନ ଜାରି ରହିବ । ଉଲ୍ଲେଖଯୋଗ୍ୟ, ସବୁଠୁ ଅସଫଳ ପ୍ରାର୍ଥୀ ଭାବେ ଲିମ୍‌କା ବୁକ୍‌ ରେକର୍ଡରେ ସ୍ଥାନ ପାଇଥିବା ପଦ୍ମରାଜନ୍‌ ଏବେ ଗିନିଜ୍‌ ବୁକ୍‌ ଅଫ୍‌ ୱାର୍ଲଡ୍‌ ରେକର୍ଡସରେ ନିଜ ନାମ ଲିପିବଦ୍ଧ କରାଇବାକୁ ଚାହୁଁଛନ୍ତି । ତେଣୁ ସେ ପୂର୍ବର ୧୯୯ ଥର ପରାଜୟ ଦୁଃଖକୁ ଖାତିର ନକରି ପୁଣି ନିର୍ବାଚନ ଲଢ଼ିବାକୁ ଆଗେଇ ଆସିଛନ୍ତି ।

ପୂର୍ବରୁ ୧୯୯ ଥର ନିର୍ବାଚନ ଲଢ଼ିଥିଲେ ହେଁ ଥରୁଟିଏ ବି ଜିତିନାହାନ୍ତି । ନିଜ ରାଜନୈତିକ କ୍ୟାରିୟର୍‌ରେ ପଦ୍ମରାଜନ୍‌ ୪ ପ୍ରଧାନମନ୍ତ୍ରୀ, ୧୧ ମୁଖ୍ୟମନ୍ତ୍ରୀ, ୧୫ କେନ୍ଦ୍ରମନ୍ତ୍ରୀଙ୍କ ବିରୋଧରେ ଲଢ଼ିଛନ୍ତି । ପୂର୍ବତନ ରାଷ୍ଟ୍ରପତି ଏପିଜେ ଅବ୍‌ଦୁଲ୍‌ କଲାମ୍‌, ପ୍ରଣବ ମୁଖାର୍ଜୀ, ପ୍ରତିଭା ପାଟିଲ, ପୂର୍ବତନ ପ୍ରଧାନମନ୍ତ୍ରୀ ଅଟଳ ବିହାରୀ ବାଜପେୟୀ, ମନମୋହନ ସିଂହଙ୍କ ବିରୋଧରେ ପ୍ରାର୍ଥୀ ହୋଇ ଲଢ଼ିଛନ୍ତି । ନିଜର ଏହି ଅଭିଯାନ ଜାରି ରଖିବା ପାଇଁ ସେ ପାଖାପାଖି ୨୦ ଲକ୍ଷ ଟଙ୍କା ବ୍ୟୟ କରିସାରିଲେଣି । ଏଥିରେ ତାଙ୍କ ପରିବାର ସଦସ୍ୟ ମଧ୍ୟ ତାଙ୍କୁ ସହଯୋଗ କରିଆସୁଛନ୍ତି । ଏମିତି କି ୨୦୦ତମ ନାମାଙ୍କନ ଦାଖଲ କରିବା ବେଳେ ମଧ୍ୟ ତାଙ୍କ ପୁଅ ସାଙ୍ଗରେ ଆସିଥିଲେ । ତେବେ ୨୦୧୯ ଲୋକସଭା ନିର୍ବାଚନରେ ଧର୍ମପୁରୀ ବାସିନ୍ଦା ତାଙ୍କୁ ଜିତାଇବେ ନା ପଦ୍ମରାଜନ୍‌ ପୁଣି ନିଜର ‘ସବୁଠୁ ଅସଫଳ ପ୍ରାର୍ଥୀ’ ମାନ୍ୟତା କାଏମ୍‌ ରଖିବେ, ତାହା ମେ ୨୩ରେ ଜଣା ପଡ଼ିବ ।