PRAMEYA

Prameya News Portal, Prameya Daily, Odisha Latest News, Odisha Current Headlines, Odisha News Online

ପ୍ରମୁଖ ଖବର
  • ନୂଆପଡା ସାଲେଭଟା ଛକରେ ରକ୍ତାକ୍ତ ଅବସ୍ଥାରେ ଯୁବକ-ଯୁବତୀ ଉଦ୍ଧାର
  • ||
  • ହାଇଦ୍ରାବାଦ: ପ୍ରଧାନମନ୍ତ୍ରୀ ନରେନ୍ଦ୍ର ମୋଦିଙ୍କ ସୁରକ୍ଷାରେ ଗୁରୁତର ତ୍ରୁଟି, ହେଲିକପ୍ଟର ଉଡାଣ ଭରିବା କ୍ଷଣି ମଝି ଆକାଶରେ ଦେଖାଗଲା କଳା ବେଲୁନ୍, ୪ କଂଗ୍ରେସ କର୍ମୀ ଗିରଫ
  • ||
  • ବିଧାନସଭା ଭିତରକୁ ଧସେଇ ପଶିବାକୁ ଉଦ୍ୟମ ବେଳେ ପୋଲିସ-ଛାତ୍ର କଂଗ୍ରେସ ମଧ୍ୟରେ ଧସ୍ତାଧସ୍ତି
  • ||
  • ନୂଆପଡା ଉଦ୍ୟାନବନ୍ଧ କ୍ରିଷ୍ଣା ଛକରେ ଟ୍ରକ ଧକ୍କାରେ ୪ ଜଣଙ୍କ ମୃତ୍ୟୁ
  • ||
  • ବୌଦ୍ଧ : କଣ୍ଟାମାଳ ବ୍ଲକ୍ ମନମୁଣ୍ଡା ରେଞ୍ଜ୍ ଅନ୍ତର୍ଗତ ରତାଖଣ୍ଡି ସଂରକ୍ଷିତ ଜଙ୍ଗଲରେ ଫାଶରେ ପଡ଼ି ଏକ ଭାଲୁର ମୃତ୍ୟୁ
  • ||
  • କୋଲକାତା : ମାତ୍ର ୭୫ ଟଙ୍କା ପାଉଣା ଫେରସ୍ତ ଦାବିରେ ଦେଖାଦେଇଥିଲା ଅଶାନ୍ତି, ନମାଜ ପଢ଼ି ଫେରିବା ବାଟରେ ବୃଦ୍ଧଙ୍କୁ ପିଟିପିଟି ହତ୍ୟା
  • ||
  • ଭୁବନେଶ୍ବର : ୨୦୧୯ ରୁ ୨୦୨୨ ମଧ୍ୟରେ ରାଜ୍ୟରେ ପଞ୍ଜିକୃତ ହୋଇଛି ୧୦ ହଜାର ୧୨୯ ଦୁଷ୍କର୍ମ ମାମଲା : ଗୃହରାଷ୍ଟ୍ର ମନ୍ତ୍ରୀ
  • ||
  • ଭୁବନେଶ୍ବର : ଜୁଲାଇ ୬ରେ ମାଟ୍ରିକ ପରୀକ୍ଷା ଫଳ ଘୋଷଣା । ଦିନ ୧ଟାରେ ପ୍ରକାଶ ପାଇପ ରେଜଲ୍ଟ । ଗଣଶିକ୍ଷା ମନ୍ତ୍ରୀ ସମୀର ରଞ୍ଜନ ଦାଶଙ୍କ ସୂଚନା ।
  • ||
  • ଗୋଚ୍ଛାପଡ଼ା/ଫୁଲବାଣୀ : ବହୁଚର୍ଚ୍ଚିତ ଯୋଡ଼ାମୁଣ୍ଡ ଶିଶୁ ଜଗାର ଖପୁରି ୩ ବର୍ଷ ମଧ୍ୟରେ ପ୍ରତିରୋପଣ କରାଯିବ । ଦିଲ୍ଲୀ ଏମସ୍‌ ନ୍ୟୁରୋ ସର୍ଜରୀ ଡାକ୍ତର ଦୀପକ ଗୁପ୍ତାଙ୍କ ସୂଚନା ।
  • ||
  • ନୂଆଦିଲ୍ଲୀ : ଆନ୍ଧ୍ରପ୍ରଦେଶ ଗସ୍ତରେ ପ୍ରଧାନମନ୍ତ୍ରୀ ନରେନ୍ଦ୍ର ମୋଦୀ, ଅଲ୍ଲୁରୀ ସୀତାରାମ ରାଜୁଙ୍କ ପ୍ରତିମୂର୍ତ୍ତି କରିବେ ଉନ୍ମୋଚନ
  • ||
  • କୋଟପାଡ଼ : କୋଟପାଡ଼ ମୀନାବଜାରରେ ଦୋଳି ଖେଳୁଥିବା ବେଳେ ଜଣେ ନାବଳିକାଙ୍କ ହୃଦ୍‌ଘାତରେ ମୃତ୍ୟୁ
  • ||
  • ମୁମ୍ବାଇ: ମହାରାଷ୍ଟ୍ର ରାଜନୀତିରେ ପୁଣିଥରେ ଏକନାଥଙ୍କ ବାଜିମାତ୍। ଫ୍ଳୋର ଟେଷ୍ଟରେ ବହୁମତ ହାସଲ କରିଛନ୍ତି ସିନ୍ଦେ। ସିନ୍ଦେଙ୍କୁ ୧୬୪ ସଦସ୍ୟ ସମର୍ଥନ କରିଥିବା ସୂଚନା।
  • ||
  • ଧର୍ମଗଡ଼ : କଳାହାଣ୍ଡି ଜିଲ୍ଲା ଗୋଲାମୁଣ୍ଡା ବ୍ଲକ ଚଞ୍ଚରମୁଣ୍ଡା ଛକ ବିଜୁ ଏକ୍ସପ୍ରେସ୍ ରାସ୍ତା କଡ଼ରୁ ଜଣେ ଅଜଣା ବ୍ୟକ୍ତିଙ୍କ ମୃତଦେହ ଉଦ୍ଧାର, ହତ୍ୟା ସନ୍ଦେହ
  • ||
  • ନୂଆଦିଲ୍ଲୀ : ହିମାଚଳ ପ୍ରଦେଶର କୁଲ୍ଲୁରେ ବସ୍ ଦୁର୍ଘଟଣା, ସ୍କୁଲ ପିଲାଙ୍କ ସମେତ ୧୬ଜଣଙ୍କର ମୃତ୍ୟୁ ଆଶଙ୍କା
  • ||
  • ନୂଆଦିଲ୍ଲୀ : ମିସ୍ ଇଣ୍ଡିଆ ୱାର୍ଲ୍ଡ ୨୦୨୨ : ବିଜୟ ମୁକୁଟ ପିନ୍ଧିଲେ ସିନି ଶେଟ୍ଟୀ
  • ||
  • ନୂଆଦିଲ୍ଲୀ : ଭାଙ୍ଗିଗଲା ଆଲପାଇନ୍ ଗ୍ଲାସିୟରର ବିଶାଳ ଖଣ୍ଡ, ୫ ମୃତ
  • ||
  • ଭୁବନେଶ୍ବର : ମାଟ୍ରିକ୍ ରେଜଲ୍ଟ ପ୍ରକାଶ ନେଇ ବୋର୍ଡର ସମସ୍ତ ପ୍ରସ୍ତୁତି ଶେଷ, ସଚିବାଳୟରେ ଆଜି ନିଆଯିବ ଚୂଡ଼ାନ୍ତ ନିଷ୍ପତ୍ତି
  • ||
  • ବାଲିପାଟଣା : ବାଲିଘାଟକୁ କେନ୍ଦ୍ର କରି ଯୁବକଙ୍କୁ ଖଣ୍ଡାମାଡ଼, ଗୁରୁତର ଅବସ୍ଥାରେ ଡାକ୍ତରଖାନାରେ ଭର୍ତ୍ତି
  • ||
  • ନୂଆଦିଲ୍ଲୀ : ଆଇସିୟୁରେ ଭର୍ତ୍ତି ହେଲେ ଲାଲୁ ଯାଦବ, ପଡ଼ିଯିବା କାରଣରୁ ହୋଇଥିଲେ ଆହତ
  • ||
  • ଡେନମାର୍କ : ଡେନମାର୍କର ସପିଂ ମଲରେ ଫୁଟିଲା ଗୁଳି, ୩ଜଣଙ୍କର ମୃତ୍ୟୁ
  • ||

ସୀମାରେ ପୁଣି ଉଡ଼ିଲା ପାକ୍‌ ଯୁଦ୍ଧ ବିମାନ

ନୂଆଦିଲ୍ଲୀ,୧୩ ।୩(ଏଜେନ୍ସି): ପୁଲୱାମା ଆତଙ୍କୀ ଆକ୍ରମଣ ଓ ପରବର୍ତ୍ତୀ ସମୟରେ ବାଲାକୋଟ୍‌ରେ ଭାରତୀୟ ବାୟୁସେନାର ବିମାନ ଆକ୍ରମଣ ଘଟଣା ପରେ ଜମ୍ମୁ-କାଶ୍ମୀରରେ ପାକିସ୍ତାନର ହରକତ ଜାରି ରହିଛି । ପାକିସ୍ତାନୀ ସେନା ଲଗାତାର ଭାବେ ଅସ୍ତ୍ରବିରତି ଉଲ୍ଲଂଘନ କରି ଭାରତୀୟ ସେନାଶିବିର ଓ ଜନବସତିକୁ ଟାର୍ଗେଟ କରିଆସିଛି । ସେହିଭଳି ଗତକାଲି ରାତିରେ ପାକିସ୍ତାନର ଦୁଇଟି ଯୁଦ୍ଧ ବିମାନ ମଧ୍ୟ ପୁଞ୍ଚ ସେକ୍ଟରରେ ଭାରତୀୟ ସୀମା ଭିତରକୁ ପ୍ରବେଶ ଉଦ୍ୟମ କରିଥିଲା । କିନ୍ତୁ ପାକିସ୍ତାନର ଏଭଳି ଉଦ୍ୟମକୁ ସୀମାରେ ସଜାଗ ଭାରତୀୟ ବାୟୁସେନା ପଣ୍ଡ କରିଦେଇଛି । ସୂଚନା ଅନୁସାରେ ନିୟନ୍ତ୍ରଣ ରେଖାର ଅତି ନିକଟରେ ଗତକାଲି ରାତିରେ ଏହି ଦୁଇଟି ଯୁଦ୍ଧ ବିମାନ ଅତି ଦ୍ରୁତଗତିରେ ଉଡୁଥିଲେ । ବିମାନ ଉଡାଣର ପ୍ରଚଣ୍ଡ ଶବ୍ଦ ମଧ୍ୟ ଶୁଣିବାକୁ ମିଳିଥିଲା । ଅବଶ୍ୟ ଜେଟ୍‌ ବିମାନ ଦୁଇଟି ନିୟନ୍ତ୍ରଣ ରେଖା ଠାରୁ ୧୦ କି.ମି. ଦୂର ତଥା ପାକିସ୍ତାନ ସୀମା ଭିତରେ ଉଡୁଥିଲା । କିନ୍ତୁ ଭାରତୀୟ ସୀମାରେ ମୁତୟନ ବାୟୁସେନା ରାଡାରରେ ତାହା ଧରାପଡିଥିଲା । ଏକଥା ଜଣାପଡିବା ପରେ ବାୟୁସେନାକୁ ସମ୍ପୂର୍ଣ୍ଣ ଭାବେ ହାଇଆଲର୍ଟରେ ରଖାଯାଇଛି । ଏୟାର ଡିଫେନ୍ସ ଓ ରାଡାର ସିଷ୍ଟମକୁ ଅଧିକ ସକ୍ରିୟ କରାଯାଇଛି । ପାକିସ୍ତାନର ଯେକୌଣସି ପ୍ରକାର ହରକତର ଦୃଢ଼ ଜବାବ ଦେବାକୁ ବାୟୁସେନାକୁ ମଧ୍ୟ ନିର୍ଦ୍ଦେଶ ଦିଆଯାଇଛି ।
ଭାରତରେ ସୈନ୍ୟବାହିନୀର ତିନୋଟି ଯାକ ଅଙ୍ଗକୁ ହାଇଆଲର୍ଟରେ ରଖାଯାଇଛି । ସମସ୍ତଙ୍କୁ ଯୁଦ୍ଧର ସମ୍ମୁଖୀନ ହେବା ପାଇଁ ପ୍ରସ୍ତୁତ ରହିବାକୁ ଗୁପ୍ତ ନିର୍ଦ୍ଦେଶ ଦିଆଯାଇଛି । ସ୍ଥଳସେନା ଏବଂ ବାୟୁସେନା ଯେକୌଣସି ମୁହୂର୍ତ୍ତରେ ଶତ୍ରୁର ଆକ୍ରମଣ କିମ୍ବା ବାୟୁସୀମା ଉଲ୍ଲଂଘନକୁ ପ୍ରତିହତ କରିବା ପାଇଁ ଅଭ୍ୟାସ କରୁଛନ୍ତି । ଭାରତର ସମସ୍ତ ବାୟୁସେନା ଷ୍ଟେସନକୁ ‘ପ୍ୟାସିଭ୍‌ ଡିଫେନ୍ସ ମୋଡ’ରେ ରଖାଯିବା ପାଇଁ ନିର୍ଦ୍ଦେଶ ଜାରି କରାଯାଇଛି । ବାୟୁସେନା ଷ୍ଟେସନ ପାଇଁ ଦୁଇ ପ୍ରକାର ସୁରକ୍ଷା ବ୍ୟବସ୍ଥା ଯଥା ଆକ୍ଟିଭ୍‌ ଏବଂ ପ୍ୟାସିଭ୍‌ ଡିଫେନ୍ସ ମୋଡର ବ୍ୟବସ୍ଥା କରାଯାଇଥାଏ । ଆକ୍ଟିଭ୍‌ ଡିଫେନ୍ସ ମୋଡରେ ରଖାଗଲେ ସବୁ ଷ୍ଟେସନରେ ବାୟୁ ପ୍ରତିରକ୍ଷା ପ୍ରଣାଳୀ, ବିମାନ ବିଧ୍ୱଂସୀ ତୋପ ଏବଂ ଯୁଦ୍ଧବିମାନକୁ ତୟାର ରଖାଯାଇଥାଏ । ଶତ୍ରୁ ଆକ୍ରମଣ କଲେ ତାହାର ଜବାବ ଦେବା ପାଇଁ ଏଭଳି ବ୍ୟବସ୍ଥା କରାଯାଇଥାଏ । ପ୍ୟାସିଭ୍‌ ମୋଡରେ ରଖାଗଲେ ସବୁ ଷ୍ଟେସନ, ସେଠାରେ ଥିବା ଯୁଦ୍ଧାସ୍ତ୍ର, ସୈନିକ ଏବଂ ସେମାନଙ୍କ ପରିବାରଙ୍କ ସୁରକ୍ଷା ପାଇଁ ପଦକ୍ଷେପ ଗ୍ରହଣ କରାଯାଏ । ଶତ୍ରୁ ରାଷ୍ଟ୍ର ଆକସ୍ମିକ ଭାବେ ଭାରତର ବାୟୁସେନା ଷ୍ଟେସନଗୁଡିକ ଉପରେ ଆକ୍ରମଣ କରିବାର ଆଶଙ୍କା ଥିଲେ ଏଭଳି ପଦକ୍ଷେପ ନିଆଯାଇଥାଏ । ଏବେ ଏଭଳି ପଦକ୍ଷେପ ନିଆଯାଇଛି ।
ବାୟୁସେନାର ସମସ୍ତ ଅଧିକାରୀ ଓ ଯବାନଙ୍କ ଛୁଟି ବାତିଲ କରାଯାଇଛି । ଯେଉଁମାନେ ପୂର୍ବରୁ ଛୁଟିରେ ଯାଇଥିଲେ, ସେମାନଙ୍କୁ କାର୍ଯ୍ୟରେ ତୁରନ୍ତ ଯୋଗ ଦେବାକୁ ନିର୍ଦ୍ଦେଶ ଦିଆଯାଇଛି । ସବୁ ଷ୍ଟେସନରେ ଶତ୍ରୁର ବୋମାମାଡ଼ରୁ ବର୍ତ୍ତିବା ପାଇଁ ଟ୍ରେଞ୍ଚ (ଭୂତଳ ଢାଞ୍ଚା) ନିର୍ମାଣ କରାଯାଉଛି । ଷ୍ଟେସନ ପରିସରରେ ରହୁଥିବା ବାୟୁସେନା କର୍ମଚାରୀଙ୍କ ପରିବାରବର୍ଗଙ୍କୁ ଶତ୍ରୁ ଆକ୍ରମଣ ସମୟରେ କିଭଳି ଜରୁରୀକାଳୀନ ପଦକ୍ଷେପ ଗ୍ରହଣ କରିବାକୁ ହେବ, ସେଥିପାଇଁ ପ୍ରଶିକ୍ଷଣ ଦିଆଯାଉଛି । ଉଭୟ ସ୍ଥଳସେନା ଏବଂ ବାୟୁସେନାର ପ୍ରତି ଘାଟିରେ ଆହତ ଯବାନଙ୍କୁ କିପରି ଜରୁରୀକାଳୀନ ଚିକିତ୍ସା ସୁବିଧା ଯୋଗାଇ ଦିଆଯାଇପାରିବ, ସେଥିପାଇଁ ବ୍ୟବସ୍ଥା କରିବାକୁ କୁହାଯାଇଛି । ଖାଲି ସେତିକି ନୁହେଁ ସମସ୍ତ ଯୁଦ୍ଧାସ୍ତ୍ର ଡିପୋକୁ ବି ଯେକୌଣସି ମୁହୂର୍ତ୍ତରେ ଯୁଦ୍ଧ ଲାଗିଲେ, ତୁରନ୍ତ ଏବଂ ନିରନ୍ତର ଯୋଗାଣ ପାଇଁ ପ୍ରସ୍ତୁତ ରହିବାକୁ ନିର୍ଦ୍ଦେଶ ଦିଆଯାଇଛି । ସ୍ଥଳସେନା ମୁଖ୍ୟ ଜେନେରାଲ ବିପିନ ରାୱତ ନିକଟରେ ରାଜସ୍ଥାନ ଓ ଗୁଜରାଟ ସୀମା ପରିଦର୍ଶନ କରି ସେନାର ପ୍ରସ୍ତୁତିର ସମୀକ୍ଷା କରିଛନ୍ତି । ସେପଟେ ପାକିସ୍ତାନ ମଧ୍ୟ ନିଜର ସ୍ଥଳସେନା, ବାୟୁସେନା ଏବଂ ନୌସେନାକୁ ଯୁଦ୍ଧ ପାଇଁ ପ୍ରସ୍ତୁତ ରହିଛି । ଏସବୁକୁ ଦେଖିଲେ ଆଗାମୀ ଦିନରେ ଭାରତ ଓ ପାକିସ୍ତାନ ମଧ୍ୟରେ ଯୁଦ୍ଧ ସମ୍ଭାବନାକୁ ଏଡାଇ ଦିଆଯାଇନପାରେ ବୋଲି ମନେ କରାଯାଉଛି ।

ସମ୍ବନ୍ଧିତ ଖବର