ଭୁବନେଶ୍ଵର, ୨୪/୦୧ : ଭୁବନେଶ୍ଵର ସ୍ଥିତ ପଟିଆ ଜଗନ୍ନାଥ ଆମ୍ବ ତୋଟା ବସ୍ତିରେ ଲମ୍ପି ଭାଇରସ୍ ଆତଙ୍କ। ଏହି ଅଞ୍ଚଳରେ ଗାଈଗୋରୁ ମଇଁଷି ଲମ୍ପି ଭାଇରସ୍ ଦ୍ଵାରା ସଂକ୍ରମିତ ହେଉଛନ୍ତି। ଲମ୍ପି ଆକ୍ରମଣ କରିବା ମାତ୍ରେ ଗାଈ ମଇଁଷିଙ୍କ ଗୋଡ଼ ଫୁଲି ଫାଟି ଘା ହୋଇଯାଉଛି। ଖୁରାରେ ମଧ୍ୟ ଘା ହେଉଛି। ସଂକ୍ରମିତ ହେବାର ୪-୫ ଦିନ ଯାଏଁ ନଖାଇ ନପିଇ ପଶୁମାନେ ପଡ଼ି ରହୁଛନ୍ତି। ଏହାପରେ ମୃତ୍ୟୁ ହେଉଛି।
ଓୟୁଏଟି ଡ଼ାକ୍ତରମାନେ ଚିକିତ୍ସା କରୁଥିଲେ ସୁଦ୍ଧା ଏହାର ସଫଳ ଚିକିତ୍ସା ଏଯାଏଁ ବାହାରି ପାରି ନାହିଁ। ଏହି ବସ୍ତିରେ ପ୍ରାୟ ୧୫ ପାଖାପାଖି ଗୃହ ପାଳିତ ପଶୁଙ୍କ ମୃତ୍ୟୁ ହୋଇ ସାରିଲାଣି। ଫଳରେ ସ୍ଥାନୀୟ ଅଞ୍ଚଳରେ ଆତଙ୍କ ସୃଷ୍ଟି ହୋଇଛି।
