ଭୁବନେଶ୍ୱର, ୦୨/୦୪: ଖବରକାଗଜ ବିକ୍ରି କରୁଥିବା ବେଳେ ବିତରକଙ୍କ ଉପରେ ମାଡ଼ିଗଲା ପିସିଆର୍ । ପିସିଆର ଧକ୍କାରେ ଖବରକାଗଜ ବିତରକ ଆହତ । ଆହତ ଅବସ୍ଥାରେ ଖବର କାଗଜ ବିତରକ ମେଡିକାଲରେ ଭର୍ତ୍ତି ହୋଇଛନ୍ତି । କଟକ ଜିଲ୍ଲା ବାଦାମବାଡ଼ି ପୁରୁଣା ବସ୍ଷ୍ଟାଣ୍ଡ ଭିତରେ ଏଭଳି ଘଟଣା ଘିଟିଛି ।
ସୂଚନା ମୁତାବକ, ଜଣେ ଖବରକାଗଜ ବିତରକ ବାଦାମବାଡ଼ି ପୁରୁଣା ବସ୍ଷ୍ଟାଣ୍ଡ ଭିତରକୁ ଖବରକାଗଜ ବିକ୍ରି କରିବା ପାଇଁ ଯାଇଥିଲେ । ସେଠାରେ ବୁଲି ବୁଲି ବସ୍ରେ ଯାତ୍ରା କରୁଥିବା ଲୋକମାନଙ୍କୁ ଖବରକାଗଜ ବିକ୍ରି କରିବା ବେଳେ ଏକ ପିସିଆର ଗାଡ଼ି ତାଙ୍କୁ ଧକ୍କା ଦେଇଥିଲା । ଖବରକାଗଜ ବିତରକଙ୍କୁ ଧକ୍କା ଦେଇ ତାଙ୍କ ଉପରକୁ ମାଡ଼ିଗଲା ପିସିଆର୍ । ଫଳରେ ବ୍ୟକ୍ତି ଜଣକ ଆହତ ହୋଇଥିଲେ । ଏହା ଦେଖି ସ୍ଥାନୀୟଲୋକେ ତାଙ୍କୁ ଉଦ୍ଧାର କରି ନିକଟସ୍ଥ ଡାକ୍ତରଖାନାରେ ଭର୍ତ୍ତି କରିଥିଲେ । ସେଠାରେ ଆହତ ଅବସ୍ଥାରେ ତାଙ୍କର ଚିକିତ୍ସା ଚାଲିଛି ।
