କଟକ, ୧୦/୦୭: ବୁଧୁବାର ରାତ୍ର ପ୍ରାୟ ୧୦ଟା୧୦ରେ କଟକ ନୂଆଗାଁ ୫୫ନମ୍ବର ଜାତୀୟ ରାଜପଥର ବିରିଡି ଥାନା ଅନ୍ତର୍ଗତ ବସନ୍ତପୁର ପେଟ୍ରୋଲ ଟାଙ୍କି ସାମ୍ନାରେ ଏକ ମର୍ମନ୍ତୁଦ ସଡ଼କ ଦୁର୍ଘଟଣା ଘଟିଛି । ଏଥିରେ ୨ ବାଇକ ଆରୋହୀଙ୍କ ଘଟଣାସ୍ଥଳରେ ହିଁ ମୃତ୍ୟୁ ହୋଇଥିବା ସୂଚନା ମିଳିଛି । ଯୁବକ ଦ୍ୱୟ ସମ୍ପର୍କରେ ଶଳା ଏବଂ ଭିଣୋଇ ବୋଲି ଜଣାପଡ଼ିଛି ।
ସୂଚନା ମୁତାବକ, ଭିଣୋଇ ଜଣେ ସୈନ୍ୟ ବାହିନୀର କର୍ମଚାରୀ ହୋଇଥିବାବେଳେ ସେ ଆସନ୍ତା କାଲି ତାଙ୍କ କର୍ମକ୍ଷେତ୍ରକୁ ଫେରିଥାନ୍ତେ । ହେଲେ ବୁଧବାର କଟକରୁ ଜଗତସିଂହପୁର ଅଭିମୁଖେ ବାଇକ ଯୋଗେ ଯାଉଥିଲେ ଶଳା ଏବଂ ଭିଣୋଇ । ବସନ୍ତପୁର ପେଟ୍ରୋଲ ଟାଙ୍କି ସମ୍ମୁଖରେ ଜଗତସିଂହପୁର ଆଡୁ ଦ୍ରୁତ ଗତିରେ ଆସୁଥିବା ଏକ ପିକଅପ୍ ଭ୍ୟାନ୍ ବାଇକ୍ଟିକୁ ଧକ୍କା ଦେଇଥିଲା । ଫଳରେ ଉଭୟ ରାସ୍ତା ଉପରକୁ ଛିଟିକି ପଡିଥିଲେ ଏବଂ ମୁଣ୍ଡ ମାଡ଼ହୋଇ ପ୍ରବଳ ରକ୍ତ ସ୍ରାବ ହୋଇଥିଲା । ଫଳରେ ଘଟଣାସ୍ଥଳରେ ହିଁ ଉଭୟଙ୍କ ମୃତ୍ୟୁ ହୋଇଥିଲା । ଦୁର୍ଘଟଣାରେ ବାଇକ୍ଟି ମଧ୍ୟ ସମ୍ପୂର୍ଣ୍ଣ ଭାଙ୍ଗି ଯାଇଥିବାବେଳେ ସ୍ଥାନୀୟ ଲୋକେ ପିକଅପ୍ ଭ୍ୟାନ୍କୁ ଜବତ କରିଥିବା ଜଣାପଡିଛି ।
