ନୂଆଦିଲ୍ଲୀ: ଦୀର୍ଘ ୧୦ ବର୍ଷ ହେବ ୨୩୯ ଯାତ୍ରୀଙ୍କୁ ନେଇ ନିଖୋଜ ଥିବା ଏକ ଯାତ୍ରୀବାହୀ ବିମାନର ଆଜି ପର୍ଯ୍ୟନ୍ତ ସନ୍ଧାନ ମିଳିପାରିନାହିଁ। ବିମାନର କୌଣସି ଭଗ୍ନାବଶେଷ ମିଳିନାହିଁ, କିମ୍ବା ଆଜି ପର୍ଯ୍ୟନ୍ତ ଏହାର ଯାତ୍ରୀଙ୍କ ବିଷୟରେ କିଛି ଜଣା ପଡି ନାହିଁ। ବିଶ୍ୱରେ ଏବେ ହାଇ ଟେକ୍ନୋଲୋଜିର ଯୁଗ ଚାଲିଛି । ବର୍ତ୍ତମାନ ଏକ ଆମେରିକୀୟ କମ୍ପାନୀ ଏହି ନିଖୋଜ ବିମାନକୁ ଖୋଜି ବାହାର କରିବାକୁ ନିଷ୍ପତ୍ତି ନେଇଛି । ତେବେ ମାଲେସିଆ ସରକାର 'MH370' ବିମାନର ସନ୍ଧାନକୁ ପୁନଃ ଆରମ୍ଭ କରିବା ପାଇଁ ଆମେରିକାର କମ୍ପାନୀର 'ନୋ ଫାଇଣ୍ଡ, ନୋ ଫି' ପ୍ରସ୍ତାବକୁ ଗ୍ରହଣ କରିଛନ୍ତି।
ପରିବହନ ମନ୍ତ୍ରୀ ଆନ୍ଥୋନୀ ଲୋକେ ଆଜି (ଶୁକ୍ରବାର) ଏହି ସୂଚନା ଦେଇଛନ୍ତି। କୁହାଯାଉଛି ଯେ, ପ୍ରାୟ ୧୦ ବର୍ଷ ପୂର୍ବେ ଦକ୍ଷିଣ ଭାରତ ମହାସାଗରରେ MH370 ବିମାନ ଦୁର୍ଘଟଣାଗ୍ରସ୍ତ ହୋଇଥିଲା । ଲୋକେ କହିଛନ୍ତି ଯେ ଗତ ସପ୍ତାହରେ କ୍ୟାବିନେଟ ମନ୍ତ୍ରୀ ମାନେ ଟେକ୍ସାସ କମ୍ପାନୀ 'ଓସେନ ଇନଫିନିଟି'କୁ ସମୁଦ୍ରର ୧୫ ହଜାର ବର୍ଗ କିଲୋମିଟରର ଏକ ନୂତନ ସ୍ଥାନରେ ଅନୁସନ୍ଧାନ ଜାରି ରଖିବାକୁ ଅନୁମତି ଦେଇଛନ୍ତି।
ମାର୍ଚ୍ଚ ୮, ୨୦୧୪ ରେ, ବୋଇଙ୍ଗ ୭୭୭ ବିମାନ ଉଡ଼ାଣ ପରେ ଖୁବ୍ ଶୀଘ୍ର ରାଡାର ଯୋଗାଯୋଗ ହରାଇଥିଲା । ଏହି ବିମାନରେ ୨୩୯ ଜଣ ଲୋକ ଥିଲେ, ସେମାନଙ୍କ ମଧ୍ୟରୁ ଅଧିକାଂଶ ଚାଇନାର ନାଗରିକ ଥିଲେ । ଏହି ବିମାନ ମାଲେସିଆର ରାଜଧାନୀ କୁଆଲାଲମ୍ପୁରରୁ ବେଜିଂ ଅଭିମୁଖେ ଯାତ୍ରା କରିଥିଲା।
