ଘରେ ଏହି ଗଛ ଲଗାଇବା ଫଳରେ କନ୍ଯା ସନ୍ତାନ ପ୍ରାପ୍ତି ହୋଇଥାଏ
ବୃକ୍ଷ ଓ ମାନବର କାହିଁ କେବେଠୁ ବନ୍ଧୁତା ରହିଆସିଛି । ଜୀବଜନ୍ତୁଙ୍କ ପାଇଁ ମଧ୍ଯ ବୃକ୍ଷ ଅତ୍ଯନ୍ତ ଦରକାରୀ । ବୃକ୍ଷ ଶୁଦ୍ଧ ବାୟୁ ସହିତ ଅନେକ ସକାରତ୍ମକ ଶକ୍ତି ପ୍ରଦାନ କରିଥାଏ । ପ୍ରତି ମନୁଷ୍ଯକୁ ନିଜ ଜୀବନକାଳ ମଧ୍ଯରେ ବୃକ୍ଷରୋପଣ କରିବା ଉଚିତ୍ । କୁହାଯାଏ ଗଛ ଲଗାଇବା ଫଳରେ ପରିବାରରେ ସୁଖ-ସମୃଦ୍ଧି ବୃଦ୍ଧି ହୋଇଥାଏ । ପ୍ରାୟ ଏହା ଦେଖାଯାଇଥାଏ ଯେ ଲୋକେ ଅଶ୍ୱତଥ୍, ବରଗଛକୁ ପୂଜା କରନ୍ତି । କିନ୍ତୁ ଆପଣ ଜାଣିଛନ୍ତି କି ବାସ୍ତୁ ଅନୁସାରେ କିଛି ଏମିତି ବି ଗଛ ଅଛି ଯାହା ସବୁ ମନୋକାମନା ପୂର୍ଣ୍ଣ କରିଥାଏ । ଯଦି ଜାଣିନାହାଁନ୍ତି ତେବେ ଆସନ୍ତୁ ଜାଣିବା …
ଶାସ୍ତ୍ର ଅନୁସାରେ ତୁଳସୀକୁ ଅତ୍ଯନ୍ତ ପବିତ୍ର ବୋଲି କୁହାଯାଏ । ତୁଳସୀକୁ ସମସ୍ତେ ନିଜ ଘରେ ପୂଜା କରିଥାନ୍ତି । କୁହାଯାଏ ଯଦି ଏହାକୁ ଘରେ ଲଗାଯାଏ ତେବେ ଘରର ବାତାବରଣ ଅତ୍ୟନ୍ତ ଶୁଦ୍ଧ ହୋଇଥାଏ ଏବଂ ଏହା ସହିତ ସୁଖ-ଶାନ୍ତି ବଢିଥାଏ ।
ବାସ୍ତୁ ଶାସ୍ତ୍ର ଅନୁସାରେ ଜାମୁଗଛ ଲଗାଇଲେ ସୌଭାଗ୍ଯ ସହିତ କନ୍ୟା ପ୍ରାପ୍ତି ହୋଇଥାଏ । ଯେଉଁ ଘରେ ସନ୍ତାନ ସୁଖ ମିଳୁନି କିମ୍ବା କନ୍ୟାରତ୍ନ ଦରକାର ତେବେ ନିଜ ଘରେ ଜାମୁ ଗଛ ଲଗାଇଲେ କନ୍ଯା ସନ୍ତାନ ପ୍ରାପ୍ତି ହେବ ।
ଯଦି ଆପଣ ସନ୍ତାନ ସୁଖରୁ ବଞ୍ଚିତ ତେବେ ପଳାଶ ଚାରା ଲଗାନ୍ତୁ । ଏହା ଫଳରେ ଖୁବଶୀଘ୍ର ସନ୍ତାନ ପ୍ରାପ୍ତି ହେବ ।
ବାସ୍ତୁ ଅନୁସାରେ କୌଣସି କଣ୍ଟକ ଯୁକ୍ତ ବୃକ୍ଷ ଘର ଭିତରେ କିମ୍ବା ଘର ନିକଟରେ ମଧ୍ଯ ରହିବା ଉଚିତ୍ ନୁହେଁ ।
ମା ଲକ୍ଷ୍ମୀଙ୍କୁ ପ୍ରସନ୍ନ କରିବା ପାଇଁ ପ୍ରତିଦିନ ଅଶ୍ୱତଥ୍ ବୃକ୍ଷ ମୂଳେ ଜଳ ଅର୍ପଣ କରନ୍ତୁ । ବାସ୍ତୁ ହିସାବରେ ଜଳାଶୟ ନିକଟରେ ଅଶ୍ୱତଥ୍ ବୃକ୍ଷରୋପଣ କଲେ ଅତ୍ଯନ୍ତ ପୂଣ୍ଯ ପ୍ରାପ୍ତି ହୋଇଥାଏ ।
ଲିମ୍ବ ଗଛ ଲଗାଇବା ଫଳରେ ଆୟୁ ବୃଦ୍ଧି ହୋଇଥାଏ ଏବଂ ଏହା ସହିତ ସୂର୍ଯ୍ଯଦେବଙ୍କ କୃପା ମଧ୍ଯ ରହିଥାଏ ।
ବାସ୍ତୁ ଅନୁସାରେ ମନି ପ୍ଲାଣ୍ଟର ଚାରା ଧନ ସମ୍ବନ୍ଧିତ ଲାଭ ପ୍ରଦାନ କରିଥାଏ । କୁହାଯାଏ କି କୌଣସି ବି ଚାରାଗଛ ମୁଖ୍ୟ ଦ୍ୱାର ସାମ୍ନାରେ ଲଗାଇବା ଉଚିତ୍ ନୁହେଁ ।
