PRAMEYA

Prameya News Portal, Prameya Daily, Odisha Latest News, Odisha Current Headlines, Odisha News Online

ପ୍ରମୁଖ ଖବର
  • ମହାରାଷ୍ଟ୍ର : ସିଏମ୍ ପଦରୁ ଉଦ୍ଧବ ଠାକରେଙ୍କ ଇସ୍ତଫା ପରେ କଣ ରହିଛି ବିଜେପିର ପ୍ଲାନ୍? ଫଡନବୀସ-ସିନ୍ଦେ ମେଣ୍ଟ ସରକାର ଗଠନ ନେଇ ଜୋରଦାର ଚର୍ଚ୍ଚା
  • ||
  • ‘ଦେଶରୁ କଂଗ୍ରେସ ମୂଳପୋଛ ହୋଇଯିବା ଉଚିତ, ଖାସ୍‌ ସେହି ଦଳ ପାଇଁ ଦୁଇଦୁଇ ଥର ପ୍ରଧାନମନ୍ତ୍ରୀ ହେଲେଣି ମୋଦି’: ଅସଦୁଦ୍ଦିନ ଓଓ୍ବେସୀ
  • ||
  • ମମିତା ମେହେର ହତ୍ୟା ମାମଲାରେ ମୁଖ୍ୟ ଅଭିଯୁକ୍ତ ଗୋବିନ୍ଦ ସାହୁକୁ ମିଳିଲା ଅନ୍ତରୀଣ ଜାମିନ
  • ||
  • ଅଗଷ୍ଟ ୬ରେ ଉପରାଷ୍ଟ୍ରପତି ନିର୍ବାଚନ, ଜୁଲାଇ ୧୭ ନାମାଙ୍କନର ଶେଷ ତାରିଖ : ଭାରତୀୟ ନିର୍ବାଚନ କମିଶନଙ୍କ ପକ୍ଷରୁ ବିଧିବଦ୍ଧ ଭାବେ ପ୍ରକାଶ ପାଇଲା ବିଜ୍ଞପ୍ତି
  • ||
  • ଡାବୁଗାଁ ବ୍ଲକ ଅନ୍ତର୍ଗତ ଯବାଗୁଡ଼ା ଗ୍ରାମରେ ପ୍ରେମୀଯୁଗଳଙ୍କ ଆତ୍ମହତ୍ୟା
  • ||
  • ପରକୀୟା ପ୍ରୀତି ସନ୍ଦେହ କରି ସ୍ତ୍ରୀକୁ ଟାଙ୍ଗିଆରେ ହାଣି ହତ୍ୟା କଲା ସ୍ବାମୀ
  • ||
  • ଭୁବନେଶ୍ୱର : ରାଜ୍ୟରେ ପୁଣି ବଢ଼ିଲା କରୋନା ମାମଲା, ୨୪ ଘଣ୍ଟାରେ ୧୬୧ କରୋନା ପଜିଟିଭ୍
  • ||
  • ନୟାଗଡ଼ : ଟ୍ରକ୍‌କୁ ପଛପଟୁ ପିଟିଲା କାର୍, ୮ ଆହତ
  • ||
  • କଟକ : ଭିଜିଲାନ୍ସ ପଞ୍ଝାରେ ସହକାରୀ ଯନ୍ତ୍ରୀ, ଏକକାଳୀନ ୪ଟି ସ୍ଥାନରେ ଚାଲିଛି ରେଡ୍
  • ||
  • ପାଟଣା : ଦୁଇ ଶିକ୍ଷକଙ୍କ ଘରେ କଳାକନା ବୁଲାଇଦେଲେ ଲୁଟେରା, ଝିଅ ବାହାଘର ପାଇଁ ରଖିଥିଲେ ସୁନାଗହଣା
  • ||
  • ମାଲକାନଗିରି : ବିଜାପୁରରେ ମାଓ ହିଂସା, ପୋଲିସ ଇନଫର୍ମର ସନ୍ଦେହରେ ସରପଞ୍ଚଙ୍କୁ ଗଳା କାଟି ହତ୍ୟା
  • ||

ପ୍ରକାଶ ପାଇଲା ଯୁକ୍ତ ୨ କଳା ଓ ବାଣିଜ୍ୟ ରେଜଲ୍ଟ, ପୁଣି ଛାତ୍ରୀ ଆଗରେ

ଭୁବନେଶ୍ୱର ୨୧/୬: ପ୍ରକାଶ ପାଇଲା ଯୁକ୍ତ ୨ କଳା ଓ ବାଣିଜ୍ୟ ରେଜଲ୍ଟ । ଭୁବନେଶ୍ୱର ଗୀତ ଗୋବିନ୍ଦ ସଦନରେ ରେଜଲ୍ଟ ଘୋଷଣା କଲେ ଗଣଶିକ୍ଷା ମନ୍ତ୍ରୀ ସମୀର ଦାସ । ନିମ୍ନଲିଖିତ ଦୁଇଟି ଓ୍ବେବସାଇଟ୍ ରେ ରେଜଲ୍ଟ ଜାଣିପାରିବେ ଛାତ୍ରଛାତ୍ରୀ । ପରୀକ୍ଷା ଫଳ ଓ୍ବେବସାଇଟ୍ orissaresults.nic.in ଏବଂ chseorissa.nic.in ରେ ରେଜଲ୍ଟ ଉପଲବ୍ଧ ।

କଳା ପରୀକ୍ଷା ଫଳ
ଏଥର କଳାରେ ୨ ଲକ୍ଷ ୩୧ ହଜାର ୧୫୦ ଜଣ ପରୀକ୍ଷାର୍ଥୀ ପରୀକ୍ଷା ଦେଇଥିଲେ । ୧ ଲକ୍ଷ ୫୨ ହଜାର ୩୨୩ ଜଣ ପରୀକ୍ଷାର୍ଥୀ  ଉତ୍ତୀର୍ଣ୍ଣ ହୋଇଛନ୍ତି । ପାସ୍ ହାର ରହିଛି ୬୫.୮୯ ପ୍ରତିଶତ । ଛାତ୍ର ୫୭ ହଜାର ୪୪୨ ଜଣ ପାସ୍ କରିଛନ୍ତି । ୯୪ ହଜାର ୮୮୧ ଛାତ୍ରୀ ପାସ୍ କରିଛନ୍ତି । ପାସ୍ କରିଥିବା ଛାତ୍ରଙ୍କ ପାସ୍ ହାର ହେଉଛି ୫୫.୮୦ ପ୍ରତିଶତ ଏବଂ ଛାତ୍ରୀଙ୍କ ପାସ୍ ହାର ହେଉଛି ୭୩.୯୯ ପ୍ରତିଶତ । ୧୮ ହଜାର ୭୭୩ ଜଣ ପ୍ରଥମ ଶ୍ରେଣୀରେ ଉତ୍ତୀର୍ଣ୍ଣ ହୋଇଛନ୍ତି । ୨୨ ହଜାର ୯୪୪ ଜଣ ଦ୍ୱିତୀୟ ଶ୍ରେଣୀରେ ପାସ୍ କରିଛନ୍ତି । ତୃତୀୟ ଶ୍ରେଣୀରେ ୧୦ ହଜାର ୪୫୧ ଜଣ ପାସ୍ କରିଛନ୍ତି । ବାଲେଶ୍ୱର ପାସ୍ ହାର ସର୍ବାଧିକ ଥିବାବେଳେ ନବରଙ୍ଗପୁର ସର୍ବନିମ୍ନ ପାସ୍ ହାର ରହିଛି । ବାଲେଶ୍ୱରରେ ୭୫.୬୭ ପ୍ରତିଶତ ପାସ୍ ହାର ଥିବାବେଳେ ନବରଙ୍ଗପୁରରେ ପାସ୍ ହାର  ୪୭.୪୬ ପ୍ରତିଶତ ରହିଛି ।

ବାଣିଜ୍ଯ ପରୀକ୍ଷା ଫଳ
ବାଣିଜ୍ଯ ୨୬ ହଜାର ୭୯୪ ପରୀକ୍ଷାର୍ଥୀ ପରୀକ୍ଷା ଦେଇଥିଲେ । ସେମାନଙ୍କ ମଧ୍ଯରୁ  ୧୮ ହଜାର ୮୨୬ ଜଣ ପରୀକ୍ଷାର୍ଥୀ ପାସ୍ କରିଛନ୍ତି । ୭୦.୨୬ ରହିଛି ପାସ୍ ହାର । ଛାତ୍ର ୧୧ ହଜାର ୭୩୮  ପାସ୍ କରିଥିବାବେଳେ ୭ ହଜାର ୮୮ ଜଣ ଛାତ୍ରୀ ପାସ୍ କରିଛନ୍ତି । ଛାତ୍ରଙ୍କ ପାସ୍ ହାର  ୬୭.୯୧ ପ୍ରତିଶତ  ଥିବାବେଳେ  ଛାତ୍ରୀଙ୍କ ପାସ୍ ହାର ୭୪.୫୨ ପ୍ରତିଶତ ରହିଛି । ୫ ହଜାର ୬୨୯ ଜଣ ପରୀକ୍ଷାର୍ଥୀ ପ୍ରଥମ ଶ୍ରେଣୀରେ ପାସ୍ କରିଛନ୍ତି ।  ୩ ହଜାର ୭୪୬ ଦ୍ୱିତୀୟ ଶ୍ରେଣୀରେ ପାସ୍ କରିଛନ୍ତି । ତୃତୀୟ ଶ୍ରେଣୀରେ ୯ ହଜାର ୪୨୨ ପରୀକ୍ଷାର୍ଥୀ ପାସ୍ କରିଛନ୍ତି ।

ଧନ୍ଦାମୂଳକ ପରୀକ୍ଷା ଫଳ
ଭୋକେସନାଲରେ ୭ ହଜାର ୮୪୦ ପରୀକ୍ଷାର୍ଥୀ ପରୀକ୍ଷା ଦେଇଥିଲେ । ୪ ହଜାର ୧୨୬ ପରୀକ୍ଷାର୍ଥୀ ପାସ୍ କରିଛନ୍ତି । ୫୨.୬୨ ପ୍ରତିଶତ ହେଉଛି ପାସ୍ ହାର । ୧ ହଜାର ୯୮୨ ଛାତ୍ର ପାସ୍ କରିଥିବାବେଳେ ୨ ହଜାର ୧୪୪ ଜଣ ଛାତ୍ରୀ ପାସ୍ କରିଛନ୍ତି । ଛାତ୍ରଙ୍କ ପାସ୍ ହାର ୪୭.୯୨ ପ୍ରତିଶତ ଥିବାବେଳେ  ଛାତ୍ରୀଙ୍କ ପାସ୍ ହାର ୫୭.୮୬ ପ୍ରତିଶତ ରହିଛି । ୫୪୪ ଜଣ ପରୀକ୍ଷାର୍ଥୀ ପ୍ରଥମ ଶ୍ରେଣୀରେ ପାସ୍ କରିଥିବାବେଳେ  ଦ୍ୱିତୀୟ ଶ୍ରେଣୀରେ ୧୭୦୭ ଜଣ ଏବଂ ତୃତୀୟ ଶ୍ରେଣୀରେ ୧୭୧୪ ଜଣ ପରୀକ୍ଷାର୍ଥୀ ପାସ୍ କରିଛନ୍ତି ।

କଳାରେ ଯାଜପୁର ଓ ଖୋର୍ଦ୍ଧା ଜିଲ୍ଲାର ୨ଟି କଲେଜରେ ପାସ୍ ହାର ଶୂନ୍ଯ ରହିଛି । ଯାଜପୁର ଜିଲ୍ଲାର ଆଞ୍ଚଳିକ ମହିଳା ସେକେଣ୍ଡାରୀ ମହିଳା ମହାବିଦ୍ଯାଳୟର ସମସ୍ତ ୧୫ ଜଣ ଏବଂ ଖୋର୍ଦ୍ଧା ଜିଲ୍ଲାର ପ୍ରାଚୀ ଭିନ୍ନକ୍ଷମ ମହାବିଦ୍ଯାଳୟର ସମସ୍ତ ୧୪ ଜଣ ପରୀକ୍ଷାର୍ଥୀ ଫେଲ୍ ହୋଇଛନ୍ତି  ।

କମର୍ସରେ ୪ଟି କଲେଜରେ ଫଳ ଶୂନ୍ଯ ରହିଛି । ଗଞ୍ଜାମରେ ଗୋପାଳପୁର ମହାବିଦ୍ଯାଳୟର ୫ ପରୀକ୍ଷାର୍ଥୀ, ଶ୍ରୀ ଜଗନ୍ନାଥ ମହାବିଦ୍ଯାଳୟର ୪ ଜଣ ପରୀକ୍ଷାର୍ଥୀ, କେପି ସାଇନ୍ସ ମହାବିଦ୍ଯାଳୟର ୩ ଛାତ୍ରଛାତ୍ରୀ ଏବଂ ମାଲକାନଗିରି ଜିଲ୍ଲାର ସାମାପ୍ରସାଦ ମହାବିଦ୍ଯାଳୟର ସମସ୍ତ ୩ ଜଣ ଛାତ୍ରଛାତ୍ରୀ ଫେଲ୍ ହୋଇଛନ୍ତି ।

ସମ୍ବନ୍ଧିତ ଖବର