ନୂଆଦିଲ୍ଲୀ,୨୬/୦୧: ଭାରତ ତାର ୭୭ତମ ଗଣତନ୍ତ୍ର ଦିବସ ପାଳନ କରୁଛି । ମହାନ୍ ପର୍ବକୁ ନେଇ ସବୁଠି ଉତ୍ସାହ । ଦେଶର କୋଣ-ଅନୁକୋଣରେ ଫର ପର୍ ହୋଇ ଉଡୁଛି ତ୍ରିରଙ୍ଗା । ରାଜାଧୀନ ଦିଲ୍ଲୀର କର୍ତ୍ତବ୍ୟପଥରେ ଆୟୋଜିତ ରଙ୍ଗାରଙ୍ଗ ପରେଡ ସମାରୋହରେ ଭାରତର ଶକ୍ତି ଓ ଏକତାର ସାମର୍ଥ୍ୟ ଦେଖବାକୁ ମିଳିବ । ସାଧାରଣତନ୍ତ୍ର ଦିବସ ଅବସରରେ ଦେଶବାସୀଙ୍କୁ ଶୁଭେଚ୍ଛା ଜଣାଇଛନ୍ତି ପ୍ରଧାନମନ୍ତ୍ରୀ ନରେନ୍ଦ୍ର ମୋଦି । ଦେଶର ସମ୍ମାନ, ଗର୍ବ ଏବଂ ଗୌରବର ପ୍ରତୀକ ଏହି ମହାନ ଜାତୀୟ ପର୍ବ ବୋଲି ଏକ୍ସରେ କହିଛନ୍ତି ପ୍ରଧାମମନ୍ତ୍ରୀ ।

ଏକ୍ସରେ ପ୍ରଧାନମନ୍ତ୍ରୀ ଲେଖିଛନ୍ତି,''ଗଣତନ୍ତ୍ର ଦିବସରେ ମୋର ଦେଶବାସୀଙ୍କୁ ଶୁଭେଚ୍ଛା । ଦେଶର ସମ୍ମାନ, ଗର୍ବ ଏବଂ ଗୌରବର ପ୍ରତୀକ ଏହି ମହାନ୍ ଜାତୀୟ ପର୍ବ । ଏହି ପର୍ବ ସମସ୍ତଙ୍କ ମନରେ ନୂଆ ଉତ୍ସାହ ଭରିଦେଉ । ବିକଶିତ ଭାରତର ସଂକଳ୍ପ ଆହୁରି ଅଧିକ ସୁଦୃଢ ହେଉ ।''

ଏହା ବି ପଢନ୍ତୁ...ଦେଶ ପାଳୁଛି ୭୭ତମ ଗଣତନ୍ତ୍ର ଦିବସ: କର୍ତ୍ତବ୍ୟପଥରେ ବିଶ୍ୱ ଦେଖିବ ଭାରତର ଶକ୍ତି, ପରାକ୍ରମ

କର୍ତ୍ତବ୍ୟପଥରେ ପ୍ରାୟ ୯୦ ମିନିଟ୍ ଧରି ଭାରତର ସାମରିକ ଶକ୍ତି ଓ ସାଂସ୍କୃତିକ ବିବିଧତାର ଝଲ୍‌କ ମଧ୍ୟ ସମଗ୍ର ବିଶ୍ୱ ଦେଖିବ । କର୍ତ୍ତବ୍ୟପଥରେ ସୈନ୍ୟ ବାହୁବଳୀ ଦେଖିବାକୁ ମିଳିବ । ବ୍ରହ୍ମୋସ୍, ଅର୍ଜୁନ ଓ ଆକାଶ ସାମିଲ ହେବେ  ଚଳିତବର୍ଷ ଗଣତନ୍ତ୍ର ଦିବସର ମୁଖ୍ୟ ଅତିଥ ୟୁରୋପୀୟ କାଉନସିଲ ଅଧ୍ୟକ୍ଷ ଆଣ୍ଟୋନିଓ କୋଷ୍ଟା ଓ ୟୁରୋପୀୟ କମିଶନ ଅଧ୍ୟକ୍ଷ ଉର୍ସୁଲା ଭନ୍ ଡେର୍ ଲିୟେନଙ୍କ ସମେତ ଅନ୍ୟ ମାନ୍ୟଗଣ୍ୟ ଅତିଥି ଯୋଗଦେବେ । ରାଷ୍ଟ୍ରପତି ଦ୍ରୌପଦୀ ମୁର୍ମୁ ଜାତୀୟ ପତାକା ଉତ୍ତୋଳନ କରିବା ସହ ଅଭିବାଦନ ଗ୍ରହଣ କରିବେ । ଏହା ପରେ ସାଂସ୍କୃତିକ କାର୍ଯ୍ୟକ୍ରମ ବିବିଧତା ମଧ୍ୟରେ ଏକତା ଆରମ୍ଭ ହେବ । ଭାରତୀୟ ଯବାନମାନେ ସେମାନଙ୍କ କଳାକୌଶଳ ପ୍ରଦର୍ଶନ କରିବେ । ବିଭିନ୍ନ ରାଜ୍ୟ ଓ କେନ୍ଦ୍ର ଶାସିତ ଅଞ୍ଚଳର ପ୍ରଜ୍ଞାପନ ମେଢ଼ ଗଡିବ ।