ନୂଆଦିଲ୍ଲୀ,୨୩/୦୩; ''ପଶ୍ଚିମ ଏସିଆ ସ୍ଥିତି ଚିନ୍ତାଜନକ । ଯୁଦ୍ଧର ପ୍ରଭାବ ଭାରତ ଉପରେ ପଡିଛି । ଯୁଦ୍ଧ ଦ୍ବାରା ପ୍ରଭାବିତ ଦେଶମାନଙ୍କ ସହ ଭାରତର ବ୍ୟବସାୟ ଜଡ଼ିତ । ପ୍ରଭାବିତ ଦେଶମାନଙ୍କରେ ପ୍ରାୟ ୧ କୋଟି ଭାରତୀୟ ରହୁଛନ୍ତି । ଯୁଦ୍ଧ ଆରମ୍ଭ ପରଠାରୁ ସେଠାରେ ରହୁଥିବା ଭାରତୀୟଙ୍କୁ ସହାୟତା କରୁଛୁ । ୩ ଲକ୍ଷରୁ ଅଧିକ ଭାରତୀୟ ସୁରକ୍ଷିତ ଫେରିଛନ୍ତି । ୨୪ ଘଣ୍ଟିଆ ହେଲ୍ପ ଲାଇନ ବ୍ୟବସ୍ଥା ଖୋଲା ରହିଛି । ଯୁଦ୍ଧ ପରଠାରୁ ହୋର୍ମୁଜ ପ୍ରଣାଳୀ ଦେଇ ଜାହାଜ ଆସିବା କଷ୍ଟକର ହୋଇଛି । ଏଥିପାଇଁ ଘରୋଇ LPGକୁ ସରକାର ଗୁରୁତ୍ବ ଦେଇ ଆସିଛନ୍ତି । ପେଟ୍ରୋଲ, ଡିଜେଲ୍ ଯୋଗାଣ ସ୍ବାଭାବିକ ରହିଛି । ୩ ଲକ୍ଷରୁ ଅଧିକ ଭାରତୀୟ ସୁରକ୍ଷିତ ଫେରିଛନ୍ତି । ଇରାନରୁ ୧ ହଜାରରୁ ଅଧିକ ଭାରତ ଫେରିଛନ୍ତି । ଭାରତ ସବୁ ପରିସ୍ଥିତିର ସାମ୍ନା କରିବ । କରୋନା କାଳରେ ଯେଉଁ ଧୈର୍ଯ୍ୟର ସହ ପରିସ୍ଥିରର ମୁକାବିଲା କରିଥିଲେ ଠିକ୍ ସେମିତି କରିବ । ପଶ୍ଚିମ ଏସିଆ ସ୍ଥିତିକୁ ନେଇ ସରକାର ସମ୍ବେଦନଶୀଳ-ସତର୍କ ଏବଂ ସହାୟତା ପାଇଁ ବି ତ ।'' ଲୋକସଭାରେ ସମ୍ବୋଧନ କରି ପଶ୍ଚିମ ଏସିଆ ସ୍ଥିତି ନେଇ ଗୃହକୁ ଅବଗତ କରିଛନ୍ତି ପ୍ରଧାନମନ୍ତ୍ରୀ ନରେନ୍ଦ୍ର ମୋଦି ।
#WATCH | On the West Asia conflict, Prime Minister Narendra Modi says, "... In the last decade, India has prioritised storage of crude oil for times of crisis. Today, India has a strategic petroleum reserve of more than 53 lakh metric tonnes, and work is underway to create… pic.twitter.com/12mZ0tVkDK
— ANI (@ANI) March 23, 2026
ଗୃହରେ ଅଭିଭାଷଣ ଦେଇ ପ୍ରଧାନମନ୍ତ୍ରୀ କହିଛନ୍ତି, ''ଏହି ସଂଘର୍ଷ ୩ ସପ୍ତାହରୁ ଅଧିକ ସମୟ ଧରି ଚାଲିଛି । ଏହା ବିଶ୍ୱ ଅର୍ଥନୀତି ଏବଂ ଲୋକଙ୍କ ଜୀବନ ଉପରେ ଗମ୍ଭୀର ପ୍ରଭାବ ପକାଉଛି । ସେଥିପାଇଁ ବିଶ୍ୱ ସମସ୍ତ ପକ୍ଷକୁ ଏହି ସଂଘର୍ଷର ଶୀଘ୍ର ସମାଧାନ ପାଇଁ ଅନୁରୋଧ କରୁଛି । ଏହି ଯୁଦ୍ଧ ଭାରତ ଆଗର ଅପ୍ରତ୍ୟାଶିତ ଚ୍ୟାଲେଞ୍ଜ ସୃଷ୍ଟି କରିଛି । ଏହା ଉଭୟ ଆର୍ଥିକ, ଜାତୀୟ ସୁରକ୍ଷା ଏବଂ ମାନବୀୟ ସହ ଜଡ଼ିତ । ଭାରତ ଆଜିକା ଦିନରେ ୪୧ଟି ଦେଶରୁ ଏନର୍ଜି ଆମଦାନୀ କରୁଛି । ଭାରତରେ ତେଲ, ଗ୍ୟାସ ଏବଂ ସାର ପରି ଜରୁରୀ ଜିନିଷ ହୋର୍ମୁଜ ଦେଇ ଆସେ । ଯୁଦ୍ଧ ପରେ ଏହି ପଥରେ ଜାହାଜ ଚଳାଚଳ ବାଧାପ୍ରାପ୍ତ ହୋଇଛି । ଦେଶବାସୀଙ୍କୁ ଯେପରି ଗ୍ୟାସ, ତେଲ ସମସ୍ୟାର ସମ୍ମୁଖୀନ ନହୁଅନ୍ତି ସେ ଦିଗରେ ଗୁରୁତ୍ୱ ଦିଆଯାଇଛି । ଦେଶରେ ଏଲପିଜି ଉତ୍ପାଦକୁ ବଢାଯାଉଛି । ଭାରତ ୬୦ ପ୍ରତିଶତ ଏଲପିଜି ଆମଦାନୀ କରିଥାଏ । ପେଟ୍ରୋଲ,ଡିଜେଲ ସପ୍ଲାଇ ଶୃଙ୍ଖଳ ବଜାୟ ରଖିବାକୁ ଉଦ୍ୟମ ହେଉଛି । ଭାରତ ସରକାର ଗଲ୍ଫ ସାମୁଦ୍ରିକ ଅଞ୍ଚଳ ଉପରେ ଧ୍ୟାନ ରଖିଛନ୍ତି । ଯୁଦ୍ଧର ପ୍ରଭାବ ସାରା ବିଶ୍ବର ଅର୍ଥନୀତିକୁ ପ୍ରଭାବିତ କରିଛି । ଭାରତ ଉପରେ କମ୍ ପ୍ରଭାବ ନେଇ ପ୍ରୟାସ ଜାରି ରହିଛି । ସରକାର ଏକ ଆନ୍ତଃମନ୍ତ୍ରିସ୍ତରୀୟ କମିଟି ଗଠନ କରି ନଜର ରଖିଛନ୍ତି । ଏବେ ଭାରତ ପାଖରେ ୫୫ ଲକ୍ଷ ମେଟ୍ରିକ୍ ଟନ୍ ପେଟ୍ରୋଲ ରହିଛି । ସରକାର ଅଲଗା ଅଲଗା ସପ୍ଲାଏରଙ୍କ ସହିତ ସଂପର୍କରେ ଅଛନ୍ତି । ହୋର୍ମୁଜ୍ ଷ୍ଟ୍ରେଟରେ ଫସିଥିବା କିଛି ଜାହାଜ ସରକାରଙ୍କ ଉଦ୍ୟମମ କାରଣରୁ ଦେଶକୁ ଆସିଛନ୍ତି । ଗତ ୧୦ ,୧୨ ବର୍ଷ ମଧ୍ୟରେ ଏଥୋନେଲ୍ ଉତ୍ପାଦନ ଓ ବ୍ଲେଣ୍ଡିଂ ଉପରେ କାମ ହେଉଛି । ଏବେ ପେଟ୍ରୋଲରେ ୨୦ ପ୍ରତିଶତ ଇଥୋନେଲ୍ ବ୍ଲେଣ଼଼୍ଡିଂ । ହେଉଛି ଦେଶର କୃଷକଙ୍କୁ ଏହି ସଂକଟରୁ ରକ୍ଷା କରିବା ପାଇଁ କାର୍ଯ୍ୟ ଚାଲିଛି । ୟୁରିଆ ସାର ଦାମ୍ ବିଶ୍ବର ଅନ୍ୟ ଦେଶଠାରୁ କମ୍ ରଖାଯାଇଛି । କୃଷକମାନଙ୍କୁ ୨୨ ଲକ୍ଷ ସୋଲାର ପମ୍ପ୍ ବଣ୍ଟନ ହୋଇଛି । ''
#WATCH | On the West Asia conflict, Prime Minister Narendra Modi says, "India has extensive trade relations with countries at war and affected by the conflict. The region where the conflict is taking place is also an important route for our trade with other countries around the… pic.twitter.com/0Bzx23Er3S
— ANI (@ANI) March 23, 2026
ପଶ୍ଚିମ ଏସିଆ ସ୍ଥିତିକୁ ନେଇ ପ୍ରଧାନମନ୍ତ୍ରୀ ଆହୁରି କହିଛନ୍ତି, ''ସଙ୍କଟର ଏହି ସମୟରେ ଦେଶ ପରିସ୍ଥିତିର ସାମ୍ନା କରିବାକୁ ପ୍ରସ୍ତୁତ । କୂରନୈତିକ ଦୃଷ୍ଟିରୁ ଭାରତର ଭୂମିକା ସ୍ପଷ୍ଟ । ଆରମ୍ଭରୁ ଆମେ ସଙ୍କଟକୁ ନେଇ ଗଭୀର ଚିନ୍ତା ପ୍ରକଟ କରିଥିଲୁ । ଭାରତ ନାଗରିକ, ଏନର୍ଜି ଏବଂ ଟ୍ରାନ୍ସପୋର୍ଟ ସହ ଜଡ଼ିତ ଭିତ୍ତିଭୂମି ଉପରେ ଆକ୍ରମଣକୁ ବିରୋଧ କରିଛି । କମର୍ସିଆଲ ଜାହାଜ ଏବଂ ହୋର୍ମୁଜ ମାର୍ଗରେ ଜଳମାର୍ଗରେ ବିରୋଧ ଗ୍ରହଣୀୟ ନୁହେଁ । ଭାରତ ସବୁବେଳେ ମାନବାତାର ହିତ ଏବଂ ଶାନ୍ତି ପକ୍ଷରେ ସ୍ୱର ଉଠାଇଛି । ଆଲୋଚନା ଏବଂ କୂଟନୀତି ହିଁ ଏହି ସମସ୍ୟାର ସମାଧାନ । ଆମ ପ୍ରତ୍ୟେକ ପ୍ରୟାସ ଉତ୍ତେଜନାକୁ କମ୍ କରିବା ଏହି ସଂଘର୍ଷକୁ ସମାପ୍ତ କରିବାକୁ । ଏପରି ସଙ୍କଟ ସମୟରେ କିଛି ଏହାର ଫାଇଦା ଉଠାନ୍ତି ତେଣୁ ଏ ନେଇ ସବୁ ଆଲର୍ଟରେ ରହିଛନ୍ତି । ଯୁଦ୍ଧ ପ୍ରଭାବ ଦୀର୍ଘ ସମୟ ଧରି ରହିବା ଆଶଙ୍କା ରହିଛି । ତେଣୁ ଆମକୁ ପ୍ରସ୍ତୁତ ରହିବାକୁ ପଡିବ । କରୋନା ସମୟରେ ଏକଜୁଟ ହୋଇ ପରିସ୍ଥିତିର ସାମ୍ନା କରିଥିଲେ ଠିକ୍ ସେମିତି ହି ସବୁ ଚ୍ୟାଲେଞ୍ଜର ସାମ୍ନା କରିବାକୁ ପଡିବ । ଏହା ହିଁ ଭାରତ ଶକ୍ତି । ଦେଶର ସରକାର ଏବଂ ନାଗରିକ ଏକାଠି କାମ କଲେ ଭାରତ ସବୁ ଚ୍ୟାଲେଞ୍ଜକୁ ବି ଚ୍ୟାଲେଞ୍ଜ ଦେବ । ''
