୫ କୋଟିରୁ ଉର୍ଦ୍ଧ୍ୱ ଟଙ୍କାର ବ୍ରାଉନ୍ ସୁଗାର ଓ ଗଞ୍ଜେଇକୁ ପୋଡ଼ିଲା ଏସ୍ଟିଏଫ୍ ଟିମ୍
ଭୁବନେଶ୍ୱର ୨୭/୦୧: ୫ କୋଟିରୁ ଉର୍ଦ୍ଧ୍ବ ଟଙ୍କାର ବ୍ରାଉନ୍ ସୁଗାର ଓ ଗଞ୍ଜେଇକୁ ପୋଡ଼ିଲା ଏସ୍ଟିଏଫ୍ । ୫ହଜାର ୨ଶହ ୬୯କିଲୋଗ୍ରାମ ଗଞ୍ଜେଇ ଏବଂ ୧ କିଲୋ ୩୨ ଗ୍ରାମ ଜବତ ବ୍ରାଉନ ସୁଗାରକୁ ଖୋର୍ଦ୍ଧା ଆଦର୍ଶ ଥାନା ଅନ୍ତର୍ଗତ ଟାଙ୍ଗିଆପଡ଼ାଠାରେ ଥିବା ସାନି କ୍ଲିନ୍ ପ୍ରାଇଭେଟ୍ ଲିମିଟେଡରେ ପୋଡି ନଷ୍ଟ କରିବା ପାଇଁ ପହଞ୍ଚିଲା ଏସଟିଏଫ୍ । ଘଟଣା ସ୍ଥଳରେ ଏସ୍ଟଏଫ୍ ଆଇଜି ଜେ.ଏନ୍.ପଙ୍କଜ ଓ ଏସ୍ଟଏଫ୍ ଏସ୍ପି କେ. କେ ପାଣିଗ୍ରାହୀ ଉପସ୍ଥିତ ଥିଲେ। ଏସଟିଏଫ୍ର ୧୦ ଜଣିଆ ଟିମ୍ର ପ୍ରତ୍ୟକ୍ଷ ତତ୍ତ୍ଵାବଧାନରେ ପାଞ୍ଚ କୋଟିରୁ ଉର୍ଦ୍ଧ୍ବ ଟଙ୍କାର ଜବତ ନିଶା ସାମଗ୍ରୀ ପୋଡ଼ି ନଷ୍ଟ କରାଯାଇଛି।
