PRAMEYA

Prameya News Portal, Prameya Daily, Odisha Latest News, Odisha Current Headlines, Odisha News Online

ପ୍ରମୁଖ ଖବର
  • କଟକ: ରେଞ୍ଜରଙ୍କ ହେପାଜତରେ ଅଭିଯୁକ୍ତଙ୍କ ମୃତ୍ୟୁ, ବଡ଼ମ୍ବା ରେଞ୍ଜରଙ୍କ ସମେତ ୧୫ ଅଟକ
  • ||
  • ଭୁବନେଶ୍ୱର: ଥଣ୍ଡା ଜ୍ୱରରେ ରାଜ୍ୟ କଲବଲ: ପୀଡ଼ିତ ଶିଶୁଙ୍କ ସଂଖ୍ୟା ୩ଗୁଣ ବଢ଼ିଛି, ଚିନ୍ତାରେ ଅଭିଭାବକ
  • ||
  • ଭୁବନେଶ୍ୱର: ବରମୁଣ୍ଡା ବସ୍ ଷ୍ଟାଣ୍ଡରେ ବୋମାମାଡ଼, ଜଣେ ଅଟକ
  • ||
  • ଭୁବନେଶ୍ୱର: ସରିଲା ଖଣ୍ଡଗିରି କୁମ୍ଭମେଳା, ଫେରିଲେ ସାଧୁସନ୍ଥ
  • ||
  • ଭୂକମ୍ପରେ ଥରିଲା ତୁର୍କୀ, ରିକ୍ଟର ସ୍କେଲରେ ତ୍ରୀବତା ଥିଲା ୭.୮
  • ||

ଫିଫା ବିଶ୍ବକପ୍ ୨୦୨୨: ସାଉଦିକୁ ୨-୦ ଗୋଲରେ ହରାଇ ଟେବୁଲ ଟପ୍‌ରେ ପୋଲାଣ୍ଡ, ରୋବର୍ଟଙ୍କ ଗୋଲଡେନ୍‌ ଗୋଲ୍

ନୂଆଦିଲ୍ଲୀ ୨୬/ ୧୧: କାତାରରେ ଜାରି ରହିଥିବା ଫିଫା ବିଶ୍ବକପ ୨୦୨୨ରେ ଶନିବାର ଆଉ ଏକ ଦମଦାର ମୁକାବିଲା ଦେଖିବାକୁ ମିଳିଛି । ପ୍ରଥମେ ରୋମାଞ୍ଚକର ମୁକାବିଲାରେ ଟ୍ୟୁନିସିଆକୁ ଅଷ୍ଟ୍ରେଲିଆ ୦-୧ ଗୋଲରେ ହରାଇବା ପରେ ପରବର୍ତ୍ତୀ ମ୍ୟାଚରେ ସାଉଦି ଆରବକୁ ପରାସ୍ତ କରିଛି ପୋଲାଣ୍ଡ । ଗ୍ରୁପ୍‌-ସି ରୁ ଶନିବାର ସାଉଦିକୁ ୨-୦ ଗୋଲରେ ପରାସ୍ତ କରିଛି ପୋଲାଣ୍ଡ ।

ପୋଲାଣ୍ଡ ପକ୍ଷରୁ ପାୟୋଟେର୍‌ ଜାଇଲେନସ୍କି ୩୯ ତମ ମିନିଟରେ ଗୋଟିଏ ଗୋଲ୍‌ କରିଥିବା ବେଳେ ରୋବୋର୍ଟ ଲେଓ୍ବାନଣ୍ଡସ୍କି ୮୨ତମ ମିନିଟରେ ଦ୍ବିତୀୟ ଗୋଲ କରି ଦଳକୁ ବହୁ ପ୍ରତୀକ୍ଷିତ ବିଜୟୀ ଭେଟି ଦେଇଥିଲେ । ଲେଓ୍ବାନଣ୍ଡସ୍କି ଫିଫା ବିଶ୍ବକପ ୨୦୨୨ରେ ଏହା ପ୍ରଥମ ଗୋଲ୍‌ ।

ଶନିବାର ପରବର୍ତ୍ତୀ ମ୍ୟାଚ୍‌ରେ ମେକ୍ସିକୋ ଏବଂ ଆର୍ଜେଣ୍ଟିନା ମଧ୍ୟରେ ମୁକାବିଲା ହେବ । ପ୍ରଥମ ମ୍ୟାଚରେ ସାଉଦି ଠାରୁ ପରାସ୍ତ ହୋଇଥିଲା ଭେଟେରାନ୍‌ ଲିଓନେଲ୍‌ ମେସିଙ୍କ ଆର୍ଜେଣ୍ଟିନା । ପୂର୍ବରୁ ପୋଲାଣ୍ଡ ଏବଂ ମେକ୍ସିକୋ ମ୍ୟାଚ୍‌ ଡ୍ର’ ଭାବେ ଶେଷ ହୋଇଥିଲା । ଗ୍ରୁପ୍-ସିରେ ବର୍ତ୍ତମାନ ପୋଲାଣ୍ଡ ଦୁଇଟିରୁ ଗୋଟିଏ ବିଜୟ ଏବଂ ଗୋଟିଏ ଡ୍ର ସହିତ ୪ ପଏଣ୍ଟ ପାଇ ଟେବୁଲ ଶୀର୍ଷରେ ଥିବା ବେଳେ ସାଉଦି ଆରବ ୨ଟି ମ୍ୟାଚ୍‌ ଖେଳି ଗୋଟିଏ ବିଜୟ ସହ ୩ ପଏଣ୍ଟ ପାଇ ଦ୍ବିତୀୟ ସ୍ଥାନରେ ରହିଛି । ସେହିଭଳି ମେକ୍ସିକୋ ଗୋଟିଏ ମ୍ୟାଚ୍‌ ଖେଳିଥିବା ବେଳେ ତାହା ଡ୍ର’ ଭାବେ ଶେଷ ହୋଇଛି ଏବଂ ଆର୍ଜେଣ୍ଟିନା ଗୋଟିଏ ମ୍ୟାଚ୍‌ ଖେଳି ପରାଜିତ ହେବା ସହିତ ଟେବୁଲ ଶେଷରେ ରହିଛି ।