ମାଲକାନଗିରି,୨୦/୦୩: ମାଲକାନଗିରି ଜିଲ୍ଲା ସ୍ୱାଭିମାନ ଅଞ୍ଚଳ ପାପରମେଟଲା ଥାନା ଅନ୍ତର୍ଗତ ଲିମିତାଙ୍ଗ ଗ୍ରାମକୁ ଚଢାଉ କରିବାକୁ ଯାଇ ହଟହଟା ହେଲା ପୋଲିସ । ଗଞ୍ଜେଇ ଚାଷୀଙ୍କ ମାଡ଼ରେ ଜଣେ ହୋମଗାର୍ଡ ଆହତ ହୋଇ ଚିତ୍ରକୋଣ୍ଡା ହସ୍ପିଟାଲରେ ଚିକିତ୍ସିତ ହେଉଛନ୍ତି।
ସୂଚନା ମୁତାବକ, ଚିତ୍ରକୋଣ୍ଡା ପୋଲିସ ବୁଧବାର ସନ୍ଧ୍ୟା ସମୟରେ ସ୍ୱାଭିମାନ ଅଞ୍ଚଳ ପାପାରମେଟଲା ଥାନା ଅନ୍ତର୍ଗତ ଲିମାତାଙ୍ଗ ଗ୍ରାମକୁ ଗଞ୍ଜେଇ ଚୋରା ଚାଲାଣକାରୀଙ୍କୁ ଧରିବାକୁ ଯାଇଥିଲା। ଚିତ୍ରକୋଣ୍ଡା ପୋଲିସ ଓ ପାପରମେଟଲା ପୋଲିସ ମିଳିତ ଭାବରେ ଲିମାତାଙ୍ଗ ଗାଁରେ ଚଢାଉ କରିଥିଲେ । ହେଲେ ଚଢାଉ କରୁଥିବା ଦେଖି ଗାଁର କିଛି ଗଞ୍ଜେଇ ଚାଷୀ ପୋଲିସ ଉପରେ ଆକ୍ରମଣ କରିଥିଲେ । ଗ୍ରାମବାସୀଙ୍କ ଆକ୍ରମଣରେ ଚିତ୍ରକୋଣ୍ଡା ଥାନାର ହୋମଗାର୍ଡ ଦେବେନ୍ଦ୍ର ରାଉତ ଗୁରୁତର ଆହତ ହୋଇଥିଲେ। ତାଙ୍କ ମୁଣ୍ଡ ଓ ହାତରେ ମାଡ଼ ବାଜିଛି। ସେ ଚିତ୍ରକୋଣ୍ଡା ହସ୍ପିଟାଲରେ ଚିକିତ୍ସା ହେଉଥିବା ବେଳେ ଗୁରୁବାର ପୋଲିସ ଘଟଣା ସ୍ଥଳରେ ପହଞ୍ଚି ତଦନ୍ତ ଆରମ୍ଭ କରିଛି ।
ଏହି ଖବରଟିକୁ ପଢନ୍ତୁ-୧୨ କ୍ଵିଣ୍ଟାଲ ଗଞ୍ଜେଇ ଜବତ, ୨ ଗିରଫ
