ମହାବିରୋଡ଼,୨୧/୦୫: ଢେଙ୍କାନାଳ ଜିଲ୍ଲା ମହାବିରୋଡ଼ ଥାନା ଅଞ୍ଚଳରେ ୪ ନାବାଳିକାଙ୍କୁ ଉଦ୍ଧାର କରିଛି ମହାବିରୋଡ଼ ପୁଲିସ । ଉଦ୍ଧାର ନାବାଳିତାଙ୍କୁ ଢେଙ୍କାନାଳ ସୁଧାର ଗୃହରେ ଥଇଥାନ କରାଯାଇଛି । ତେବେ ସେମାନଙ୍କର ପରିଚୟ ବର୍ତ୍ତମାନ ସୁଦ୍ଧା ଜଣାପଡ଼ି ନାହିଁ ।
ସୂଚନା ମୁତାବକ, ଦଶୀପୁର ଗାଁ ହାଇସ୍କୁଲ ଛକ ନିକଟରେ ୪ଜଣ ନାବାଳିକା ସନ୍ଦେହ ଜନକ ଭାବେ ଏକାଠି ବସିଥିବାର ଗାଁ ଲୋକେ ଦେଖିଥିଲେ ଏବଂ ସେମାନଙ୍କର ପରିଚୟ ପଚାରିଥିଲେ, ହେଲେ ୪ ନାବାଳିକା କିଛି କହି ପାରିନଥିଲେ । ସମସ୍ତଙ୍କର ବୟସ ୬ରୁ ୧୦ ବର୍ଷ ମଧ୍ୟରେ ହେବ । ଏ ସଂକ୍ରାନ୍ତରେ ଗ୍ରାମବାସୀ ମହାବିରୋଡ଼ ପୁଲିସକୁ ଖବର ଦେଇଥିଲେ । ଖବର ପାଇ ଥାନା ଅଧିକାରୀ କାଶୀନାଥ ହାଁସଦା ତୁରନ୍ତ ଥାନା କର୍ମଚାରୀଙ୍କୁ ଦଶୀପୁର ପଠାଇ ୪ ନାବାଳିକାଙ୍କୁ ଥାନାକୁ ଆଣିଥିଲେ। ହେଲେ ସେମାନେ ନିଜର ପରିଚୟ କହିନପାରିବାରୁ ତାଙ୍କୁ ଢେଙ୍କାନାଳ ସ୍ଥିତ ସୁଧାର ଗୃହକୁ ପଠାଇଛି ପୋଲିସ । ଏ ବାବଦରେ ଥାନା ଅଧିକାରୀ କାଶୀନାଥ ହାଁସଦା କହିଛନ୍ତି, ପିଲାମାନଙ୍କୁ ଦଶୀପୁରଠାରୁ ଉଦ୍ଧାର କରାଯାଇ ଢେଙ୍କାନାଳ ସୁଧାର ଗୃହରେ ଛଡାଯାଇଛି ।
