ପ୍ରମୁଖ ଖବର
  • ଲୋକସଭା ନିର୍ବାଚନ ପୂର୍ବରୁ କଂଗ୍ରେସକୁ ଝଟକା, ହାତ ଛାଡ଼ିଲେ ପିସିସି ଉପସଭାପତି ରଜତ ଚୌଧୁରୀ
  • ||
  • ବିନିକା: ଦୁଇ ବାଇକ୍ ମୁହାଁମୁହିଁଁ ଧକ୍କା, ଜଣେ ମୃତ, ୨ ଗୁୁରୁତର
  • ||
  • ମୁଖ୍ୟମନ୍ତ୍ରୀଙ୍କ ବଡ଼ ଘୋଷଣା, ରାଜ୍ୟର ଲ' ଅଫିସ୍‌ର ମାନଙ୍କର ଡେଲି ଓ ରିଟେଲ୍‌ ଫି ରେ ୫୦ ପ୍ରତିଶତ ବୃଦ୍ଧି
  • ||
  • ରାଜ୍ୟର ଗଣଶିକ୍ଷକଙ୍କ ପାଇଁ ମୁଖ୍ୟମନ୍ତ୍ରୀଙ୍କ ବଡ଼ ଘୋଷଣା, ଉପକୃତ ହେବେ ୧୨ ହଜାରରୁ ଅଧିକ ଗଣଶିକ୍ଷକ
  • ||
  • ଚାଟାର୍ଡ ଆକାଉଣ୍ଟାଣ୍ଟଙ୍କ ଘରେ EDର ଚଢ଼ାଉ, ଏକାକାଳୀନ ୫ଟି ସ୍ଥାନରେ ଚାଲିଛି ରେଡ୍
  • ||
  • ଅଜଣା ଗାଡି ଧକ୍କା ବାଇକ ଚାଳକଙ୍କ ଚଲିଗଲା ଜୀବନ, ଅଞ୍ଚଳବାସୀଙ୍କ ରାସ୍ତାରୋକ୍
  • ||
  • ଶୁକ୍ରବାର ସନ୍ଧ୍ୟା ୭ଟାରୁ ସୂର୍ଯ୍ୟମନ୍ଦିର ପରିଦର୍ଶନ ବନ୍ଦ, ଅକ୍ଟୋବର ୩୧ ପର୍ଯ୍ୟନ୍ତ ଭ୍ରମଣ ସମୟ ପରିବର୍ତ୍ତନ
  • ||
  • ଲୋକସଭା ପ୍ରାର୍ଥୀ ଚୟନ ନେଇ ବିଜେପିର ଗୁରୁତ୍ୱପୂର୍ଣ୍ଣ ବୈଠକ, ସମ୍ଭାବ୍ୟ ପ୍ରଥମ ପ୍ରାର୍ଥୀ ତାଲିକାରେ ଏହି ନେତାଙ୍କ ନାଁ
  • ||
  • WPL-2024: ଦିଲ୍ଲୀ କ୍ୟାପିଟାଲ୍ସର ରୋମାଞ୍ଚକର ବିଜୟ, ରୟାଲ୍‌ ଚ୍ୟାଲେଞ୍ଜର୍ସକୁ ୨୫ ରନ୍‌ରେ ହରାଇଲା
  • ||
  • ଭଞ୍ଜବିହାର ଗସ୍ତ କରିବେ ରାଷ୍ଟ୍ରପତି ଦୌପଦୀ ମୁର୍ମୁ, ସମାବର୍ତ୍ତନ ଉତ୍ସବରେ ଦେବେ ଉଦ୍‌ବୋଧନ
  • ||
  • ଏନ୍‌ଟିସିଏରେ କଲରାପତରିଆ ବାଘର ତଥ୍ୟ ଚିନ୍ତାଜନକ, ଓଡ଼ିଶାରୁ ୧୯୨ କଲରାପତରିଆ ଉଭାନ୍
  • ||
  • ଶୁକ୍ରବାର ବରମୁଣ୍ଡା ବସ୍‌ ଟର୍ମିନାଲ ଲୋକାର୍ପଣ କରିବେ ମୁଖ୍ୟମନ୍ତ୍ରୀ: ଏୟାରପୋର୍ଟ ଭଳି ଅତ୍ୟାଧୁନିକ ସୁବିଧା ପାଇବେ ଯାତ୍ରୀ
  • ||
  • ରାଜ୍ୟରେ ପୁଣି ବଢ଼ିଲା ତାତି, ମାଲକାନଗିରିରେ ସର୍ବାଧିକ ୩୭ଡିଗ୍ରୀ: ଆସନ୍ତା ୩ରୁ ବିଭିନ୍ନ ସ୍ଥାନରେ ବର୍ଷା ସମ୍ଭାବନା
  • ||

ଆରମ୍ଭ ହେଲା ପୁଲିସ ଶିକ୍ଷାର୍ଥୀ ବାହିନୀ

ଭୁବନେଶ୍ୱର,୨୪ା୧(ବ୍ୟୁରୋ): ଏଥର ଅଷ୍ଟମ ଶ୍ରେଣୀରୁ ଜଣେ ଛାତ୍ର ପୁଲିସ ଆଚରଣ ସମ୍ପର୍କିତ ଶିକ୍ଷା ପାଇ ପାରିବ । ଦେହରେ ଖାକି ବର୍ଦ୍ଦି ସାଙ୍ଗକୁ ମୁଣ୍ଡରେ ଟୋପି ଆଉ ଛାତିରେ ବ୍ୟାଜ୍‌ ପିନ୍ଧି ପୁଲିସର କାର୍ଯ୍ୟଧାରା ଶିଖିପାରିବ । ସହପାଠୀଙ୍କୁ ଆଇନ ବ୍ୟବସ୍ଥା ଓ ଶୃଙ୍ଖଳାର ଜ୍ଞାନ ବାଣ୍ଟି ସୁନାଗରିକ ହେବାରେ ମାଗଦର୍ଶକ ସାଜିବ । ଦାୟିତ୍ୱବୋଧ ଓ ଦେଶପ୍ରେମ ଜାଗ୍ରତ କରାଇ ଉଗ୍ରବାଦ ଓ ଅପରାଧୀକ କାର୍ଯ୍ୟରୁ ନିବୃତ୍ତ ରହିବାକୁ ସଚେତନ କରିବେ । ଏହି ଲକ୍ଷ୍ୟରେ ଓଡି଼ଶା ପୁଲିସ ଆଜିଠୁ ଆରମ୍ଭ କରିଛି ପୁଲିସ ଶିକ୍ଷାର୍ଥୀ ବାହିନୀ (ଏସ୍‌ପିସି) ।
ଉନ୍ନୟନ କମିଶନର ତଥା ସ୍ୱରାଷ୍ଟ୍ର ବିଭାଗ ଅତିରିକ୍ତ ମୁଖ୍ୟ ଶାସନ ସଚିବ ଅସିତ କୁମାର ତ୍ରିପାଠୀ ଏହି ବ୍ୟବସ୍ଥାର ଉଦ୍‌ଘାଟନ କରିଛନ୍ତି । ଶ୍ରୀ ତ୍ରିପାଠୀ କହିଛନ୍ତି, ଠିକଣା ସମୟରେ ଗାଇଡ୍‌ ନ କରାଯିବାରୁ ଛାତ୍ରସମାଜ ପଥଭ୍ରଷ୍ଟ ହେଉଛି । ଛାତ୍ରଛାତ୍ରୀମାନେ ବେଆଇନ୍‌ ଓ ଅସାମାଜିକ କାର୍ଯ୍ୟକଳାପରେ ଲିପ୍ତ ରହି ଭବିଷ୍ୟତ ନଷ୍ଟ କରୁଛନ୍ତି । ଏହି ବ୍ୟବସ୍ଥା ଛାତ୍ରଛାତ୍ରୀଙ୍କୁ ଶୃଙ୍ଖଳିତ କରି ସୁନାଗରିକ ଭାବେ ଗଢ଼ି ତୋଳିବ ।
ଆଜି କ୍ୟାପିଟାଲ ହାଇସ୍କୁଲରେ ଆୟୋଜିତ ଏହି କାର୍ଯ୍ୟକ୍ରମରେ ୪୪ଜଣ ଛାତ୍ରଛାତ୍ରୀ ଏସ୍‌ପିସି ଭାବେ ଯୋଗ ଦେଇଛନ୍ତି । ସେମାନଙ୍କୁ ପୁଲିସ ପୋଷାକ ଓ ବ୍ୟାଜ୍‌ ଦିଆ ଯାଇଥିଲା । ପୁଲିସ ମହାନିର୍ଦ୍ଦେଶକ ଡା. ରାଜେନ୍ଦ୍ର ପ୍ରସାଦ ଶର୍ମା ମୁଖ୍ୟ ଅତିଥି ଭାବେ ଯୋଗଦେଇ କହିଛନ୍ତି, ଏହି ଦୁଇ ବର୍ଷିିଆ ସ୍କିମ୍‌ରେ କେବଳ ଅଷ୍ଟମ ଓ ନବମ ଶ୍ରେଣୀ ଛାତ୍ରଛାତ୍ରୀ ଯୋଗ ଦେଇପାରିବେ । ଏସ୍‌ପିସିମାନେ ସପ୍ତାହକୁ ଦୁଇଥର ନିକଟସ୍ଥ ଥାନାକୁ ଯିବେ । ଥାନାରେ ଇନ୍‌ଡୋର ଓ ଆଉଟ୍‌ ଡୋରରେ ପୁଲିସର କାର୍ଯ୍ୟଶୈଳୀର ଶିକ୍ଷା ଦିଆଯିବ । ପୁଲିସର କଠିନ କାର୍ଯ୍ୟବ୍ୟବସ୍ଥା ଓ ନିୟମକାନୁନ ବାବଦରେ ସଚେତନ କରାଯିବ । ଛାତ୍ରଗୋଷ୍ଠୀଙ୍କ ମଧ୍ୟରେ ବଢ଼ୁଥିବା ଉଗ୍ରବାଦ, ଅପରାଧିକ ପ୍ରବୃତ୍ତି, ଅସାମାଜିକ କାର୍ଯ୍ୟକଳାପ ରୋକିବାରେ ଏହା ସହାୟକ ହେବ ।
ପ୍ରାରମ୍ଭିକ ପର୍ଯ୍ୟାୟରେ ରାଜ୍ୟର ୪୦ଟି ସ୍କୁଲରେ ଏହା ଲାଗୁ କରାଯାଇଛି । ଏଥିରୁ ୩୩ଟି ରାଜ୍ୟ ସରକାରଙ୍କ ଦ୍ୱାରା ପରିଚାଳିତ ସ୍କୁଲ ଓ ୭ଟି ନବୋଦୟ ବିଦ୍ୟାଳୟ ରହିଛି । ପ୍ରତି ସ୍କୁଲରୁ ୪୪ ଜଣ ଛାତ୍ରଛାତ୍ରୀ ଏଥିରେ ଭାଗ ନେବେ । ଆଗକୁ ୭୦ ହଜାର ସ୍କୁଲରେ ଏହି ବ୍ୟବସ୍ଥା ଲାଗୁ କରିବାକୁ ଯୋଜନା ଚାଲିଛି । ସୂଚନା ଥାଉ କି, ଏହି ବ୍ୟବସ୍ଥା ପ୍ରଥମେ ପାଇଲଟ ପ୍ରୋଜେକ୍ଟ ଭାବେ କେରଳ ସରକାର ଆରମ୍ଭ କରିଥିଲେ । ତୃଣମୂଳସ୍ତରରେ ସଫଳତା ମିଳିବା ପରେ କର୍ଣ୍ଣାଟକ, ତାମିଲନାଡୁ, ତେଲେଙ୍ଗାନାରେ ମଧ୍ୟ ଏହି ବ୍ୟବସ୍ଥା ଲାଗୁ କରାଯାଇଛି ।
ପୁଲିସ କମିଶନର ସତ୍ୟଜିତ ମହାନ୍ତି ଏଥିରେ ସମ୍ମାନିତ ଅତିଥି ଭାବେ ଯୋଗ ଦେଇଥିଲେ । ଏସ୍‌ପିସିର ରାଜ୍ୟ ସଂଯୋଜକ ଅସିତ ପାଣିଗ୍ରାହୀ ସ୍ୱାଗତ ଭାଷଣ ଦେଇଥିଲେ । କ୍ୟାପିଟାଲ ହାଇସ୍କୁଲ ପ୍ରଧାନ ଶିକ୍ଷୟତ୍ରୀ ସୋନାଲିକା ରାୟ ଧନ୍ୟବାଦ ଦେଇଥିଲେ ।

News7 Is Now On WhatsApp Join And Get Latest News Updates Delivered To You Via WhatsApp

Copyright © 2024 - Summa Real Media Private Limited. All Rights Reserved.